HRA: ബെംഗളൂരു ജോലിക്കാർക്ക് സന്തോഷവാർത്ത; 1.2 ലക്ഷം വരെ ലാഭം, പട്ടികയിൽ ഹൈദരാബാദും
HRA Rules Changed: ഡൽഹി, മുംബൈ, കൊൽക്കത്ത, ചെന്നൈ പോലുള്ള മെട്രോ നഗരങ്ങളിൽ മാത്രം ലഭിച്ചിരുന്ന 50% എച്ച്ആർഎ നികുതി ഇളവാണ് മറ്റ് നഗരങ്ങളിലേക്കും വ്യാപിപ്പിച്ചത്. എച്ച്ആർഎയുമായി ബന്ധപ്പെട്ടുള്ള മാനദണ്ഡങ്ങളും കർശനമാക്കിയിട്ടുണ്ട്. വീടുടമയുടെ വിവരങ്ങൾ നിർബന്ധമായി നൽകേണ്ടതുണ്ട്. ഉയർന്ന വാടക നൽകി താമസിക്കുന്ന ജീവനക്കാർക്ക് വലിയ ലാഭമാണ് നൽകുന്നത്.
ബെംഗളൂരു, ഹൈദരബാദ് തുടങ്ങിയ നഗരങ്ങളിൽ ജോലി ചെയ്യുന്ന ജീവനക്കാർക്ക് സന്തോഷവാർത്ത. പുതിയ നികുതി നിയമങ്ങളുടെ ഭാഗമായി ഹൗസ് റെന്റ് അലവൻസുകൾ സംബന്ധിച്ച ഇളവുകൾ വിപുലീകരിച്ചതായി റിപ്പോർട്ട്. മുമ്പ് ഡൽഹി, മുംബൈ, കൊൽക്കത്ത, ചെന്നൈ പോലുള്ള മെട്രോ നഗരങ്ങളിൽ മാത്രം ലഭിച്ചിരുന്ന 50% എച്ച്ആർഎ നികുതി ഇളവാണ് മറ്റ് നഗരങ്ങളിലേക്കും വ്യാപിപ്പിച്ചത്.
ഏപ്രിൽ ഒന്ന് മുതൽ ബെംഗളൂരു, ഹൈദരാബാദ്, പൂനെ, അഹമ്മദാബാദ് തുടങ്ങിയ നഗരങ്ങളിലും 50% എച്ച്ആർഎ ഇളവ് പരിധി ബാധകമാകും. ഇതോടെ ഇവിടെ വാടകയ്ക്ക് താമസിക്കുന്ന ജീവനക്കാർക്ക് ശമ്പളത്തിന്റെ 50% വരെ എച്ച്ആർഎ ഒഴിവാക്കാം. മുമ്പ് ഈ പ്രദേശങ്ങൾ നോൺ മെട്രോ ആയി കണക്കാക്കിയതിനാൽ 40 ശതമാനമായിരുന്നു പരിധി.
ALSO READ: കുറഞ്ഞത് 5 പ്രമോഷനുകൾ, വാർഷിക ഇൻക്രിമെന്റ് 6%; ആവശ്യങ്ങൾ പലത്
അതേസമയം, പഴയ നികുതി സംവിധാനത്തിൽ തുടരുന്നവർക്ക് മാത്രമാണ് ഈ ആനുകൂല്യം ലഭ്യമാകുന്നത്. ഈ മാറ്റം ഉയർന്ന വാടക നൽകി താമസിക്കുന്ന ജീവനക്കാർക്ക് വലിയ ലാഭമാണ് നൽകുന്നത്. ഏകദേശം 60,000 മുതൽ 1.2 ലക്ഷം രൂപ വരെ ഇതിലൂടെ ലാഭിക്കാൻ സാധിക്കും.
എച്ച്ആർഎയുമായി ബന്ധപ്പെട്ടുള്ള മാനദണ്ഡങ്ങളും കർശനമാക്കിയിട്ടുണ്ട്. വീടുടമയുടെ വിവരങ്ങൾ നിർബന്ധമായി നൽകേണ്ടതുണ്ട്. കൃത്യമായി രേഖകൾ സൂക്ഷിക്കേണ്ടതുമാണ്. നികുതിദായകർ വർഷം തോറും ഒരു ബ്രേക്ക്-ഈവൻ വിശകലനം നടത്തണമെന്നും വിദഗ്ധർ പറയുന്നു.
