Gold Rate: ചങ്കരൻ പിന്നേം… വില കൂട്ടി സ്വർണം, തിളങ്ങി വെള്ളിയും
Kerala Gold and Silver Rate Today: കഴിഞ്ഞ ദിവസത്തെ വൻ ഇടിവിൽ പ്രതീക്ഷ വച്ച മലയാളികൾക്ക് ഇന്നത്തെ വില വെല്ലുവിളിയാണ്. ഇന്ന് 880 രൂപയുടെ വർദ്ധനവാണ് പൊന്നിന് ഉണ്ടായിരിക്കുന്നത്.
സംസ്ഥാനത്ത് സ്വർണവിപണിയിൽ ചാഞ്ചാട്ടം. ആഭരണപ്രേമികൾക്കും സാധാരണക്കാർക്കും ഒരുപോലെ ആശങ്ക ഉയർത്തി സ്വർണവില കൂടുന്നു. കഴിഞ്ഞ ദിവസത്തെ വൻ ഇടിവിൽ പ്രതീക്ഷ വച്ച മലയാളികൾക്ക് ഇന്നത്തെ വില വെല്ലുവിളിയാണ്. ഇന്ന് 880 രൂപയുടെ വർദ്ധനവാണ് ഉണ്ടായിരിക്കുന്നത്.
ഇന്നലെ (നവംബർ 18) ഒരു പവൻ സ്വർണത്തിന്റെ വില 90680 രൂപയായിരുന്നു. 11,335 രൂപയും. എന്നാൽ ഇന്ന് 880 രൂപ കൂടിയതോടെ സംസ്ഥാനത്ത് ഒരു പവൻ സ്വർണവില 91,560 രൂപയായി ഉയർന്നു. മൂന്ന് ശതമാനം ജിഎസ്ടിയും അഞ്ച് ശതമാനം പണിക്കൂലിയും ചേരുമ്പോൾ ഏകദേശം 99,022 രൂപയാണ് നൽകേണ്ടി വരുന്നത്. ജ്വല്ലറികൾക്കനുസരിച്ച് പണിക്കൂലിയിൽ മാറ്റം വന്നേക്കും.
അതേസമയം, ഒരു ഗ്രാം സ്വർണാഭരണത്തിന് ഇന്ന് നൽകേണ്ടത് 11,445 രൂപയാണ്. പതിമൂന്നാം തീയതിയാണ് മാസത്തിലെ ഏറ്റവും ഉയർന്ന വില രേഖപ്പെടുത്തിയത്. അന്ന് ഒരു പവന് 94,320 രൂപ നിരക്കിലായിരുന്നു സ്വർണത്തിന്റെ വ്യാപാരം. എന്നാൽ അടുത്ത ദിവസം 93760 രൂപയായി വില കുറഞ്ഞു. തുടർന്നുള്ള ദിവസങ്ങളിലും വില കുറച്ചായിരുന്നു സ്വർണത്തിന്റെ സഞ്ചാരം.
വെള്ളി വില
സ്വർണ വില കൂട്ടിയതോടെ വെള്ളി വിലയിലും വർദ്ധനവ്. കേരളത്തിൽ വെള്ളിയുടെ ഇന്നത്തെ വില ഗ്രാമിന് 173 രൂപയും കിലോഗ്രാമിന് 1,73,000 രൂപയുമാണ്. ഇന്നലെ ഗ്രാമിന് 170 രൂപയും കിലോഗ്രാമിന് 1,70,000 രൂപയുമായിരുന്നു. ചെന്നൈ, ഹൈദരാബാദ് എന്നിവിടങ്ങളിലും കേരളത്തിന് സമാനമായ നിരക്കാണ്.
