Arthunkal Perunnal: അർത്തുങ്കൽ തിരുനാൾ: ആലപ്പുഴയിലെ രണ്ട് താലൂക്കുകളിൽ തിങ്കളാഴ്ച പ്രാദേശിക അവധി
Holiday Due To Arthunkal Perunnal 2025: ചേർത്തല, അമ്പലപ്പുഴ താലൂക്കുകളിലാണ് ജില്ലാ കളക്ടർ അവധി പ്രഖ്യാപിച്ചിരിക്കുന്നത്. എല്ലാ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. പൊതുപരീക്ഷകൾ മുൻ നിശ്ചയപ്രകാരം നടക്കും.
Holiday
ആലപ്പുഴ: അർത്തുങ്കൽ ആൻഡ്രൂസ് ബസലിക്ക തിരുനാൾ പ്രമാണിച്ച് തിങ്കളാഴ്ച (ജനുവരി 20) ആലപ്പുഴയിലെ രണ്ട് താലൂക്കുകളിൽ പ്രാദേശിക അവധി. ചേർത്തല, അമ്പലപ്പുഴ താലൂക്കുകളിലാണ് ജില്ലാ കളക്ടർ അവധി പ്രഖ്യാപിച്ചിരിക്കുന്നത്. എല്ലാ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. പൊതുപരീക്ഷകൾ മുൻ നിശ്ചയപ്രകാരം നടക്കും.
അതേസമയം അര്ത്തുങ്കല് പെരുന്നാള് പ്രമാണിച്ച് മദ്യനിരോധനം ഏര്പ്പെടുത്തിയതായി ജില്ലാ കലക്ടര് ഉത്തരവിറക്കി. പെരുന്നാളിന്റെ പ്രധാന ദിവസമായ ജനുവരി 19, 20, 27 തീയതികളിലാണ് മദ്യനിരോധനം ഏർപ്പെടുത്തിയിരിക്കുന്നത്. ചേര്ത്തല എക്സൈസ് പരിധിയിലും പള്ളിയുടെ രണ്ട് കിലോമീറ്റര് ചുറ്റളവിലുമുള്ള എല്ലാ കള്ളുഷാപ്പുകളിലും ബിയര് പാര്ലറുകളിലും ബാറുകളിലുമാണ് മദ്യനിരോധനം ഏര്പ്പെടുത്തിയത്.
ജനുവരി 10 മുതൽ 27 വരെയാണ് പ്രസിദ്ധമായ അര്ത്തുങ്കല് പള്ളിപ്പെരുന്നാള് നടക്കുന്നത്. ഞായറാഴ്ച്ച യുവജനദിനം ആചരിക്കും തുടർന്ന് തിങ്കളാഴ്ച(ജനുവരി 20) തിരുനാള് മഹോത്സവം. അന്ന് രാവിലെ തിരുനാള് പൊന്തിഫിക്കല് ദിവ്യബലി നടക്കും. ആലപ്പുഴ രൂപത മെത്രാന് ഡോ. ജെയിംസ് റാഫേല് ആനാപറമ്പിലിന്റെ മുഖ്യ കാര്മികത്വത്തിലായിരിക്കും ചടങ്ങ് നടത്തപ്പെടും. വൈകിട്ട് മൂന്നിന് കണ്ണൂര് രൂപത വികാരി ജനറല് ഡോ. ക്ലാരന്സ് പാലിയത്ത് മുഖ്യ കാര്മികത്വം വഹിക്കുന്ന തിരുനാള് ദിവ്യബലി നടക്കും. 4:30ന് തിരുനാള് പ്രദക്ഷിണം നടക്കും. ഫാ. സെബാസ്റ്റ്യന് ഷാജി ചുള്ളിക്കല്, ഫാ. സെബാസ്റ്റ്യന് സന്തോഷ് പുളിക്കല്, ഫാ. സെബാസ്റ്റ്യന് ജൂഡോ മൂപ്പശേരില് എന്നിവര് കാര്മികരാകും. രാത്രി 10ന് ആഘോഷമായ ദിവ്യബലിക്ക് ഫാ. ജോസ് പ്രമോദ് ശാസ്താപറമ്പില് മുഖ്യകാര്മികനാകും.ജനുവരി 27ന് നടക്കുന്ന എട്ടാമിടത്തോടെ 17 ദിവസം നീണ്ട പെരുന്നാള് സമാപിക്കും.
