Padayaatra Movie : എല്ലാം വളരെ പെട്ടെന്നായിരുന്നു! മമ്മൂട്ടി-അടൂർ ചിത്രം പദയാത്രയുടെ ഷൂട്ടിങ് പൂർത്തിയായി
Mammootty-Adoor Gopalakrishanan Padayatra Movie Updates : ഈ കഴിഞ്ഞ ജനുവരി 23നായിരുന്നു സിനിമയുടെ ചിത്രീകരണം ആരംഭിച്ചത്. 33 വർഷങ്ങൾക്ക് ശേഷം മമ്മൂട്ടിയും അടൂരും വീണ്ടും ഒന്നിക്കുന്ന എന്ന ചിത്രമെന്ന പ്രത്യേകതയും പദയാത്രയ്ക്കുണ്ട്
മമ്മൂട്ടിയും- അടൂർ ഗോപാലകൃഷ്ണനും വീണ്ടും ഒന്നിക്കുന്ന പദയാത്ര സിനിമയുടെ ചിത്രീകരണം പൂർത്തിയായി. ജനുവരി 23-ാം തീയതി ആരംഭിച്ച സിനിമയുടെ ചിത്രീകരണം 40 ദിവസത്തെ ഒറ്റ ഷെഡ്യൂൾ കൊണ്ട് പൂർത്തിയാക്കി. 33 വർഷങ്ങൾക്ക് ശേഷം മമ്മൂട്ടിയും അടൂരും വീണ്ടും ഒന്നിക്കുന്ന ചിത്രമെന്ന പ്രത്യേകത പദയാത്രയ്ക്കുണ്ട്. 70-80 കാലങ്ങളിൽ സിനിമയിൽ അവതരിപ്പിക്കാൻ പോകുന്നതെന്നാണ് സൂചന. മോഹൻലാലിനൊപ്പമുള്ള പേട്രയിറ്റിന് ശേഷമെ ചിത്രം തിയറ്ററിൽ എത്തൂ. ഇനി ഫെസ്റ്റിവൽ ചിത്രമാകാനും സാധ്യതയുണ്ട്.
മമ്മൂട്ടിയുടെ മമ്മൂട്ടി കമ്പിനയാണ് പദയാത്ര നിർമിക്കുന്നത്. മമ്മൂട്ടി കമ്പനിയുടെ നിർമാണത്തിലെത്തുന്ന എട്ടാമത്തെ ചിത്രമാണ് പദയാത്ര. അടൂരും കെ വി മോഹൻകുമാറും ചേർന്നാണ് സിനിമയുടെ രചന നിർവഹിച്ചിട്ടുള്ളത്. ഗ്രേസ് ആൻ്റണി, ഇന്ദ്രൻസ്, വിജയരാഘവൻ,അലിയാർ എന്നിവരാണ് ചിത്രത്തിലെ മറ്റ് പ്രധാന വേഷങ്ങൾ കൈകാര്യെ ചെയ്യുന്നത്.
ALSO READ : OTT Releases : ഇന്ദ്രജിത്തിൻ്റെ ധീരം പിന്നെ അഞ്ച് തമിഴ് ചിത്രങ്ങൾ; ഈ ആഴ്ചയിലെ ഒടിടി റിലീസുകൾ
ഷെഹ്നാദ് ജലാൽ ആണ് ക്യാമറ കൈകാര്യം ചെയ്യുന്നത്. പ്രവീൺ പ്രഭാകരനാണ് എഡിറ്റർ. കല സംവിധാനം ഷാജി നടുവിൽ. കളങ്കാവലിന് സംഗീതം നൽകിയ മുജീബ് മജീദാണ് പദയാത്രയുടെ സംഗീത സംവിധായകൻൽ
