Actor Sreenath: ഹാഷിറും പിള്ളേരും അടിപൊളിയാണ്, വളരെ നല്ല പിള്ളേർ; വാഴയിലെ സ്വന്തം ജോണി സിൻസ്

മലയാള സിനിമയിൽ ചരിത്രം കുറിച്ചുകൊണ്ട് ‘വാഴ 2’ (Vaazha 2) ബോക്സ് ഓഫീസിൽ കുതിപ്പ് തുടരുകയാണ്. സോഷ്യൽ മീഡിയയിലെ പ്രിയതാരങ്ങൾ വെള്ളിത്തിരയിലേക്ക് എത്തിയപ്പോൾ പിറന്നത് മലയാള സിനിമയിലെ തന്നെ വലിയൊരു വിജയഗാഥയാണ്. മലയാള സിനിമയിൽ ചുരുങ്ങിയ ദിവസങ്ങൾ കൊണ്ട് 100 കോടി ക്ലബ് കീഴടക്കിയ സൂപ്പർഹിറ്റ് ചിത്രമായി മാറിയിരിക്കുകയാണ് വാഴ 2. സിനിമയുമായി ബന്ധപ്പെട്ട ഓരോ കാര്യങ്ങളും സോഷ്യൽ മീഡിയയിൽ ശ്രദ്ധനേടുകയാണ്.

വാഴ 2 തിയേറ്റിൽ മികച്ച രീതിയിൽ മുന്നേറുന്നതിനിടെ ചിത്രത്തിൽ മറ്റെല്ലാവരെയും പോലെ ശ്രദ്ധ നേടി കഥാപാത്രമാണ് ശ്രീനാഥ്. യുകെയിൽ എത്തിയ അലൻ്റെ മുന്നിലേക്ക് പ്ലംബർ, ഹെൽപ്പർ, ചെടി വെട്ടുകാരൻ എന്നിങ്ങനെ വ്യത്യസ്ത ഗെറ്റപ്പുകളിൽ എത്തിയ ശ്രീനാഥ് പ്രേക്ഷകരെ ഒരുപോലെ ചിരിപ്പിക്കുകയും ചിന്തിപ്പിക്കുകയും ചെയ്ത കഥാപാത്രമാണ്. തനിക്ക് ജോണി സിൻസിന്റെ ലുക്കുണ്ടെന്ന് പറഞ്ഞാണ് വിപിൻ തന്നെ ചിത്രത്തിലേക്ക് കാസ്റ്റ് ചെയ്തതെന്ന് ശ്രീനാഥ് പല ഇൻ്റർവ്യൂകളിലായി പറഞ്ഞിരുന്നു.

ALSO READ: മാന്യമായിട്ടുള്ളത് മാത്രം പ്രതീക്ഷിച്ചാൽ മതി; തന്നെ സബ്സ്ക്രൈബ് ചെയ്തവരോട് അന്ന രാജൻ

ഇപ്പോഴിതാ ഹാഷിറിനെയും കൂട്ടുകാരെയും കുറിച്ച് നടൻ പറഞ്ഞ വാക്കുകളാണ് സോഷ്യൽ മീഡിയയിൽ തരം​ഗമാകുന്നത്. ഹാഷിർ, അജിൻ, അലൻ, വിനായകൻ ഇവരെല്ലാം നല്ല കുട്ടികളാണ്. മറ്റൊരു കാര്യം അവർ യഥാർത്ഥ ജീവിതത്തിൽ വളരെ ജെനുവിൻ ആയിട്ടുള്ളവരാണ്. എനിക്ക് ഇവരെ നാലുപേരെയും വളരെ ഇഷ്ടമാണ്. അടിപൊളിയാണ് വളരെ സാധു കുട്ടികളാണ്.

ഇവരെല്ലാം കൂടെയുണ്ടെങ്കിൽ നമ്മളും ഹാപ്പിയായിരിക്കും. അതെനിക്ക് 10-12 ദിവസം കൊണ്ട് മനസ്സിലായ കാര്യമാണ്. ഹാഷിർ ഉൾപ്പെടെ അന്ന് യുകെയിൽ ഷൂട്ടിങ്ങിനുണ്ടായിരുന്നു. വളരെ ഓർമ്മകൾ നൽകുന്ന ദിവസമായിരുന്നു അതെല്ലാം എന്നാണ് ശ്രീനാഥ് ഹാഷിറിനെയും കൂട്ടരെയും കുറിച്ച് പറഞ്ഞത്. അതുപോലെ ‘ജീവിതം ഒന്നല്ലേ ഒള്ളൂ അനിയാ, ജീവിക്കണ്ടേ’ എന്ന ശ്രീനാഥിൻ്റെ വാഴയിലെ ഡയലോ​ഗ് സമൂഹ മാധ്യമങ്ങളിൽ ഇന്ന് വൈറലായികൊണ്ടിരിക്കുകയാണ്.