PM Kissan Samman Nidhi: അടിച്ചു മോനെ ലോട്ടറി, പിഎം കിസാൻ സമ്മാൻ നിധി അക്കൗണ്ടിൽ! എങ്ങനെ പരിശോധിക്കാം

പ്രതീകാത്മക ചിത്രം

ന്യൂഡൽഹി: കർഷകർക്ക് ആശ്വാസമായി പിഎം കിസാൻ നിധിയുടെ പണം ഉടൻ അക്കൗണ്ടിൽ എത്തും. മഹാരാഷ്ട്രയിലെ വാഷിമിൽ നടന്ന ചടങ്ങിൽ പ്രധാനമന്ത്രി നരേന്ദ്രമോദി പിഎം കിസാൻ സമ്മാൻ നിധിയുടെ 18-ാം ​ഗഡു വിതരണം ചെയ്തു.  9.26 കോടി കർഷകരുടെ അക്കൗണ്ടിലേക്കാണ് പണം എത്തുക. 20,000 കോടി രൂപയാണ് പ്രധാനമന്ത്രി കിസാൻ നിധി പദ്ധതിയുടെ ഗുണഭോക്താക്കൾക്കായി നൽകുന്നത്.  ഇതുവരെ 17 ​ഗഡുകൾ വിതരണം ചെയ്തിട്ടുണ്ട്.

മഹാരാഷ്ട്രയിലെ 1.20 കോടി കർഷകർക്ക് ഏകദേശം 32,000 കോടി രൂപയാണ് പിഎം കിസാൻ നിധിയിലൂടെ ലഭിച്ചിട്ടുള്ളത്. നമോ ഷേത്കാരി മഹാസൻമാൻ നിധി യോജനയുടെ ഭാ​ഗമായി മഹാരാഷ്ട്രയിലെ കർഷകർക്കായി പ്രധാനമന്ത്രി 2,000 കോടി രൂപ അനുവദിക്കും. രാജ്യത്തെ കർഷകരെ സാമ്പത്തികമായി പിന്തുണയ്ക്കുന്ന പിഎം കിസാൻ നിധിയ്ക്ക് 2019 ഫെബ്രുവരി 24-നാണ് ക്ക് തുടക്കമായത്. 2000 രൂപയുടെ 3 ​ഗഡുകളായി 6000 രൂപയാണ് കർഷകരുടെ അക്കൗണ്ടിലെത്തുക. 11 കോടിയിലധികം കർഷകർക്കാണ് പദ്ധതിയുടെ ​ഗുണം ലഭിക്കുക.

കർഷകർക്ക് pmkisan-ict@gov.in എന്ന ഇമെയിലിലൂടെ പിഎം കിസാൻ സമ്മാൻ നിധിയുമായി ബന്ധപ്പെട്ട പ്രശ്നങ്ങൾ അധികാരികളുടെ ശ്രദ്ധയിൽപ്പെടുത്താം. കർഷകരെ സഹായിക്കുന്നതിനായി ഹെൽപ്പ് ലൈൻ നമ്പറുകളും കേന്ദ്രസർക്കാർ പുറത്തിറക്കിയിട്ടുണ്ട്. നമ്പറുകൾ: 155261, 1800115526 (ടോൾ ഫ്രീ), അല്ലെങ്കിൽ 011-23381092.

പിഎം കിസാൻ സമ്മാൻ നിധിയിൽ രജിസ്റ്റർ ചെയ്തിട്ടുള്ള കർഷകർക്ക് അവരുടെ അക്കൗണ്ടിലേക്ക് പണം ക്രെഡിറ്റ് ആയിട്ടുണ്ടോ എന്ന് പരിശോധിക്കാൻ കഴിയും. പിഎം കിസാൻ നിധിയുടെ ​ഗഡു അക്കൗണ്ടിലെത്തണമെങ്കിൽ ഇകെവെെസി നിർബന്ധമാണ്. പിഎം കിസാൻ പോർട്ടലിൽ ഒടിപി അടിസ്ഥാനമാക്കിയുള്ള ഇകെവെെസി ലഭ്യമാണ്. ബയോമെട്രിക് രീതിയിലുള്ള ഇകെവെെസിയ്ക്കായി അടുത്തുള്ള

പിഎം കിസാൻ ഗുണഭോക്തൃ പട്ടിക എങ്ങനെ പരിശോധിക്കാം

* പിഎം കിസാൻ സമ്മാൻ നിധിയുടെ ഔദ്യോഗിക വെബ്സൈറ്റായ https://pmkisan.gov.in സന്ദർശിക്കുക.

*ഹോംപേജിൽ ‘Farmer Corner’ തിരഞ്ഞെടുത്തതിന് ശേഷം ‘ബെനിഫിഷ്യറി സ്റ്റാറ്റസ്’ ക്ലിക്ക് ചെയ്യുക.

*ഡ്രോപ്പ്-ഡൗൺ മെനുവിൽ നിന്ന് നിങ്ങൾക്ക് സംസ്ഥാനം, ജില്ല, ബ്ലോക്ക്, ഗ്രാമം എന്നിവ തിരഞ്ഞെടുക്കാം.

*രജിസ്റ്റർ ചെയ്തിട്ടുള്ള കർഷകർക്ക് സ്റ്റാറ്റസ് അറിയാൻ ‘Get Report’ ക്ലിക്ക് ചെയ്യുക.