Sanju Samson Basil Joseph: സഞ്ജുവിന്റെ കഥ സിനിമയാക്കും? ബേസിൽ ജോസഫ് പറഞ്ഞത് കേട്ടോ

Basil Joseph, Sanju Samson

സഞ്ജു സാംസൺ ടി ട്വന്റി ലോകകപ്പിൽ മിന്നും വിജയം കാഴ്ചവച്ചതിന്റെ ആഘോഷത്തിലാണ് നടനും സംവിധായകനുമായ ബേസിൽ ജോസഫ്. ബേസിലും സഞ്ജുവും തമ്മിൽ ഉറ്റ സുഹൃത്തുക്കളാണ്. പലപ്പോഴും ഇവർ തമ്മിലുള്ള വീഡിയോകൾ എല്ലാം തന്നെ സോഷ്യൽ മീഡിയയിൽ വൈറലായി മാറാറുണ്ട്. ലോകകപ്പ് മാച്ച് കാണുന്നതിനായി ബേസിൽ ജോസഫ് കൂട്ടരും വേദിയിലെത്തിയപ്പോൾ ഉണ്ടായിരുന്ന വീഡിയോയും എല്ലാം ഇതിനോടകം തന്നെ ശ്രദ്ധ നേടിയതാണ്. ഇപ്പോഴിതാ ഇന്ത്യൻ ടീമും സഞ്ജുവും വിജയം കൈവരിച്ചതിന് പിന്നാലെ കളിക്കളത്തിന് പുറത്ത് ബേസിലിന്റെ ആഘോഷത്തിമർപ്പാണ് നടന്നുകൊണ്ടിരിക്കുന്നത്.

ഇനി സഞ്ജുവിനെ ആദ്യം കണ്ടാൽ എന്താണ് ചെയ്യുക എന്ന് അവതാരകന്റെ ചോദ്യത്തിന് ഓടിച്ചെന്ന് ഒന്ന് കെട്ടിപ്പിടിക്കും എന്നാണ് ബേസിൽ പറയുന്നത്. സഞ്ജു സാംസണിന്റേത് വെറും കളിയും വിജയവും മാത്രമല്ല എന്നും ഇതൊരു ഡെസ്റ്റിനി ആണെന്ന് ആണ് എന്നുമാണ് ബേസിൽ ജോസഫിന്റെ വാക്കുകൾ. ഇത് ശരിക്കും ഒരു സിനിമാറ്റിക് രംഗങ്ങളാണ്. സഞ്ജുവിന്റെ ജീവിതം ഒരു ബയോപിക് ആക്കേണ്ടത് തന്നെയാണെന്ന് ബേസിൽ പറയുന്നു.

ബേസിലിന്റെ വാക്കുകൾ

സഞ്ജുവിന്റെ കളിയും അത് കഴിഞ്ഞുള്ള ആ നിൽപ്പുമെല്ലാം പീക് സിനിമാറ്റിക് നിമിഷമാണ്. സഞ്ജുവിന്റെത് ഒരു കളി മാത്രമായി നമ്മൾ കാണരുത് അതൊരു ജീവിത പാഠമാണ്. ഒരു വീഴ്ച ഉണ്ടായാലും തിരിച്ചുവരാനുള്ള അവസരം എല്ലാവർക്കും ഉണ്ട് എന്ന ഒരു പാഠമാണ് സഞ്ജുവിന്റെ ഈ നേട്ടത്തിൽ നിന്ന് നമുക്ക് ലഭിക്കുന്നത്. ആത്മാർത്ഥമായി നിൽക്കുന്ന ഏതൊരാൾക്കും ആ സമയമാകുമ്പോൾ അവരുടെ ജീവിതത്തിൽ നല്ല കാര്യങ്ങൾ സംഭവിക്കും.

അതേസമയം സഞ്ജുവിനെ വെച്ച് അല്ലെങ്കിൽ സഞ്ജുവിന്റെ ജീവിതം എപ്പോഴെങ്കിലും സിനിമയാക്കുമോ എന്ന അവതാരകന്റെ ചോദ്യത്തിന് അതെനിക്കറിയില്ല എന്നാൽ അത് ഒരു സിനിമയാക്കാനുള്ള കഥയുണ്ട് എന്നാണ് ബേസിൽ പറയുന്നത്. ഞാനൊരു സിനിമ എടുക്കുമോ എന്നതിലുപരി അതൊരു ബയോപിക്ക് തന്നെയാണ്. കുട്ടിക്കാലം മുതൽ തിരുവനന്തപുരം വിഴിഞ്ഞത്ത് ഒരു സാധാരണ പയ്യനായി ജനിച്ചു വളർന്ന ഇപ്പോൾ ലോകകപ്പ് നേടി ടി 20 ലോകകപ്പിൽ മാൻ ഓഫ് ദ ടൂർണ്ണമെന്റ് ആയി നിൽക്കുകയാണ്. ആ യാത്ര വളരെ പ്രധാനപ്പെട്ടത് തന്നെയാണെന്നും ബോസിൽ പറഞ്ഞു.