Kerala Gold Rate: പിന്നെയും കൂടി…. സ്വർണം വാങ്ങാൻ ഉടനെയൊന്നും പറ്റില്ല, ചരിത്ര വില കീഴടക്കി പൊന്നിന്റെ കുതിപ്പ്

Gold Rate Today: ഇന്ന് രാവിലെ പവന് 106840 രൂപയായിരുന്നു വില. കഴിഞ്ഞ ദിവസത്തേക്കാൾ 1400 രൂപയാണ് രാവിലെ കൂടിയത്. അമേരിക്ക നടത്തുന്ന അപ്രതീക്ഷിത നീക്കങ്ങളാണ് സ്വർണവിലയെ ബാധിക്കുന്നത്.

Gold Rate Image Credit source: Getty Images

Nithya Vinu | Updated On: 19 Jan 2026 | 05:18 PM

സംസ്ഥാനത്ത് സ്വർണവില കുതിച്ചുയരുന്നു. ഇന്ന് രാവിലെ പവന് 106840 രൂപയായിരുന്നു വില. കഴിഞ്ഞ ദിവസത്തേക്കാൾ 1400 രൂപയാണ് ഇന്ന് രാവിലെ കൂടിയത്. എന്നാൽ ഉച്ച കഴിഞ്ഞതോടെ 400 രൂപ കൂടി വർദ്ധിച്ചിരിക്കുകയാണ്. അമേരിക്ക നടത്തുന്ന അപ്രതീക്ഷിത നീക്കങ്ങളാണ് സ്വർണവിലയെ ബാധിക്കുന്നത്. യൂറോപ്യന്‍ രാജ്യങ്ങള്‍ക്ക് എതിരെ ട്രംപ് തിരിഞ്ഞത് രാജ്യാന്തര തലത്തില്‍ ആശങ്ക ഉയർത്തിയിട്ടുണ്ട്.

ക്രൂഡ് ഓയിലിന്റെ വില കൂടിയതും തിരിച്ചടിയായി.രാജ്യാന്തര വിപണിയിൽ 4680 ഡോളറാണ് സ്വർണവില. വൈകാതെ ഇത് അഞ്ഞൂറ് ഡോളറായി ഉയരുമെന്ന് വിദഗ്ധർ പറയുന്നു. അങ്ങനെ സംഭവിച്ചാൽ കേരളത്തിൽ സ്വർണവില 1.15 ലക്ഷമായി കുതിച്ചേക്കും.

നിലവിൽ ഒരു പവൻ സ്വർണത്തിന് 1,07,240 രൂപയാണ് വില. ചരിത്രത്തിലെ ഏറ്റവും ഉയർന്ന നിരക്കാണിത്. വിപണിവില 1,07,240 രൂപയാണെങ്കിലും മൂന്ന് ശതമാനം ജിഎസ്ടിയും പണിക്കൂലിയും ചേരുമ്പോൾ വില ഇനിയും കുതിക്കും. ഒരു ഗ്രാമിന് 13,405 രൂപയാണ് നൽകേണ്ടത്.

ALSO READ: വെറും 18 ദിവസം, കൂടിയത് 57,000 രൂപ; വെള്ളി വില കുതിച്ചുയരാൻ കാരണമെന്ത്?