India vs Bangladesh Women’s Asia Cup Live Score: സെമി ഫൈനലില്‍ ബംഗ്ലാദേശിനെ തകര്‍ത്തു; ഇന്ത്യ ഫൈനലില്‍
India vs Bangladesh, Women’s Asia Cup 2026 Live Score Updates: വനിതാ ഏഷ്യാ കപ്പ് സെമി ഫൈനലില്‍ ഇന്ത്യ ഇന്ന് ബംഗ്ലാദേശിനെ നേരിടും. ദുബായ് ഇന്റര്‍നാഷണല്‍ സ്റ്റേഡിയത്തില്‍ രാത്രി എട്ടിനാണ് മത്സരം. അനായാസ ജയവുമായി ഫൈനലിലെത്തുകയാണ് ഹര്‍മന്‍പ്രീത് കൗറിന്റെയും സംഘത്തിന്റെയും ലക്ഷ്യം.
വനിതാ ഏഷ്യാ കപ്പ് സെമി ഫൈനലില്‍ ഇന്ത്യ ഇന്ന് ബംഗ്ലാദേശിനെ നേരിടും. ദുബായ് ഇന്റര്‍നാഷണല്‍ സ്റ്റേഡിയത്തില്‍ രാത്രി എട്ടിനാണ് മത്സരം. ഇന്ത്യയെ സംബന്ധിച്ച് ബംഗ്ലാദേശ് താരതമ്യേന ദുര്‍ലബരായ എതിരാളികളാണ്. അതുകൊണ്ട് തന്നെ അനായാസ ജയവുമായി ഫൈനലിലെത്തുകയാണ് ക്യാപ്റ്റന്‍ ഹര്‍മന്‍പ്രീത് കൗറിന്റെയും സംഘത്തിന്റെയും ലക്ഷ്യം. സ്മൃതി മന്ദാന, ഷെഫാലി വര്‍മ, ദീപ്തി ശര്‍മ തുടങ്ങിയവരുടെ ഫോമിലാണ് പ്രതീക്ഷ. എന്നാല്‍ ക്യാപ്റ്റന്‍ ഹര്‍മന്‍പ്രീത് ഉള്‍പ്പെടെയുള്ളവര്‍ക്ക് പ്രതീക്ഷയ്‌ക്കൊത്ത് ഉയരാനായിട്ടില്ല. പ്രതിക റാവലും തുടര്‍ച്ചയായി നിരാശപ്പെടുത്തുകയാണ്.
അപരാജിതരായാണ് ഇന്ത്യ സെമി ഫൈനലിലെത്തിയത്. ബംഗ്ലാദേശ് ഗ്രൂപ്പ് ഘട്ടത്തില്‍ ശ്രീലങ്കയോട് തോറ്റിരുന്നു. നാളെ നടക്കുന്ന രണ്ടാം സെമിയില്‍ ശ്രീലങ്കയും പാകിസ്ഥാനും ഏറ്റുമുട്ടും. സെപ്തംബര്‍ 13-നാണ് ഫൈനല്‍. ഇന്ത്യ-ബംഗ്ലാദേശ് സെമി ഫൈനല്‍ പോരാട്ടത്തിന്റെ തത്സമയ അപ്‌ഡേറ്റുകള്‍ ടിവി 9 മലയാളത്തിന്റെ ഈ ലൈവ് ബ്ലോഗിലൂടെ വായിക്കാം.
LIVE NEWS & UPDATES
-
India in Final: സെമി ഫൈനലില്‍ ബംഗ്ലാദേശിനെ 40 റണ്സിന് തകര്‍ത്തു
ബംഗ്ലാദേശിനെ ഇന്ത്യ സെമി ഫൈനലില്‍ 40 റണ്സിന് തകര്‍ത്തു. 150 റണ്സ് വിജയലക്ഷ്യം പിന്തുടര്‍ന്ന ബംഗ്ലാദേശിന് ഏഴു വിക്കറ്റിന് 109 റണ്‍സെടുക്കാനെ സാധിച്ചുള്ളൂ Read More
-
ബംഗ്ലാദേശിന് അഞ്ച് വിക്കറ്റുകള്‍ നഷ്ടം, ഇന്ത്യ വിജയത്തിലേക്ക്‌
ബംഗ്ലാദേശിന് അഞ്ച് വിക്കറ്റുകള്‍ നഷ്ടമായി. 16 ഓവറുകള്‍ പിന്നിടുമ്പോള്‍ അഞ്ച് വിക്കറ്റിന് 84 എന്ന നിലയില്‍.
-
ഇന്ത്യയ്‌ക്കെതിരെ ബംഗ്ലാദേശ് പതറുന്നു, ടോപ് ഓര്‍ഡര്‍ ബാറ്റര്‍മാര്‍ പുറത്തായി
ബംഗ്ലാദേശിന്റെ ടോപ് ഓര്‍ഡറിലെ മൂന്ന് ബാറ്റര്‍മാരും പുറത്തായി. ദിലാര അക്തര്‍, ജുവൈരിയ ഫെര്‍ദൂസ്, ശോഭന മോസ്റ്ററി എന്നിവരാണ് ഔട്ടായത്.
-
പത്തോവര്‍ പിന്നിടുമ്പോള്‍ ബംഗ്ലാദേശിന് രണ്ട് വിക്കറ്റ് നഷ്ടം
പത്തോവര്‍ പിന്നിടുമ്പോള്‍ ബംഗ്ലാദേശിന് രണ്ട് വിക്കറ്റ് നഷ്ടമായി. നിലവില്‍ രണ്ട് വിക്കറ്റിന് 46 എന്ന നിലയിലായി. ദിലാര അക്തറും, ജുവൈരിയ ഫെര്‍ദൂസും പുറത്തായി.
-
ബംഗ്ലാദേശിന് ആദ്യ വിക്കറ്റ് നഷ്ടം
ബംഗ്ലാദേശിന് ആദ്യ വിക്കറ്റ് നഷ്ടമായി. ഓപ്പണര്‍ ജുവൈരിയ ഫെര്‍ദൂസ് പുറത്തായി. 18 പന്തില്‍ 14 റണ്‍സെടുത്ത ഫെര്‍ദൂസിനെ ശ്രീ ചരണിയാണ് പുറത്താക്കിയത്.
-
ഇന്ത്യ 20 ഓവറില്‍ ആറു വിക്കറ്റിന് 149 റണ്സ്
ഇന്ത്യ 20 ഓവറില്‍ ആറു വിക്കറ്റിന് 149 റണ്സ് നേടി. 40 പന്തില്‍ 64 റണ്‍സെടുത്ത ഷഫാലി വര്‍മയാണ് ടോപ് സ്‌കോറര്‍. സ്മൃതി മന്ദാന-2, പ്രതിക റാവല്‍-20, ഹര്‍മന്‍പ്രീത് കൗര്‍-24 നോട്ടൗട്ട്, റിച്ച ഘോഷ്-21, ദീപ്തി ശര്‍മ-13, ഭാരതി ഫുല്‍മാലി-0 എന്നിങ്ങനെയാണ് മറ്റ് ബാറ്റര്‍മാരുടെ സ്‌കോറുകള്‍.
-
ഇന്ത്യയ്ക്ക് മൂന്ന് വിക്കറ്റുകള്‍ നഷ്ടം
ഇന്ത്യയ്ക്ക് മൂന്ന് വിക്കറ്റുകള്‍ നഷ്ടമായി. സ്മൃതി മന്ദാന (അഞ്ച് പന്തില്‍ രണ്ട്)ഷ ഷഫാലി വര്‍മ (40 പന്തില്‍ 64), പ്രതിക റാവല്‍ (24 പന്തില്‍ 20) എന്നിവരാണ് പുറത്തായത്. 15 ഓവര്‍ പിന്നിടുമ്പോള്‍ മൂന്ന് വിക്കറ്റിന് 96 എന്ന നിലയില്‍.
-
Smriti Mandhana: തുടക്കത്തില്‍ ഞെട്ടല്‍, സ്മൃതി മന്ദാന പുറത്ത്‌
സെമി ഫൈനലില്‍ മികച്ച പ്രകടനം പുറത്തെടുക്കാനാകാതെ ഓപ്പണര്‍ സ്മൃതി മന്ദാന. അഞ്ച് പന്തില്‍ രണ്ട് റണ്‍സെടുത്ത് പുറത്തായി.
-
Bangladesh Women XI: ബംഗ്ലാദേശിന്റെ പ്ലേയിങ് ഇലവനിലും മാറ്റമില്ല
ദിലാര അക്തർ, ജുവൈരിയ ഫെർദൂസ്, ശോഭന മോസ്റ്ററി, നിഗർ സുൽത്താന, ഷർമിൻ അക്തർ, ഷൊർണ അക്തർ, ഫാഹിമ ഖാത്തൂൺ, നഹിദ അക്തർ, റബീയ ഖാൻ, മറൂഫ അക്തർ, സുൽത്താന ഖാത്തൂൺ എന്നിവര്‍ ബംഗ്ലാദേശിന്റെ പ്ലേയിങ് ഇലവനില്‍.
-
India Women XI: പ്ലേയിങ് ഇലവനില്‍ മാറ്റമില്ല; കരുത്തോടെ ഇന്ത്യ
സെമി ഫൈനലില്‍ ഇന്ത്യ പ്ലേയിങ് ഇലവനില്‍ മാറ്റം വരുത്തിയിട്ടില്ല. ഷഫാലി വർമ, സ്മൃതി മന്ദാന, പ്രതീക റാവൽ, ഹർമൻപ്രീത് കൗർ, ദീപ്തി ശർമ്മ, ഭാരതി ഫുൽമാലി, റിച്ച ഘോഷ്, പ്രേമ റാവത്ത്, ശ്രീ ചരണി, ക്രാന്തി ഗൗഡ്, നന്ദനി ശർമ്മ എന്നിവര്‍ കളിക്കും.
-
IND W vs BAN W Toss: ടോസ് നേടിയ ബംഗ്ലാദേശ് ഇന്ത്യയെ ബാറ്റിങിന് അയച്ചു
വനിതാ ഏഷ്യാ കപ്പ് സെമി ഫൈനലില്‍ ടോസ് നേടിയ ബംഗ്ലാദേശ് ബൗളിങ് തിരഞ്ഞെടുത്തു. പിച്ചിൽ നിന്ന് ബൗളർമാർക്ക് ലഭിക്കാവുന്ന ആനുകൂല്യങ്ങൾ തുടക്കത്തിൽ തന്നെ പ്രയോജനപ്പെടുത്താനാണ് ആഗ്രഹിക്കുന്നതെന്ന് ഫീല്‍ഡിങ് തിരഞ്ഞെടുക്കാനുള്ള കാരണം വിശദീകരിച്ചുകൊണ്ട് ബംഗ്ലാദേശ് ക്യാപ്റ്റന്‍ നിഗർ സുൽത്താന പറഞ്ഞു. ആദ്യം ബാറ്റ് ചെയ്യാനാണ് തങ്ങൾ ആലോചിച്ചിരുന്നതെന്നും നോക്കൗട്ട് മത്സരങ്ങളിൽ സ്കോർ ബോർഡിൽ റൺസ് ചേർക്കുന്നത് നിർണായകമാണെന്നും ഇന്ത്യൻ ക്യാപ്റ്റൻ ഹർമൻപ്രീത് കൗർ വ്യക്തമാക്കി.
-
ഹോങ്കോങിനെ തകര്‍ത്തത് 137 റണ്സിന്
ഗ്രൂപ്പ് ഘട്ടത്തിലെ രണ്ടാം മത്സരത്തില്‍ ഇന്ത്യ ഹോങ്കോങിനെ 137 റണ്സിന് തോല്‍പിച്ചു. ആദ്യം ബാറ്റു ചെയ്ത ഇന്ത്യ 20 ഓവറില്‍ അഞ്ച് വിക്കറ്റിന് 193 റണ്സ് സ്വന്തമാക്കി. ഹോങ്കോങിന്റെ മറുപടി 16.2 ഓവറില്‍ 56 റണ്‍സില്‍ അവസാനിച്ചു.
-
ഗ്രൂപ്പ് ഘട്ടത്തില്‍ ഇന്ത്യയുടെ സര്‍വാധിപത്യം
ഗ്രൂപ്പ് ഘട്ടത്തില്‍ ഒരു മത്സരം പോലും തോല്‍ക്കാതെയാണ് ഇന്ത്യ മുന്നേറിയത്. ആദ്യ മത്സരത്തില്‍ തായ്‌ലന്‍ഡിനെ 94 റണ്സിന് തോല്‍പിച്ചു. തായ്‌ലന്‍ഡിനെതിരെ ആദ്യം ബാറ്റു ചെയ്ത ഇന്ത്യ 20 ഓവറില്‍ ഒമ്പത് വിക്കറ്റിന് 159 റണ്‍സെടുത്തു. തായ്‌ലന്‍ഡ് 16.1 ഓവറില്‍ 65 റണ്സിന് ഓള്‍ ഔട്ടായി.
Published On - Sep 10,2026 5:35 PM
