വിനായക ചതുർഥി

ഹൈന്ദവവിശ്വാസപ്രകാരം ഏത് ശുഭകാര്യത്തിനും മുമ്പ് വിഘ്നനിവാരണത്തിനായി ഗണപതി പൂജ നടത്തുന്ന പതിവുണ്ട്. അതുകൊണ്ട് തന്നെ ഏറെ പ്രാധാന്യമുള്ള ആഘോഷങ്ങളിൽ ഒന്നാണ് വിനായക ചതുർഥി അഥവാ ഗണേശ ചതുർഥി. പ്രധാന ആരാധനാമൂർത്തിയായ ഗണപതിയുടെ ജന്മദിനമാണ് വിനായക ചതുർഥിയായി ആഘോഷിക്കുന്നത് എന്നാണ് വിശ്വാസം. ചിങ്ങമാസത്തിലെ കറുത്തവാവ് കഴിഞ്ഞു വരുന്ന ചതുർഥി അഥവാ വെളുത്തപക്ഷ ചതുർഥിയാണ് ഗണപതിയുടെ ജന്മദിനം. അതാണ് വിനായകചതുർഥിയായി ആഘോഷിക്കപ്പെടുന്നത്. മഹാരാഷ്ട്രയിലും മറ്റ് ഉത്തരേന്ത്യൻ സംസ്ഥാനങ്ങളിലും ഇത് വലിയ ഉത്സവമാണ്.

കേരളത്തിലെ ഗണപതി ക്ഷേത്രങ്ങളിലും ഈ ദിവസം ആഘോഷിക്കാറുണ്ട്. അന്നേദിവസം ആനയെ പൂജിക്കുകയും ആനയൂട്ട് നടത്തുകയും ചെയ്യുന്നു. അന്നേദിവസം ഗണേശ പ്രീതികരമായ കർമ്മങ്ങൾ അനുഷ്ഠിക്കുന്നത് ഉത്തമമാണ്. ഹൈന്ദവവിശ്വാസപ്രകാരം ഏത് ശുഭകാര്യത്തിനും മുമ്പ്. ​ഗണപതിയുടെ പിറന്നാൾ ദിനത്തിൽ ചതുർഥി പൂജ നടത്തുന്നത് മംഗല്യ തടസം, വിദ്യാ തടസം, സന്താന തടസം, ഗൃഹ നിർമ്മാണ തടസം എന്നിങ്ങനെയുള്ള വിഘ്നങ്ങൾ ഒഴിവാക്കാൻ ഉത്തമമാണ്