MS Dhoni: ചെന്നൈ സൂപ്പര് കിങ്സ് ആരാധകര്ക്ക് നിരാശ; ധോണിയുടെ തിരിച്ചുവരവ് വൈകും
MS Dhoni Injury Update: ധോണിയുടെ തിരിച്ചുവരവ് വൈകിയേക്കും. ഡല്ഹി ക്യാപിറ്റല്സിനെതിരെ നടക്കുന്ന മത്സരത്തില് ധോണി കളിക്കില്ലെന്നാണ് വിവരം. മടങ്ങിവരവ് ഒരാഴ്ച കൂടി വൈകാനാണ് സാധ്യത. കൊല്ക്കത്ത നൈറ്റ് റൈഡേഴ്സിനെതിരായ മത്സരത്തോടെ ധോണി തിരിച്ചെത്തിയേക്കും. പരിക്ക് മൂലമാണ് വിട്ടുനില്ക്കുന്നത്. സിഎസ്കെ പോയിന്റ് പട്ടികയില് ഏറ്റവും പിന്നിലാണ്.
MS Dhoni CSK: എംഎസ് ധോണിയുടെ തിരിച്ചുവരവ് വൈകിയേക്കും. ഡല്ഹി ക്യാപിറ്റല്സിനെതിരെ ശനിയാഴ്ച നടക്കുന്ന ചെന്നൈ സൂപ്പര് കിങ്സിന്റെ മത്സരത്തില് ധോണി കളിക്കില്ലെന്നാണ് വിവരം. താരത്തിന്റെ മടങ്ങിവരവ് ഒരാഴ്ച കൂടി വൈകാനാണ് സാധ്യത. കൊല്ക്കത്ത നൈറ്റ് റൈഡേഴ്സിനെതിരായ മത്സരത്തോടെ ധോണി തിരിച്ചെത്തിയേക്കും. പരിക്ക് മൂലമാണ് ധോണി വിട്ടുനില്ക്കുന്നത്.
കാലിനേറ്റ പരിക്ക് മൂലം ഐപിഎല് 2026 സീസണിലെ ഒരു മത്സരത്തില് പോലും കളിക്കാന് ധോണിക്ക് സാധിച്ചിട്ടില്ല. നിലവില് താരം ഫിറ്റ്നസ് വീണ്ടെടുക്കാനുള്ള ശ്രമത്തിലാണ്. പരിക്ക് മൂലം ധോണിയും, ഡെവാള്ഡ് ബ്രെവിസും വിട്ടുനില്ക്കുന്നത് ചെന്നൈയ്ക്ക് തിരിച്ചടിയാണ്.
Also Read: David Miller: ‘അദ്ദേഹത്തിന്റെ സിക്സറുകളാണ് ജയത്തിന് അടുത്തെത്തിച്ചത്’; മില്ലറെ പിന്തുണച്ച് അക്സര്
ഇതുവരെ കളിച്ച മൂന്ന് മത്സരങ്ങളിലും തോറ്റ സിഎസ്കെ പോയിന്റ് പട്ടികയില് ഏറ്റവും പിന്നിലാണ്. സഞ്ജു സാംസണ്, ക്യാപ്റ്റന് റുതുരാജ് ഗെയ്ക്വാദ് അടക്കമുള്ളവര് ഫോം ഔട്ടായതും ചെന്നൈയ്ക്ക് തിരിച്ചടിയായി. സിഎസ്കെയുടെ ഫിസിയോ, മസാജ് തുടങ്ങിയ സപ്പോർട്ട് സ്റ്റാഫിന്റെ മേൽനോട്ടത്തിൽ കായികക്ഷമത വീണ്ടെടുക്കാനുള്ള ശ്രമത്തിലാണ് സിഎസ്കെയുടെ മുന് ക്യാപ്റ്റന് കൂടിയായ ധോണി.
അടുത്തിടെ നടന്ന നെറ്റ് സെഷനില് താരം പങ്കെടുത്തിരുന്നു. ഇതോടെ ധോണിയുടെ തിരിച്ചുവരവ് ഉടനുണ്ടാകുമെന്നും ആരാധകര് പ്രതീക്ഷിച്ചു. എന്നാല് തിരിച്ചുവരവ് ഒരാഴ്ച കൂടി വൈകുമെന്നാണ് ഏറ്റവും പുതിയ സൂചനകള്.
