Rohit Sharma: ഗുവാഹത്തിയില് ‘ഹിറ്റ്മാന്’ ഷോ! സച്ചിന്റെ റെക്കോഡ് മറികടന്നു
Rohit Sharma 12000 ODI Runs: ഇതിഹാസ താരം സച്ചിന് തെണ്ടുല്ക്കറെ മറികടന്നാണ് ഇന്ത്യയുടെ മുന് ക്യാപ്റ്റന് കൂടിയായ രോഹിത് ഏകദിന ക്രിക്കറ്റില് ഏറ്റവും വേഗത്തില് 12,000 റണ്സ് തികയ്ക്കുന്ന രണ്ടാമത്തെ ബാറ്ററായത്. 282 ഇന്നിങ്സുകളില് നിന്നാണ് 'ഹിറ്റ്മാന്; ഈ നാഴികക്കല്ല് പിന്നിട്ടത്. വിരാട് കോലി മാത്രമാണ് മുന്നിലുള്ളത്.
Rohit Sharma
ഏകദിന ക്രിക്കറ്റില് ഏറ്റവും വേഗത്തില് 12,000 റണ്സ് തികയ്ക്കുന്ന രണ്ടാമത്തെ ബാറ്ററെന്ന നേട്ടം ഇനി രോഹിത് ശര്മയ്ക്ക് സ്വന്തം. ഗുവാഹത്തിയില് നടക്കുന്ന വെസ്റ്റ് ഇന്ഡീസിനെതിരായ ഏകദിന മത്സരത്തില് ഇതിഹാസ താരം സച്ചിന് തെണ്ടുല്ക്കറെ മറികടന്നാണ് ഇന്ത്യയുടെ മുന് ക്യാപ്റ്റന് കൂടിയായ രോഹിത് ഏകദിന ക്രിക്കറ്റില് ഏറ്റവും വേഗത്തില് 12,000 റണ്സ് തികയ്ക്കുന്ന രണ്ടാമത്തെ ബാറ്ററായത്. 282 ഇന്നിങ്സുകളില് നിന്നാണ് ‘ഹിറ്റ്മാന്’ ഈ നാഴികക്കല്ല് പിന്നിട്ടത്. വിരാട് കോലി മാത്രമാണ് മുന്നിലുള്ളത്.
രണ്ടാം ഏകദിനത്തിന് മുമ്പ് 12,000-ത്തിലെത്താന് 73 റണ്സ് കൂടി രോഹിതിന് വേണമായിരുന്നു. തിരുവനന്തപുരത്ത് നടന്ന ആദ്യ ഏകദിനത്തിൽ 35 പന്തിൽ 32 റൺസ് മാത്രമാണ് രോഹിതിന് നേടാന് സാധിച്ചത്. എന്നാല് ഗുവാഹത്തി ഏകദിനത്തില് താരം ഫോമിലേക്ക് മടങ്ങിയെത്തി. 300 ഇന്നിങ്സുകളില് നിന്നാണ് സച്ചിന് 12,000 കടന്നത്. 242 ഇന്നിങ്സുകളില് നിന്നാണ് കോലി 12,000 പിന്നിട്ടത്.
ഏകദിനത്തിൽ ഏറ്റവും വേഗത്തിൽ 12,000 റൺസ് തികച്ചവർ:
- 242 ഇന്നിംഗ്സുകൾ – വിരാട് കോഹ്ലി
282 ഇന്നിംഗ്സുകൾ – രോഹിത് ശർമ്മ
300 ഇന്നിംഗ്സുകൾ – സച്ചിൻ തെണ്ടുൽക്കർ
314 ഇന്നിംഗ്സുകൾ – റിക്കി പോണ്ടിംഗ്
336 ഇന്നിംഗ്സുകൾ – കുമാർ സംഗക്കാര
തിരുവനന്തപുരത്ത് നിരാശപ്പെടുത്തിയെങ്കിലും ഗുവാഹത്തിയിലെ ഇന്നിംഗ്സിലൂടെ രോഹിത് ശക്തമായ മറുപടി നൽകി. തിരുവനന്തപുരത്ത് 32 റൺസിന് പുറത്തായെങ്കിലും, ഗുവാഹത്തിയില് കൂടുതൽ ആക്രമണകാരിയായ രോഹിതിനെയാണ് കണ്ടത്. 75 പന്തില് 101 റണ്സ് നേടിയാണ് താരം പുറത്തായത്.
Also Read: ശുഭ്മാന് ഗില്ലിന് ഡബിള് സെഞ്ചുറി
10 ഫോറും, ആറു സിക്സറും അടങ്ങുന്നതായിരുന്നു രോഹിതിന്റെ പ്രകടനം. 134.67 ആയിരുന്നു താരത്തിന്റെ സ്ട്രൈക്ക് റേറ്റ്. 27-ാം ഓവറിലെ രണ്ടാം പന്തില് ജയ്ഡെന് സീല്സ് രോഹിതിനെ എല്ബിഡബ്ല്യുവില് കുരുക്കുകയായിരുന്നു.
ഏകദിനത്തിലെ 35-ാം സെഞ്ചുറിയാണ് രോഹിത് നേടിയത്. ജൂലൈയിൽ നടന്ന ഇന്ത്യൻ ടീമിന്റെ ഇംഗ്ലണ്ട് പര്യടനത്തിനിടെ ഏകദിന ഫോർമാറ്റിൽ രോഹിതിന്റെ ഭാവിയെക്കുറിച്ച് അഭ്യൂഹങ്ങൾ ശക്തമായിരുന്നു. എന്നാല് അന്ന് ലോര്ഡ്സില് നടന്ന മത്സരത്തില് താരം സെഞ്ചുറി നേടിയിരുന്നു.
രണ്ടാം ഏകദിനത്തില് ‘റണ്മഴ’
രണ്ടാം ഏകദിനത്തില് ആദ്യം ബാറ്റു ചെയ്ത വെസ്റ്റ് ഇന്ഡീസ് 50 ഓവറില് ഏഴു വിക്കറ്റിന് 405 റണ്സെടുത്തു. ജോണ് കാംബെല് (68 പന്തില് 101), ഷായ് ഹോപ് (94 പന്തില് 104), ആമിര് ജാങ്കൂ (77 പന്തില് 114) എന്നിവര് സെഞ്ചുറികള് നേടി. രോഹിതിനെ കൂടാതെ ക്യാപ്റ്റന് ശുഭ്മാന് ഗില്ലും ഇന്ത്യയ്ക്ക് വേണ്ടി തിളങ്ങി. ഗില് ഇരട്ട സെഞ്ചുറിയടിച്ചു (പുറത്താകാതെ 133 പന്തില് 223). 43.3 ഓവറില് രണ്ട് വിക്കറ്റ് മാത്രം നഷ്ടപ്പെടുത്തി ഇന്ത്യ വിജയലക്ഷ്യം മറികടന്നു.
English Summary
Rohit Sharma became the second-fastest batter to reach 12,000 ODI runs, surpassing Sachin Tendulkar’s record. He achieved this milestone in 282 innings during the second ODI against West Indies in Guwahati. Rohit scored 80 off 56 balls while chasing a massive target of 406 runs. He now joins Virat Kohli and Sachin Tendulkar as the only Indians in the 12,000-run club.
