അവിടെയും ‘ബലൂഷി’ ഇവിടെയും ‘ബലൂഷി’! ഒമാന് ക്രിക്കറ്റില് ബലൂഷിമാരുടെ ‘സംസ്ഥാനസമ്മേളനം’; അമ്പരന്ന് ആരാധകര്
7 Players, Same Surname: ഒരേ 'സര്നെയി'മുള്ള ഏഴ് താരങ്ങളാണ് ഒരുമിച്ച് അണിനിരന്നത്. മുഹമ്മദ് അല് ബലൂഷി, ശുഐബ് അല് ബലൂഷി, സുബൈര് അല് ബലൂഷി, വഹീദ് അല് ബലൂഷി, ഇസ്സ ഇല് ബലൂഷി, നവീദ് അല് ബലൂഷി, ഫാരിസ് അല് ബലൂഷി എന്നിവരാണ് പ്ലേയിങ് ഇലവനില് ഉള്പ്പെട്ടത്.
Oman vs Hong Kong
ഏഷ്യന് ഗെയിംസ് ക്രിക്കറ്റില് ഹോങ്കോങ് ചൈനയ്ക്കെതിരായ മത്സരത്തിനിറങ്ങിയ ഒമാന് താരങ്ങളുടെ പേര് കണ്ട് ആരാധകര് അമ്പരന്നു. ഒമാന്റെ പ്ലേയിംഗ് ഇലവനില് ഒരേ ‘സര്നെയി’മുള്ള ഏഴ് താരങ്ങളാണ് ഒരുമിച്ച് അണിനിരന്നത്. മുഹമ്മദ് അല് ബലൂഷി, ശുഐബ് അല് ബലൂഷി, സുബൈര് അല് ബലൂഷി, വഹീദ് അല് ബലൂഷി, ഇസ്സ ഇല് ബലൂഷി, നവീദ് അല് ബലൂഷി, ഫാരിസ് അല് ബലൂഷി എന്നിവരാണ് പ്ലേയിങ് ഇലവനില് ഉള്പ്പെട്ടത്. ഇത് കൂടാതെ, വസീം അല് ബലൂഷി, ഖൈസ് അല് ബലൂഷി എന്നീ താരങ്ങളും ഒമാന് സ്ക്വാഡിലുണ്ട്.
ഇതില് മുഹമ്മദ് അല് ബലൂഷി, ശുഐബ് അല് ബലൂഷി, സുബൈര് അല് ബലൂഷി, വഹീദ് അല് ബലൂഷി എന്നിവരായിരുന്നു ഒമാന്റെ ടോപ് ഓര്ഡര് ബാറ്റര്മാര്. എന്നാല് നിരാശയായിരുന്നു ഫലം. 2, 20, 0, 1 എന്നിങ്ങനെയായിരുന്നു യഥാക്രമം ഈ ബാറ്റര്മാരുടെ സ്കോറുകള്. ഏഴാമനായി ബാറ്റ് ചെയ്ത ഇസ്സ അൽ ബലൂഷി ഏഴ് റൺസ് നേടി.
എന്നാല് ബാറ്റിങില് നിരാശയായിരുന്നു ഫലമെങ്കിലും, ഷുഐബ്, നവീദ്, മുഹമ്മദ് അൽ ബലൂഷി എന്നിവര് ബൗളിംഗില് മികച്ച പ്രകടനം കാഴ്ചവെച്ചു. ഈ മൂന്ന് താരങ്ങള് ചേര്ന്ന് അഞ്ച് വിക്കറ്റുകള് വീഴ്ത്തി. മുഹമ്മദ് അല് ബലൂഷി 17 റണ്സ് മാത്രം വിട്ടുകൊടുത്ത് മൂന്ന് വിക്കറ്റുകള് സ്വന്തമാക്കി.
ഒമാന് ടീമിലെ ബലൂഷിമാര്
- മുഹമ്മദ് അൽ ബലൂഷി: ഈ വര്ഷമാദ്യം സിംഗപ്പൂരിനെതിരെയായിരുന്നു അരങ്ങേറ്റം. ഒമാനായി ആറ് ടി20 മത്സരങ്ങള് കളിച്ചിട്ടുണ്ട്
- ശുഐബ് അല് ബലൂഷി: ശുഐബ് അല് ബലൂഷിയും ഒമാനായി ആറു ടി20 മത്സരങ്ങള് കളിച്ചു. 30-കാരനായ താരം ഇതുവരെ 117 റണ്സും നാലു വിക്കറ്റുകളും നേടി.
- സുബൈര് അല് ബലൂഷി: ഒമാന് ദേശീയ ടീമിനായി സുബൈര് അല് ബലൂഷിയും ആരു മത്സരങ്ങള് കളിച്ചു. ഏഷ്യന് ഗെയിംസിലെ ഹോങ്കോങ് ചൈനയ്ക്കെതിരായ മത്സരത്തില് പൂജ്യത്തിന് പുറത്തായി.
- വഹീദ് അല് ബലൂഷി: ഏഷ്യന് ഗെയിംസിലൂടെയാണ് വഹീദ് അല് ബലൂഷി ഒമാനു വേണ്ടി അരങ്ങേറിയത്
- ഇസ്സ അല് ഇല് ബലൂഷി: ആകെ അഞ്ച് മത്സരങ്ങളാണ് ഇസ്സ അല് ബലൂഷി കളിച്ചത്. നേടിയത് 23 റണ്സ് മാത്രം
- നവീദ് അൽ ബലൂഷി: നവീദ് അൽ ബലൂഷി ഒമാന് വേണ്ടി അഞ്ച് മത്സരങ്ങളിൽ കളിച്ചിട്ടുണ്ട്
- ഫാരിസ് അല് ബലൂഷി: ഒമാന് വേണ്ടി ഇതുവരെ രണ്ട് മത്സരങ്ങളില് മാത്രമാണ് ഫാരിസ് അല് ബലൂഷി കളിച്ചത്
English Summary
Oman fielded 7 players with same surname against Hong Kong in Asian Games 2026 cricket match. Seven players in Oman’s playing eleven shared the same surname, Al Balushi. The squad actually features a total of nine players with this surname.
