8th Pay Commission: 20-35% ശമ്പള വർദ്ധനവ് വരുന്നു, നടപടികൾ തുടങ്ങി എട്ടാം ശമ്പള കമ്മീഷൻ
8th Pay Commission Salary Hike: കേന്ദ്ര സർക്കാർ ജീവനക്കാരുടെയും പെൻഷൻകാരുടെയും ശമ്പളവും ആനുകൂല്യങ്ങളും പരിഷ്കരിക്കുന്നതിനുള്ള എട്ടാം ശമ്പള കമ്മീഷന്റെ നടപടികൾക്ക് തുടക്കമായി. 18 മാസത്തിനുള്ളിൽ കമ്മീഷൻ അതിന്റെ ചുമതല പൂർത്തിയാക്കുമെന്നും ശമ്പളപരിഷ്കരണം പ്രാബല്യത്തിൽ വരുമെന്നുമാണ് പ്രതീക്ഷ.
രാജ്യത്തെ ദശലക്ഷക്കണക്കിന് സർക്കാർ ജീവനക്കാരും പെൻഷൻകാരും കാത്തിരുന്ന എട്ടാം ശമ്പളകമ്മീഷനുമായി ബന്ധപ്പെട്ടുള്ള പുതിയ വിവരങ്ങൾ പുറത്ത്. കേന്ദ്ര സർക്കാർ ജീവനക്കാരുടെയും പെൻഷൻകാരുടെയും ശമ്പളവും ആനുകൂല്യങ്ങളും പരിഷ്കരിക്കുന്നതിനുള്ള എട്ടാം ശമ്പള കമ്മീഷന്റെ നടപടികൾക്ക് തുടക്കമായി. 18 മാസത്തിനുള്ളിൽ കമ്മീഷൻ അതിന്റെ ചുമതല പൂർത്തിയാക്കുമെന്നും ശമ്പളപരിഷ്കരണം പ്രാബല്യത്തിൽ വരുമെന്നുമാണ് പ്രതീക്ഷ.
പുതിയ കമ്മീഷൻ ശുപാർശകൾ നടപ്പിലാക്കുന്നതോടെ ജീവനക്കാരുടെ ശമ്പളത്തിൽ 20 മുതൽ 35 ശതമാനം വരെ വർദ്ധനവ് ഉണ്ടാകുമെന്നാണ് വിദഗ്ധർ പ്രതീക്ഷിക്കുന്നത്. ശമ്പള പരിഷ്കരണം 2026 ജനുവരി 1 മുതൽ മുൻകാല പ്രാബല്യത്തോടെ നടപ്പിലാക്കാനാണ് സാധ്യത. അതായത്, വൈകിയാലും 2026 ജനുവരി മുതലുള്ള കുടിശ്ശിക ജീവനക്കാർക്ക് ലഭിക്കുന്നതാണ്.
സർക്കാർ നിർദ്ദേശങ്ങൾ ക്ഷണിച്ചു
ശമ്പളപരിഷ്കരണത്തിന്റെ ഭാഗമായി ജീവനക്കാർക്കും പെൻഷൻകാർക്കും സ്റ്റാഫ് യൂണിയനുകൾക്കും ശമ്പള പരിഷ്കരണവുമായി ബന്ധപ്പെട്ട നിർദ്ദേശങ്ങൾ സമർപ്പിക്കാൻ ധനമന്ത്രാലയം ഓൺലൈൻ പോർട്ടൽ ആരംഭിച്ചിട്ടുണ്ട്. 2026 ഏപ്രിൽ 30 ആണ് നിർദ്ദേശങ്ങൾ സമർപ്പിക്കാനുള്ള അവസാന തീയതി. അന്തിമ ശുപാർശകൾ തയ്യാറാക്കുന്നതിനുമുമ്പ് ജീവനക്കാരുടെയും പെൻഷൻകാരുടെയും ആശങ്കകളും പ്രതീക്ഷകളും മനസ്സിലാക്കാൻ ഈ വിവരങ്ങൾ കമ്മീഷന് സഹായകമാകുമെന്ന് ഉദ്യോഗസ്ഥർ പറയുന്നു.
ALSO READ: അടിസ്ഥാന ശമ്പളം 54,000 രൂപയാകുമോ? ഫിറ്റ്മെന്റ് ഫാക്ടർ ആവശ്യങ്ങൾ ഇങ്ങനെ
ശമ്പളവർദ്ധനവ് എത്ര?
ജീവനക്കാരുടെ ശമ്പളത്തിൽ ഏകദേശം 20% മുതൽ 35% വരെ വർദ്ധനവ് ഉണ്ടാകുമെന്നാണ് വിദഗ്ധർ വിലയിരുത്തുന്നത്. ശമ്പള പരിഷ്കരണം നിർണ്ണയിക്കുന്ന പ്രധാന ഘടകങ്ങളിലൊന്ന് ഫിറ്റ്മെന്റ് ഘടകമാണ്. നിലവിലുള്ള അടിസ്ഥാന ശമ്പളത്തെ ഫിറ്റ്മെന്റ് ഫാക്ടർ കൊണ്ട് ഗുണിച്ചാണ് പുതിയ അടിസ്ഥാന ശമ്പളം കണക്കാക്കുന്നത്. എട്ടാം ശമ്പള കമ്മീഷൻ പ്രകാരമുള്ള ഫിറ്റ്മെന്റ് ഘടകം 2.4 നും 3.0 നും ഇടയിലാകുമെന്നാണ് സൂചന.
വിദഗ്ദ്ധരുടെ അഭിപ്രായത്തിൽ, അന്തിമ ശുപാർശകൾ ഒന്നിലധികം സാമ്പത്തിക, നയ ഘടകങ്ങളെ ആശ്രയിച്ചിരിക്കും. അടുത്ത വർഷത്തെ പണപ്പെരുപ്പ പ്രവണതകൾ, സർക്കാരിന്റെ സാമ്പത്തിക സ്ഥിതി, നികുതി വരുമാന ശേഖരണം, ഇന്ത്യൻ ധനകാര്യ കമ്മീഷന്റെ ശുപാർശകൾ, മൊത്തത്തിലുള്ള സാമ്പത്തിക വളർച്ചയും സാമ്പത്തിക സന്തുലിതാവസ്ഥയും തുടങ്ങിയവയാണ് ശമ്പളവർദ്ധനവിനെ സ്വാധീനിക്കുന്ന ഘടകങ്ങൾ.
