Jaanmoni Das Arrest: പ്രധാനമന്ത്രിയെ അവഹേളിച്ച കേസ്; ജാൻമണി അറസ്റ്റിൽ

Janmoni Arrest

പ്രധാനമന്ത്രി നരേന്ദ്രമോദിയെ അവഹേളിച്ച കേസിൽ പ്രമുഖ മേക്കപ്പ് ആർട്ടിസ്റ്റ് ആയ ജാന്മണിയെ അറസ്റ്റ് ചെയ്തു.പ്രധാനമന്ത്രി നരേന്ദ്രമോദിയെ കുറിച്ച് അപകീർത്തി പരമായ പരാമർശം നടത്തിയെന്ന് ആരോപിച്ച് ബിജെപി പ്രവർത്തകണ്രാ ജാൻമണി ദാസിനെതിരെ പരാതി നൽകിയിരുന്നത്. സംസ്ഥാന വ്യാപകമായി നിരവധി പോലീസ് സ്റ്റേഷനുകളിൽ പരാതി നൽകിയിരുന്നതായാണ് സൂചന.

പ്രധാനമന്ത്രി നരേന്ദ്രമോദിയെ കുറിച്ചും അദ്ദേഹത്തിന്റെ മാതാവിനെ കുറിച്ചും അപകീർത്തിപ്പെടുത്തുന്ന പരാമർശം നടത്തിയെന്നാണ് പരാതിയിൽ ആരോപിച്ചത്. ജാൻമണി ദാസിനെതിരെ ക്രിമിനൽ കേസ് ഫയൽ ചെയ്യണമെന്നും ബിജെപി ആവശ്യപ്പെട്ടിരുന്നു. പരാതി നൽകി ദിവസങ്ങൾക്ക് ശേഷമാണ് ഇപ്പോൾ അറസ്റ്റ് രേഖപ്പെടുത്തിയത് എന്നാണ് റിപ്പോർട്ട്.

ALSO READ:പ്രധാനമന്ത്രിക്കെതിരായ അധിക്ഷേപ പരാമര്‍ശം; ജാന്‍മണിക്കെതിരെ പരാതി നല്‍കി ബിജെപി

അതേസമയം ജാമ്യം ലഭിക്കുന്ന വകുപ്പുകൾ ചുമത്തിയതിനാൽ സ്റ്റേഷൻ ജാമ്യത്തിൽ വിട്ടയക്കും എന്നാണ് സൂചന. മഹിളാമോർച്ച നൽകിയ പരാതിയിലാണ് അറസ്റ്റ്. അതേസമയം താൻ നടത്തിയ പ്രസ്താവനയിൽ ഖേദം പ്രകടിപ്പിച്ചുകൊണ്ട് ജാൻമണി നേരത്തെ തന്നെ രംഗത്തെത്തിയിരുന്നു. താൻ ആരെയും വേദനിപ്പിക്കുന്നതിനു വേണ്ടി അല്ല ഇത്തരം ഒരു പ്രസ്താവന നടത്തിയത് എന്നും പരസ്യമായി ക്ഷമ ചോദിക്കാൻ ആഗ്രഹമുണ്ടെന്നും ജാന്മണി ദാസ് ഇൻസ്റ്റഗ്രാമിൽ പങ്കുവെച്ച വീഡിയോയിൽ വ്യക്തമാക്കിയതാണ്.

പ്രധാനമന്ത്രിയുടെ അമ്മയെക്കുറിച്ച് അല്ല പറഞ്ഞത് എന്നും കണ്ടന്റുമായി ബന്ധപ്പെട്ട ഒരു ചോദ്യം ചോദിക്കുക മാത്രമാണ് ചെയ്തത് അല്ലാതെ മോദിജിയെ കുറിച്ച് എല്ലാതും പറഞ്ഞത് എന്നും ജാൻമണി വിശദീകരണം നൽകിയിരുന്നു. ഒരുപക്ഷേ താൻ മലയാളം പറയുന്നത് ശരിയാകാത്തതിനാൽ ആകാം ഇങ്ങനെ സംഭവിച്ചത് ആരെയും വേദനിപ്പിക്കണം എന്ന് ഒരിക്കലും ചിന്തിച്ചിട്ടില്ല തന്റെ ഭാഗത്തുനിന്ന് തെറ്റ് പറ്റിയിട്ടുണ്ടെങ്കിൽ വളരെയധികം ക്ഷമ ചോദിക്കുന്നു എന്നും ജാൻമണി പറഞ്ഞിരുന്നു.

ENGLISH SUMMARY

Prominent makeup artist Janmani has been arrested in a case of insulting Prime Minister Narendra Modi. A complaint had been filed against BJP worker Janmani Das for allegedly making defamatory remarks about Prime Minister Narendra Modi. It is reported that complaints had been filed at several police stations across the state.