Kerala Gold Rate: പ്രതീക്ഷ നൽകി സ്വർണം, വില താഴേക്ക്; ഒറ്റയടിക്ക് കുറഞ്ഞത് 1,880 രൂപ

Gold Price in Kerala: ഇന്ന് രാവിലെ ചരിത്രത്തിലെ ഏറ്റവും ഉയർന്ന നിരക്കിലായിരുന്നു പൊന്നിന്റെ വ്യാപാരം, പവന് 1,17,120 രൂപ. മൂന്ന് ശതമാനം ജിഎസ്ടിയും പണിക്കൂലിയും ഹാൾമാർക്കിങ് ചാർജും ചേരുമ്പോൾ ഒരു പവൻ സ്വർണത്തിന് ഏകദേശം ഒന്നേക്കാൽ ലക്ഷത്തോളം വില വരുമെന്ന കാര്യത്തിൽ സംശയമില്ല.

Gold RateImage Credit source: Getty Images

Nithya Vinu | Updated On: 23 Jan 2026 | 04:45 PM

റെക്കോർഡുകൾ ഭേദിച്ച കുതിപ്പിന് ബ്രേക്കിട്ട് സ്വർണം. കേരളത്തിൽ സാധാരണക്കാർക്ക് പ്രതീക്ഷയേകി സ്വർണവില താഴുന്നു. ഇന്ന് രാവിലെ ചരിത്രത്തിലെ ഏറ്റവും ഉയർന്ന നിരക്കിലായിരുന്നു പൊന്നിന്റെ വ്യാപാരം, പവന് 1,17,120 രൂപ. എന്നാൽ മണിക്കൂറുകൾ പിന്നിടുമ്പോൾ ചിത്രം മാറുകയാണ്. 1,880 രൂപയുടെ ഇടിവാണ് ഉച്ചയ്ക്ക് ശേഷം സ്വർണവിലയിൽ രേഖപ്പെടുത്തിയത്.

ഇതോടെ കേരളത്തിൽ ഒരു പവൻ സ്വർണവില 1,15,240 രൂപയായി കുറഞ്ഞു. വിപണിവില 1,15,240 രൂപയാണെങ്കിലും മൂന്ന് ശതമാനം ജിഎസ്ടിയും പണിക്കൂലിയും ഹാൾമാർക്കിങ് ചാർജും ചേരുമ്പോൾ ഒരു പവൻ സ്വർണത്തിന് ഏകദേശം ഒന്നേക്കാൽ ലക്ഷത്തോളം വില വരുമെന്ന കാര്യത്തിൽ സംശയമില്ല. ഒരു ഗ്രാമിന് 14,405 രൂപയാണ് നൽകേണ്ടത്.

സ്വർണ വിലയിലെ ഈ കുതിപ്പ് കച്ചവടക്കാരെയും പ്രതിസന്ധിയിലാക്കി. വില ഉയർന്നതോടെ സാധാരണക്കാർ ജ്വല്ലറികളിൽ എത്തുന്നില്ലെന്നാണ് വ്യാാപാരികൾ പറയുന്നത്. യു.എസ് പ്രസിഡന്റ് ഡോണാൾഡ് ട്രംപിന്റെ നടപടികളാണ് വിപണിയെ ബാധിക്കുന്നത്. വേനസ്വേലന്‍ പ്രസിഡന്റിനെ തടവിലാക്കിയതും താരിഫ് ഭീഷണിയും ഗ്രീന്‍ലാന്‍ഡിനെതിരെയുള്ള പ്രഖ്യാപനങ്ങളും സ്വർണവിലയെ സ്വാധീനിക്കുന്നുണ്ട്.

ALSO READ: സ്വര്‍ണവില കേട്ട് ഞെട്ടരുത്…വെള്ളിയും മോശമല്ല; ഇന്നത്തെ നിരക്കറിയാം