HPCL Recruitment 2026: എഞ്ചിനീയറിംഗ് കഴിഞ്ഞവരാണോ? എച്ച്പിസിഎല്ലിൽ 731 ഒഴിവുകൾ; ശമ്പളവും മറ്റ് ആനുകൂല്യങ്ങളും

Hpcl Officers Recruitment

കേന്ദ്ര പൊതുമേഖലാ സ്ഥാപനമായ ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡിൽ (എച്ച്പിസിഎൽ) മികച്ച ജോലി (HPCL Recruitment) ആഗ്രഹിക്കുന്നവർക്ക് ഇതാ സുവർണ്ണാവസരം. എഞ്ചിനീയർമാർ, ജൂനിയർ എക്സിക്യൂട്ടീവ് അസിസ്റ്റന്റ് തുടങ്ങി വിവിധ തസ്തികകളിലായി 731 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. താല്പര്യമുള്ളവർക്ക് ഔദ്യോ​ഗിക വെബ്സൈറ്റായ www.hindustanpetroleum.com വഴി ഓൺലൈനായി അപേക്ഷിക്കാം.

ഈ മാസം 25 വരെയാണ് അപേക്ഷിക്കാനുള്ള അവസാന തീയതി. ഓരോ തസ്തികയ്ക്കും വ്യത്യസ്തമായ വിദ്യാഭ്യാസ യോഗ്യതകളാണ് ചോദിക്കുന്നത്. എഞ്ചിനീയറിംഗ് ബിരുദധാരികൾക്കും മറ്റ് പ്രൊഫഷണൽ യോഗ്യതയുള്ളവർക്കും ഈ അവസരത്തിൽ അപേക്ഷ സമർപ്പിക്കാം. കമ്പ്യൂട്ടർ അധിഷ്ഠിത പരീക്ഷ, ഗ്രൂപ്പ് ടാസ്ക്, പേഴ്‌സണൽ ഇന്റർവ്യൂ എന്നിവയുടെ അടിസ്ഥാനത്തിലായിരിക്കും ഉദ്യോഗാർത്ഥികളെ തിരഞ്ഞെടുക്കുന്നത്.

ALSO READ: ഗൂഗിളിൽ അവസരം! 10 ലക്ഷം രൂപ സ്റ്റൈപൻഡോടെ സമ്മർ ഫെലോഷിപ്പ്; അവസാന തീയതി

എങ്ങനെ അപേക്ഷിക്കാം?

ആദ്യം തന്നെ എച്ച്പിസിഎല്ലിന്റെ ഔദ്യോഗിക വെബ്‌സൈറ്റായ www.hindustanpetroleum.com സന്ദർശിക്കുക.

‘Careers’ എന്ന വിഭാഗത്തിൽ പോയി വിജ്ഞാപനത്തിൻ്റെ ലിങ്ക് ക്ലിക്ക് ചെയ്യുക.

നിങ്ങളുടെ വിശദമായ വിവരങ്ങൾ നൽകി രജിസ്റ്റർ ചെയ്യുക.

അപേക്ഷാ ഫോം പൂരിപ്പിച്ച് ആവശ്യമായ രേഖകൾ അപ്‌ലോഡ് ചെയ്യുക.

അപേക്ഷാ ഫീസ് ബാധകമെങ്കിൽ ഓൺലൈനായി അടയ്ക്കുക.

അപേക്ഷ സമർപ്പിച്ച ശേഷം അതിന്റെ പ്രിന്റ് ഔട്ടെടുത്ത് സൂക്ഷിച്ചു വെക്കുക.