Kerala Sports academy selection: കായികതാരങ്ങൾ ശ്രദ്ധിക്കുക… സ്പോർട്സ് കൗൺസിൽ കോളജ് അക്കാദമികളിലേക്ക് സെലക്ഷൻ ആരംഭിക്കുന്നു
Kerala Sports Council invites applications : കായിക രംഗത്ത് മികവ് തെളിയിക്കാൻ ആഗ്രഹിക്കുന്ന വിദ്യാർത്ഥികൾക്ക് മികച്ച പരിശീലനത്തോടൊപ്പം ഉപരിപഠനവും ഉറപ്പാക്കാൻ ഈ സെലക്ഷൻ വഴി സാധിക്കും. സെലക്ഷനിൽ പങ്കെടുക്കാൻ താൽപ്പര്യമുള്ളവർ യോഗ്യതകൾ തെളിയിക്കുന്ന സർട്ടിഫിക്കേറ്റുകളും രേഖകളുമായി നിശ്ചിത കേന്ദ്രങ്ങളിൽ എത്തണം.
തിരുവനന്തപുരം: കേരള സ്റ്റേറ്റ് സ്പോർട്സ് കൗൺസിലിന് കീഴിലുള്ള വിവിധ കോളജ് സ്പോർട്സ് അക്കാദമികളിലേക്ക് 2026-27 അധ്യയന വർഷത്തെ കായിക താരങ്ങളെ തെരഞ്ഞെടുക്കുന്നു. ഡിഗ്രി ഒന്നാം വർഷ ക്ലാസ്സുകളിലേക്കുള്ള പ്രവേശനത്തിനായാണ് ഈ മാസം വിവിധ കേന്ദ്രങ്ങളിൽ സോണൽ സെലക്ഷൻ സംഘടിപ്പിക്കുന്നത്.
അത്ലറ്റിക്സ്, ഫുട്ബോൾ, വോളിബോൾ, ബാസ്ക്കറ്റ്ബോൾ, ബോക്സിങ്, ആർച്ചറി, നീന്തൽ, കബഡി, ഖൊ-ഖൊ തുടങ്ങി ഇരുപതിലധികം കായിക ഇനങ്ങളിലാണ് പുരുഷ-വനിതാ താരങ്ങളെ തെരഞ്ഞെടുക്കുന്നത്. അതത് ഇനങ്ങളിൽ സംസ്ഥാന ചാമ്പ്യൻഷിപ്പുകളിൽ ആദ്യ മൂന്ന് സ്ഥാനങ്ങൾ നേടിയവർക്ക് സെലക്ഷനിൽ പങ്കെടുക്കാം.
സെലക്ഷൻ തീയതികളും കേന്ദ്രങ്ങളും
- ഏപ്രിൽ 17: മുനിസിപ്പൽ സ്റ്റേഡിയം, തലശ്ശേരി (കണ്ണൂർ).
- ഏപ്രിൽ 18: ഫിസിക്കൽ എജ്യൂക്കേഷൻ കോളജ്, ഈസ്റ്റ് ഹിൽ (കോഴിക്കോട്).
- ഏപ്രിൽ 20: തോപ്പ് സ്റ്റേഡിയം, തൃശൂർ.
ALSO READ: എസ്എസ്എൽസി കഴിഞ്ഞ് ഹ്യുമാനിറ്റീസ് എടുത്താൽ…?; തൊഴിൽ സാധ്യതകൾ ഇങ്ങനെ
- ഏപ്രിൽ 21: സെന്റ് ഡൊമനിക് കോളജ്, കാഞ്ഞിരപ്പിള്ളി (കോട്ടയം).
- ഏപ്രിൽ 23: യൂണിവേഴ്സിറ്റി സ്റ്റേഡിയം, പാളയം (തിരുവനന്തപുരം).
- ഏപ്രിൽ 27: ഗോപിനാഥ് സ്റ്റേഡിയം, കലവൂർ (കനോയിങ്, കയാക്കിങ്, റോവിങ് എന്നിവയ്ക്ക് മാത്രം).
ഹാജരാക്കേണ്ട രേഖകൾ
കായിക രംഗത്ത് മികവ് തെളിയിക്കാൻ ആഗ്രഹിക്കുന്ന വിദ്യാർത്ഥികൾക്ക് മികച്ച പരിശീലനത്തോടൊപ്പം ഉപരിപഠനവും ഉറപ്പാക്കാൻ ഈ സെലക്ഷൻ വഴി സാധിക്കും. സെലക്ഷനിൽ പങ്കെടുക്കാൻ താൽപ്പര്യമുള്ളവർ യോഗ്യതകൾ തെളിയിക്കുന്ന സർട്ടിഫിക്കേറ്റുകളും രേഖകളുമായി നിശ്ചിത കേന്ദ്രങ്ങളിൽ എത്തണം. കായിക പ്രാവീണ്യം തെളിയിക്കുന്ന സർട്ടിഫിക്കറ്റുകൾ, ആധാർ കാർഡ്, രണ്ട് പാസ്പോർട്ട് സൈസ് ഫോട്ടോകൾ, അതത് കായിക ഇനങ്ങൾക്കാവശ്യമായ സ്പോർട്സ് കിറ്റ്, എന്നിവയാണ് കയ്യിൽ കരുതേണ്ടത്.
