Virat Kohli: വിരാട് കോലി മാത്രം പോരാ, ലോകകപ്പിന് ഷമിയും വേണം; കൈഫിന്റെ നിർദേശം
Mohammad Kaif Urges India to Back Virat Kohli With Team Effort for 2027 World Cup: 2023ലെ ഏകദിന ലോകകപ്പില്‍ ഇന്ത്യക്കായി ഏറ്റവും കൂടുതല്‍ റണ്‍സ് നേടിയത് കോഹ്ലിയായിരുന്നു. 11 മത്സരങ്ങളില്‍നിന്ന് 765 റണ്‍സാണ് താരം നേടിയത്. മൂന്ന് സെഞ്ചുറികളും ഇതില്‍ ഉള്‍പ്പെടുന്നു. ടൂര്‍ണമെന്റില്‍ മികച്ച പ്രകടനം നടത്തിയെങ്കിലും ഫൈനലില്‍ ഓസ്ട്രേലിയയോട് തോറ്റതോടെ ഇന്ത്യയുടെ കിരീടപ്രതീക്ഷ അവസാനിച്ചു.
2027ലെ ഏകദിന ലോകകപ്പിനുള്ള തയാറെടുപ്പുകള്‍ ആരംഭിച്ചിരിക്കെ ഇന്ത്യന്‍ ടീമിന് പ്രധാന നിര്‍ദേശവുമായി മുന്‍ താരം മുഹമ്മദ് കൈഫ്. വിരാട് കോലി ഇന്ത്യയുടെ പ്രധാന ബാറ്ററാണെങ്കിലും ഒരു താരത്തെ മാത്രം ആശ്രയിച്ച് ലോകകപ്പ് നേടാനാകില്ലെന്നാണ് കൈഫിന്റെ നിരീക്ഷണം. ദക്ഷിണാഫ്രിക്കയിലും നമീബിയയിലും സിംബാബ്വെയിലുമായി നടക്കുന്ന ലോകകപ്പില്‍ കിരീടം നേടണമെങ്കില്‍ ടീമിലെ മറ്റ് താരങ്ങളും നിര്‍ണായക സംഭാവനകള്‍ നല്‍കേണ്ടിവരുമെന്നും അദ്ദേഹം ചൂണ്ടിക്കാട്ടി.
2023ലെ ഏകദിന ലോകകപ്പില്‍ ഇന്ത്യക്കായി ഏറ്റവും കൂടുതല്‍ റണ്‍സ് നേടിയത് കോഹ്ലിയായിരുന്നു. 11 മത്സരങ്ങളില്‍നിന്ന് 765 റണ്‍സാണ് താരം നേടിയത്. മൂന്ന് സെഞ്ചുറികളും ഇതില്‍ ഉള്‍പ്പെടുന്നു. ടൂര്‍ണമെന്റില്‍ മികച്ച പ്രകടനം നടത്തിയെങ്കിലും ഫൈനലില്‍ ഓസ്ട്രേലിയയോട് തോറ്റതോടെ ഇന്ത്യയുടെ കിരീടപ്രതീക്ഷ അവസാനിച്ചു.
കോലി പ്രധാന താരം
ലോകകപ്പില്‍ കോലിയുടെ പ്രാധാന്യം അംഗീകരിക്കുമ്പോഴും ടീമിലെ മറ്റുള്ളവരും ഉത്തരവാദിത്തം ഏറ്റെടുക്കണമെന്നാണ് കൈഫിന്റെ നിലപാട്. വിദേശ സാഹചര്യങ്ങളില്‍ നടക്കുന്ന ടൂര്‍ണമെന്റില്‍ ഒരാളുടെ പ്രകടനം മാത്രം ടീമിനെ വിജയത്തിലെത്തിക്കില്ലെന്നും അദ്ദേഹം അഭിപ്രായപ്പെട്ടു. 2003ലെ ലോകകപ്പില്‍ സച്ചിന്‍ ടെന്‍ഡുല്‍ക്കര്‍ ഇന്ത്യയുടെ പ്രധാന ബാറ്ററായിരുന്നെങ്കിലും മറ്റ് താരങ്ങളും നിര്‍ണായക സംഭാവനകള്‍ നല്‍കിയിരുന്നുവെന്ന് കൈഫ് ഓര്‍മിപ്പിച്ചു. സമാനമായ രീതിയില്‍ 2027ലെ ലോകകപ്പിലും ബാറ്റിങ്ങിലും ബൗളിങ്ങിലും ടീം ഒറ്റക്കെട്ടായി മുന്നേറേണ്ടതുണ്ട്.
മുഹമ്മദ് ഷമിയെ ടീമില്‍ പരിഗണിക്കണം
2027ലെ ലോകകപ്പിനുള്ള ഇന്ത്യന്‍ ടീമില്‍ പരിചയസമ്പന്നനായ പേസര്‍ മുഹമ്മദ് ഷമിയെ ഉള്‍പ്പെടുത്തണമെന്നും കൈഫ് ആവശ്യപ്പെട്ടു. 2025ലെ ചാമ്പ്യന്‍സ് ട്രോഫിക്കുശേഷം ഷമി ഇന്ത്യന്‍ ടീമിനായി കളിച്ചിട്ടില്ലെങ്കിലും ആഭ്യന്തര ക്രിക്കറ്റില്‍ മികച്ച പ്രകടനം നടത്തുന്നത് അദ്ദേഹത്തിന്റെ സാധ്യതകള്‍ പരിഗണിക്കാന്‍ കാരണമാകണമെന്നാണ് കൈഫിന്റെ അഭിപ്രായം.
Also Read: Sanju Samson: ‘സ്റ്റേ സീറ്റഡ്’; സഞ്ജുവിന് പകരം വൈഭവ് സൂര്യവംശി, പോസ്റ്റ് വൈറൽ
2023ലെ ഏകദിന ലോകകപ്പില്‍ ഇന്ത്യയുടെ ഫൈനല്‍ പ്രവേശനത്തില്‍ ഷമി നിര്‍ണായക പങ്കുവഹിച്ചിരുന്നു. ഏഴ് മത്സരങ്ങളില്‍നിന്ന് 24 വിക്കറ്റുകളുമായി ടൂര്‍ണമെന്റിലെ ഏറ്റവും കൂടുതല്‍ വിക്കറ്റ് നേടിയ ബൗളറായും താരം മാറി. ദക്ഷിണാഫ്രിക്കയിലെ പിച്ചുകള്‍ ബാറ്റര്‍മാര്‍ക്ക് അനുകൂലമായിരിക്കാനുള്ള സാധ്യതയുള്ളതിനാല്‍ പരിചയസമ്പന്നരായ ബൗളര്‍മാരുടെ സാന്നിധ്യം പ്രധാനമാണെന്നും കൈഫ് ചൂണ്ടിക്കാട്ടി. ലോകകപ്പ് പോലുള്ള വലിയ വേദികളില്‍ കളിച്ച് പരിചയമുള്ള താരമാണ് ഷമിയെന്നും അദ്ദേഹം അഭിപ്രായപ്പെട്ടു.
പ്രായമല്ല, ഫിറ്റ്‌നസും പ്രകടനവുമാണ് പ്രധാനം
ഷമിയെ ടീമിലേക്ക് തിരിച്ചുകൊണ്ടുവരുന്നതില്‍ പ്രായത്തെക്കാള്‍ പ്രധാനമായി പരിഗണിക്കേണ്ടത് ഫിറ്റ്‌നസും പ്രകടനവുമാണെന്നാണ് കൈഫിന്റെ നിലപാട്. ആഭ്യന്തര മത്സരങ്ങളില്‍ കളിക്കുകയും ദീര്‍ഘമായ ബൗളിങ് സ്‌പെല്ലുകള്‍ എറിയാന്‍ കഴിയുകയും ചെയ്യുന്നത് താരത്തിന്റെ സാധ്യതകള്‍ വിലയിരുത്താന്‍ സഹായിക്കും.
English Summary
Mohammad Kaif believes India cannot rely solely on Virat Kohli to win the 2027 ODI World Cup and stresses the need for contributions from the entire team. He has also urged India to consider experienced pacer Mohammed Shami, highlighting his strong performance in the 2023 World Cup.
