Kerala SSLC Grading System: എസ്എസ്എൽസിക്ക് എ പ്ലസ് കിട്ടാൻ എത്ര മാർക്ക് വേണം? ഓരോ ഗ്രേഡിനും വേണ്ട മാർക്കുകൾ ഇങ്ങനെ

എസ്എസ്എൽസി പരീക്ഷ കഴിഞ്ഞ് വിദ്യാർത്ഥികൾ ഇപ്പോൾ റിസൾട്ടിനായി കാത്തിരിക്കുകയാണ്. ലക്ഷകണക്കിന് വിദ്യാർത്ഥികളാണ് ഇത്തവണത്തെ ഫലം കാത്തിരിക്കുന്നത്. ഇന്നലെ മുതൽ സംസ്ഥാനത്ത് എസ്എസ്എൽസി ഹയർ സെക്കൻഡറി വിഭാ​ഗങ്ങളുടെ മൂല്യനിർണയം ആരംഭിച്ചിരുന്നു. മെയ് മാസം രണ്ടാം വാരത്തോടെ ഫല പുറത്തുവിടാനാണ് സർക്കാർ ലക്ഷ്യമിടുന്നത്.

എസ്എസ്എൽസി പരീക്ഷാഫലം വരുമ്പോൾ എല്ലാവരും ഉറ്റുനോക്കുന്നത് ഫുൾ എ പ്ലസ് എന്ന സ്വപ്നത്തിലേക്കാണ്. എന്നാൽ ഓരോ വിഷയത്തിനും എ പ്ലസ് കിട്ടാൻ എത്ര മാർക്ക് വേണം? സിഇ (CE) മാർക്കും ടിഇ (TE) മാർക്കും എങ്ങനെയാണ് ഗ്രേഡിംഗിനെ ബാധിക്കുന്നത് തുടങ്ങി കുട്ടികളുടെയും രക്ഷിതാക്കളുടെയും മനസ്സിൽ നിരവധി ചോദ്യങ്ങളാണ് ഉയരുന്നത്. കേരള എസ്എസ്എൽസി പരീക്ഷയിലെ ഗ്രേഡിംഗ് സമ്പ്രദായത്തിൻ്റെ പൂർണ വിവരം നോക്കാം.

ALSO READ: സിബിഎസ്ഇ പത്താം ക്ലാസ് സെക്കൻഡ് ബോർഡ് പരീക്ഷ: വിദ്യാർത്ഥികൾ ശ്രദ്ധിക്കേണ്ടത്

90 ശതമാനം മുതൽ 100 ശതമാനം വരെയുള്ള പെർസെന്റേജിന് ഗ്രേഡ് പോയിൻ്റ് ഒമ്പതാണ് ലഭിക്കുന്നത്. ഇതിനിടയിൽ മാർകുള്ളവർക്ക് എ പ്ലസ് ​ഗ്രേഡ് ലഭിക്കുന്നതാണ്. 80 ശതമാനം മുതൽ 89 ശതമാനം വരെ പെർസെന്റേജുള്ളവർക്ക് എട്ട് ഗ്രേഡ് പോയിൻ്റായും എ ഗ്രേഡും ലഭിക്കും. 70 ശതമാനം 79 ശതമാനം വരെ പെർസെന്റേജുള്ളവർക്ക് 7 ഗ്രേഡ് പോയിൻ്റായും ബി പ്ലസ് ഗ്രേഡായും ലഭിക്കും. 60 ശതമാനം മുതൽ 69 ശതമാനം വരെ പെർസെന്റേജുള്ളവർക്ക് ആറ് ഗ്രേഡ് പോയിൻ്റായും ബി ഗ്രേഡായും ലഭിക്കും.

50 ശതമാനം മുതൽ 59 ശതമാനം വരെ പെർസെന്റേജുള്ളവർക്ക് അഞ്ച് ഗ്രേഡ് പോയിൻ്റായും സി പ്ലസ് ഗ്രേഡായും ലഭിക്കും. 40 ശതമാനം മുതൽ 49 ശതമാനം വരെ പെർസെന്റേജുള്ളവർക്ക് നാല് ഗ്രേഡ് പോയിൻ്റായും സി ഗ്രേഡായും ലഭിക്കും. 30 ശതമാനം മുതൽ 39 ശതമാനം വരെ പെർസെന്റേജുള്ളവർക്ക് മൂന്ന് ഗ്രേഡ് പോയിൻ്റായും ഡി പ്ലസ് ഗ്രേഡായും ലഭിക്കും. എന്നാൽ 20 ശതമാനം മുതൽ 29 ശതമാനം വരെ പെർസെന്റേജുള്ളവർക്ക് രണ്ട് ഗ്രേഡ് പോയിൻ്റായി ലഭിക്കുമ്പോൾ ഡി ഗ്രേഡായും ലഭിക്കും. എന്നാൽ ഇത് തോൽവിയായി കണക്കാക്കുന്നു. 20 ശതമാനത്തിൽ താഴെയാണെങ്കിൽ ഇ-യാണ് ​ഗ്രേഡ് പോയിൻ്റായി ലഭിക്കുക. ഇതും തോൽവിയായി കണക്കാക്കുന്നു.