Vaibhav Sooryavanshi: പാക് പോരാട്ടത്തിൽ വൈഭവിന് തീപ്പൊരി പരീക്ഷണം; സച്ചിനും കോലിയും നേരിട്ട അതേ സമ്മര്‍ദം
Vaibhav Sooryavanshi Faces India Pakistan Clash After Stunning Cricket Rise: ഐപിഎല്ലില്‍ ജസ്പ്രീത് ബുമ്ര, മിച്ചല്‍ സ്റ്റാര്‍ക്ക്, പാറ്റ് കമ്മിന്‍സ്, കഗിസോ റബാഡ തുടങ്ങിയ മുന്‍നിര ബൗളര്‍മാര്‍ക്കെതിരെ പോലും ഭയമില്ലാതെ ബാറ്റ് ചെയ്ത താരമാണ് വൈഭവ്. ഇന്ത്യന്‍ ടീമിനായുള്ള അരങ്ങേറ്റ മത്സരത്തിലും ജോഫ്ര ആര്‍ച്ചറിനെതിരെ സിക്‌സര്‍ നേടിയാണ് താരം വരവറിയിച്ചത്.
വൈഭവ് സൂര്യവംശി
ഇന്ത്യന്‍ ക്രിക്കറ്റിലെ കൗമാരതാരം വൈഭവ് സൂര്യവംശിക്ക് മുന്നില്‍ ഇനി കാത്തിരിക്കുന്നത് കരിയറിലെ ഏറ്റവും വലിയ പരീക്ഷണങ്ങളിലൊന്ന്. ഏഷ്യന്‍ ഗെയിംസില്‍ പാകിസ്ഥാനെതിരായ മത്സരത്തിലൂടെയാണ് ഇന്ത്യ-പാക് പോരാട്ടത്തിന്റെ അന്താരാഷ്ട്ര വേദിയിലെ സമ്മര്‍ദം ഈ പതിനഞ്ചുകാരന്‍ ആദ്യമായി നേരിടുന്നത്. കഴിവും ആക്രമണോത്സുക ബാറ്റിങ്ങും കൊണ്ട് ഇതിനകം ശ്രദ്ധ നേടിയിട്ടുള്ള വൈഭവിന് ഈ മത്സരം പുതിയൊരു അനുഭവമായിരിക്കും.
ഐപിഎല്ലില്‍ ജസ്പ്രീത് ബുമ്ര, മിച്ചല്‍ സ്റ്റാര്‍ക്ക്, പാറ്റ് കമ്മിന്‍സ്, കഗിസോ റബാഡ തുടങ്ങിയ മുന്‍നിര ബൗളര്‍മാര്‍ക്കെതിരെ പോലും ഭയമില്ലാതെ ബാറ്റ് ചെയ്ത താരമാണ് വൈഭവ്. ഇന്ത്യന്‍ ടീമിനായുള്ള അരങ്ങേറ്റ മത്സരത്തിലും ജോഫ്ര ആര്‍ച്ചറിനെതിരെ സിക്‌സര്‍ നേടിയാണ് താരം വരവറിയിച്ചത്. അണ്ടര്‍ 19 ലോകകപ്പിലും നിര്‍ണായക മത്സരങ്ങളില്‍ മികച്ച പ്രകടനം പുറത്തെടുക്കാന്‍ വൈഭവിന് കഴിഞ്ഞിരുന്നു.
ഈ മത്സരം കലക്കും
അണ്ടര്‍ 19 ഏഷ്യാ കപ്പില്‍ പാകിസ്ഥാനെതിരെ വൈഭവ് നേരത്തെ കളിച്ചിട്ടുണ്ടെങ്കിലും സീനിയര്‍ അന്താരാഷ്ട്ര തലത്തിലെ ഇന്ത്യ-പാക് മത്സരം അതില്‍ നിന്നും തികച്ചും വ്യത്യസ്തമാണ്. ഏഷ്യന്‍ ഗെയിംസിലെ പാകിസ്ഥാന്‍ ടീമില്‍ ഇന്ത്യയുടേതുപോലെ മുഴുവന്‍ മുന്‍നിര താരങ്ങളില്ലെങ്കിലും ഇന്ത്യയും പാകിസ്ഥാനും തമ്മിലുള്ള മത്സരങ്ങള്‍ക്ക് പ്രത്യേക സമ്മര്‍ദമുണ്ടാകാറുണ്ട്. പാകിസ്ഥാന്‍ ബൗളിങ് നിരയിലും പരിചയസമ്പന്നരായ താരങ്ങളുണ്ട്. സഫ്യാന്‍ മുഖീം, അബ്രാര്‍ അഹമ്മദ്, മുഹമ്മദ് വസീം എന്നിവര്‍ക്ക് ടി20 അന്താരാഷ്ട്ര മത്സരങ്ങളുടെ പരിചയമുണ്ട്.
ഇത്തരം മത്സരങ്ങളില്‍ വ്യക്തിഗത മികവിനേക്കാള്‍ വേദിയുടെ പ്രാധാന്യവും മത്സരത്തിന്റെ സാഹചര്യമുമാണ് പലപ്പോഴും ശ്രദ്ധ നേടുന്നത്. ഇന്ത്യന്‍ ക്രിക്കറ്റിലെ പല പ്രമുഖ താരങ്ങളും പാകിസ്ഥാനെതിരായ മത്സരങ്ങളിലൂടെയാണ് തങ്ങളുടെ കരിയറിലെ ശ്രദ്ധേയമായ അധ്യായങ്ങള്‍ സൃഷ്ടിച്ചത്.
Also Read: കാലത്തിനൊപ്പം വളരുന്ന താരം; ഇന്ത്യൻ താരത്തെ പുകഴ്ത്തി ഹർഭജൻ സിങ്, പക്ഷേ വൈഭവിനെ അ‌ല്ല!
സച്ചിന് പാകിസ്ഥാനെതിരെ തുടക്കം
സച്ചിന് ടെന്‍ഡുല്‍ക്കറുടെ അന്താരാഷ്ട്ര അരങ്ങേറ്റം തന്നെ പാകിസ്ഥാനെതിരെയായിരുന്നു. 1989ലെ ആ പരമ്പരയില്‍ കടുത്ത ബൗളിങ് ആക്രമണത്തെ നേരിട്ട സച്ചിന് പരിക്കേറ്റിട്ടും ബാറ്റിങ് തുടര്‍ന്നത് അദ്ദേഹത്തിന്റെ കരിയറിലെ ശ്രദ്ധേയമായ തുടക്കങ്ങളിലൊന്നായി മാറി. പിന്നീട് ലോകകപ്പ് വേദികളിലും പാകിസ്ഥാനെതിരെ സച്ചിന് മികച്ച പ്രകടനങ്ങള്‍ നടത്തി. ലോകകപ്പില്‍ പാകിസ്ഥാനെതിരെ അഞ്ച് ഏകദിന മത്സരങ്ങളില്‍ നിന്ന് 313 റണ്‍സാണ് സച്ചിന് നേടിയത്. ശരാശരി 78.25 ആയിരുന്നു.
കോലിക്കും പാകിസ്ഥാനെതിരെ മികച്ച റെക്കോര്‍ഡ്
വിരാട് കോലിയുടെ കരിയറിലും പാകിസ്ഥാനെതിരായ മത്സരങ്ങള്‍ക്ക് പ്രത്യേക സ്ഥാനമുണ്ട്. 17 ഏകദിന ഇന്നിങ്‌സുകളില്‍ നിന്ന് 778 റണ്‍സ് നേടിയ കോലിയുടെ ശരാശരി 59.84 ആണ്. നാല് സെഞ്ചുറികളും ഈ കണക്കുകളില്‍ ഉള്‍പ്പെടുന്നു. ടി20 അന്താരാഷ്ട്ര മത്സരങ്ങളിലും പാകിസ്ഥാനെതിരെ കോലിയുടെ പ്രകടനം ശ്രദ്ധേയമാണ്. 11 മത്സരങ്ങളില്‍ നിന്ന് 492 റണ്‍സ് നേടിയ താരം 70.28 ശരാശരി രേഖപ്പെടുത്തിയിട്ടുണ്ട്. ഐസിസി ടൂര്‍ണമെന്റുകളില്‍ പാകിസ്ഥാനെതിരെ അഞ്ച് തവണ കളിയിലെ താരമായും കോലി തിരഞ്ഞെടുക്കപ്പെട്ടിട്ടുണ്ട്. 2012ലെ ഏഷ്യാ കപ്പില്‍ നേടിയ 183 റണ്‍സും ഇന്ത്യപാക് ക്രിക്കറ്റ് ചരിത്രത്തിലെ ശ്രദ്ധേയമായ ഇന്നിങ്‌സുകളിലൊന്നാണ്.
English Summary
Young Indian batter Vaibhav Sooryavanshi is set to face Pakistan in a high-profile Asia Games clash, bringing him into the spotlight of an India Pakistan contest.
