Kerala Gold Rate: സ്വർണം വാങ്ങാൻ പ്ലാനുണ്ടോ? ഇന്നത്തെ നിരക്ക്

സംസ്ഥാനത്ത് സാധാരണക്കാരെ ആശങ്കയിലാഴ്ത്തി സ്വർണവില കുതിക്കുന്നു. നിലവിൽ പവന് 1,14,880 രൂപ നിരക്കിലാണ് വ്യാപാരം. ഗ്രാമിന് 14,360 രൂപയും. വിപണി വിലയോടൊപ്പം മൂന്ന് ശതമാനം ജിഎസ്ടിയും പണിക്കൂലിയും ചേരുമ്പോൾ വില വീണ്ടും കുതിക്കും.
കഴിഞ്ഞ കുറച്ച് ദിവസങ്ങളിലായി വില ഇടിഞ്ഞിരുന്നെങ്കിലും സെപ്റ്റംബർ 3,4 തീയതികളിൽ വില കുതിക്കുകയായിരുന്നു. ആഗോള വിപണിയിലെ വില നിലവാരമാണ് ആഭ്യന്തര വിപണിയിലും പ്രതിഫലിച്ചത്.

സ്വർണകുതിപ്പിന് കാരണം

യുഎസ് കേന്ദ്രബാങ്കായ ഫെഡറൽ റിസർവിന്റെ ന്യൂയോർക്ക് പ്രസിഡന്റ് ജോൺ വില്യംസിന്റെ വാക്കുകളാണ് സ്വർണത്തിന് കരുത്തേകിയത്. യുഎസിൽ ബോണ്ട് യീൽഡുകൾ മുന്നേറിയത് പണപ്പെരുപ്പപ്പേടിയോ പലിശഭാരം കൂട്ടുമെന്ന വിലയിരുത്തലോ കാരണമാണെന്ന വ്യാഖ്യാനങ്ങളെ അദ്ദേഹം തള്ളി. ബോണ്ട് യീൽഡുകൾ മുന്നേറിയത്, യുഎസ് സമ്പദ്‍വ്യവസ്ഥ കരുത്ത് നേടിയതുകൊണ്ടുള്ള സ്വാഭാവിക കയറ്റമാണെന്നാണ് അദ്ദേഹം പറഞ്ഞു. ഇതോടെ, പലിശ നിരക്ക് ഉടനെയൊന്നും കൂടില്ലെന്ന വാദം ശക്തമായി.

ALSO READ: പൊന്നിന് വാശി തന്നെ! വൻ കുതിപ്പ്; ഇന്നത്തെ സ്വർണവില

കൂടാതെ, പണപ്പെരുപ്പ സമ്മര്‍ദ്ദം കുറയുന്നതായി വരാനിരിക്കുന്ന വിവരങ്ങള്‍ സ്ഥിരീകരിക്കുകയാണെങ്കില്‍, യുഎസ് സെന്‍ട്രല്‍ ബാങ്കിന്റെ അടുത്ത നയരൂപീകരണ യോഗത്തില്‍ പലിശനിരക്കുകള്‍ മാറ്റമില്ലാതെ നിലനിര്‍ത്തുന്നതിനെ അനുകൂലിക്കുമെന്ന് ഫെഡറല്‍ റിസര്‍വ് ഗവര്‍ണര്‍ ക്രിസ്റ്റഫര്‍ വാലര്‍ പറഞ്ഞിരുന്നു. ഇതിനോടൊപ്പം അന്താരാഷ്ട്ര വിപണിയിലെ ലാഭമെടുപ്പ്, യു.എസ് ഡോളറിന്റെ മൂല്യത്തിലെ മാറ്റങ്ങൾ, പലിശനിരക്ക് സംബന്ധിച്ച അമേരിക്കൻ ഫെഡറൽ റിസർവിന്റെ തീരുമാനങ്ങൾ എന്നിവ വരും ദിവസങ്ങളിൽ വിലയെ സ്വാധീനിക്കും.

സ്വർണവില ഇതുവരെ

ചരിത്രത്തിൽ ആദ്യമായി സ്വർണവില ഒരു ലക്ഷം രൂപ കടന്നത് 2025 ഡിസംബർ 23നാണ്. 101600 രൂപയാണ് അന്ന് പവന് രേഖപ്പെടുത്തിയത്. ജനുവരി 29ന് രേഖപ്പെടുത്തിയ 1,31,160 രൂപയാണ് ഇതുവരെയുള്ളതിലെ ഏറ്റവും ഉയർന്ന നിരക്ക്. തുടർന്നുള്ള ദിവസങ്ങളിൽ വില കുറഞ്ഞെങ്കിലും ഇതുവരെയും ഒരു ലക്ഷത്തിന് താഴെയെത്തിയിട്ടില്ല.
ഫെബ്രുവരി 28ലെ 1,23,720 രൂപ, മാർച്ച് 1ന് 1,26,920, ഏപ്രിൽ 18ലെ 1,14,240, മെയ് 13- 1,23,120, ജൂൺ 11,14,560 രൂപ, ഓഗസ്റ്റ് 24ലെ 1,20,240 രൂപ എന്നിവയാണ് ഓരോ മാസത്തിലെയും ഏറ്റവും ഉയർന്ന നിരക്ക്.