ഫിഫ ലോകകപ്പ് 2026

ലോകത്തിലെ ഏറ്റവും വലിയ കായിക മാമാങ്കങ്ങളിൽ ഒന്നാണ് ഫിഫ ഫുട്ബോൾ ലോകകപ്പ് (FIFA Football World Cup 2026). നാല് വർഷം കൂടിയിരിക്കുമ്പോൾ ആഗോള ഫുട്ബോൾ സംഘടനയായ ഫിഫ വിവിധ രാജ്യങ്ങളെ അണിനിരത്തിൽയാണ് ലോകകപ്പ് സംഘടിപ്പിക്കുന്നത്. ഇത്തവണ അമേരിക്ക, മെക്സിക്കോ, കാനഡ എന്നീ മൂന്ന് വടക്കൻ അമേരിക്കൻ രാജ്യങ്ങൾ സംയുക്തമായിട്ടാണ് ലോകകപ്പ് 2026 സംഘടിപ്പിക്കുന്നത്. ജൂൺ 11ന് ആരംഭിക്കുന്ന ഫിഫ ലോകകപ്പിൽ 48 രാജ്യങ്ങളാണ് ഇത്തവണ പങ്കെടുക്കുന്നത്. ഒരു മാസം നീണ്ട് നിൽക്കുന്ന ഫിഫ ലോകകപ്പ് മത്സരങ്ങളുടെ ഫൈനൽ ജൂലൈ 11നാണ്. 12 ഗ്രൂപ്പുകളിലായി അണിനിരക്കുന്ന 48 ടീമുകളിൽ നിന്നും ഗ്രൂപ്പ് ഘട്ടത്തിന് ശേഷം പ്രീക്വാർട്ടർ, ക്വാർട്ടർ ഫൈനൽ, സെമി ഫൈനൽ എന്നീ മത്സരങ്ങൾക്ക് ശേഷമാകും ഫൈനൽ വിജയിയെ കണ്ടെത്തുക. ഏറ്റവും ഒടുവിൽ 2022ൽ ഖത്തറിൽ വെച്ചാണ് ഫിഫ ലോകകപ്പ് സംഘടിപ്പിച്ചത്. ദക്ഷിണാമേരിക്കൻ രാജ്യമായ അർജൻ്റീനയാണ് 2022 ലോകകപ്പിൽ മുത്തമിട്ടത്. ഏറ്റവും കൂടുതൽ തവണ ഫിഫ ലോകകപ്പ് കിരീടത്തിൽ മുത്തമിട്ടിട്ടുള്ളത് ബ്രസീലാണ്. അഞ്ച് തവണയാണ് കാനറികൾ ഫുട്ബോൾ കിരീടം ഉയർത്തിട്ടുള്ളത്. 2026 ഫിഫ ഫുട്ബോൾ ലോകകപ്പ് സംബന്ധിച്ചുള്ള ഏറ്റവും പുതിയ വിവരങ്ങളും വാർത്തകളും ഇനി ഇവിടെ ലഭ്യമാണ്.