Actor Prem Kumar: നടൻ പ്രേംകുമാർ കഴക്കൂട്ടത്ത് യുഡിഎഫ് സ്ഥാനാർത്ഥി? പ്രഖ്യാപനം ഉടൻ

Premkumar

നടനും ചലച്ചിത്ര അക്കാദമി മുൻ ചെയർമാനുമായ പ്രേംകുമാർ കഴക്കൂട്ടത്ത് യുഡിഎഫ് സ്ഥാനാർത്ഥിയായെക്കുമെന്ന് സൂചന. സ്വന്തം തട്ടകമായ കഴക്കൂട്ടത്ത് പ്രേംകുമാർ മത്സരിക്കുകയാണെങ്കിൽ വിജയസാധ്യതയുണ്ടെന്നാണ് കോൺഗ്രസ് വിലയിരുത്തുന്നത്. സ്ഥാനാർത്ഥി നിർണയവുമായി ബന്ധപ്പെട്ട് പാർട്ടി പ്രവേശനത്തിനുശേഷം ആയിരിക്കും ഔദ്യോഗികമായ തീരുമാനമെടുക്കുക.

അതിനിടെ പ്രേംകുമാറിനെ അനുനയിപ്പിക്കുന്നതിന് വേണ്ടി കടകംപള്ളി സുരേന്ദ്രൻ ഇന്നലെ രാത്രി അദ്ദേഹത്തിന്റെ വീട്ടിലെത്തിയെങ്കിലും കാണാൻ സാധിച്ചില്ല എന്നും റിപ്പോർട്ട്. അതിനിടെ എഐസിസി ജനറൽ സെക്രട്ടറി കെ സി വേണുഗോപാലുമായി പ്രേംകുമാറിന്റെ കൂടികാഴ്ച എ നടക്കാൻ സാധ്യത എന്നാണ് പുറത്ത് വരുന്ന വിവരം. സിപിഎമ്മിനോട് അകന്നു നിൽക്കുന്ന പ്രേംകുമാറിനെ അനുനയിപ്പിച്ച് കോൺഗ്രസിലേക്ക് കൊണ്ടുവരിക എന്നതാണ് കെ സി ലക്ഷ്യമിടുന്നതാണ് സൂചന.

സർക്കാറിനെ തുറന്നു എതിർത്തുകൊണ്ടാണ് സിപിഎമ്മുമായുള്ള ബന്ധം പ്രേംകുമാർ അവസാനിപ്പിച്ചിരിക്കുന്നത്. തന്നോട് സാമാന്യമായ ഒരു മര്യാദ പോലും സർക്കാർ കാണിച്ചില്ലെന്നും അനീതി നേരിട്ടെന്നും പ്രേംകുമാർ കഴിഞ്ഞദിവസം മാധ്യമങ്ങളോട് പ്രതികരിച്ചിരുന്നു. വളരെ പോസിറ്റീവായി കാണേണ്ടിയിരുന്ന ഒരു അഭിപ്രായം പറഞ്ഞതിനാണ് തന്നെ പുറത്താക്കിയത്. അതിന്റെ കാരണങ്ങൾ മാധ്യമങ്ങളിലൂടെ മാത്രമാണ് താൻ അറിഞ്ഞില്ലെന്നും സഹപ്രവർത്തകരുടെ മാന്യമായ രീതിയിൽ യാത്ര പറയാൻ പോലും തനിക്ക് അവസരം നൽകിയില്ല എന്നും പ്രേംകുമാർ കുറ്റപ്പെടുത്തിയിരുന്നു. കൂടാതെ കവിയും സാഹിത്യ അക്കാദമി ചെയർമാനുമായ സച്ചിദാനന്ദൻ ഇതിലും കടുത്ത വിമർശനങ്ങൾ നടത്തിയിട്ടും അദ്ദേഹം സാൻസ് തന്നെ തുടരുന്നതായി പ്രേംകുമാർ ചൂണ്ടിക്കാട്ടി.