കണ്ണൂരിൽ കോൺഗ്രസ് ഓഫീസിന് തീയിട്ടു

കണ്ണൂർ: കോടിയേരിയിൽ കോൺഗ്രസ് ഓഫീസിന് തീയിട്ടു. പാറൽ മണ്ഡലം കോൺഗ്രസ് ഓഫീസിനാണ് തീയിട്ടത്. തീ അണക്കാനുള്ള ശ്രമം തുടരുക ആണെന്നാണ് സൂചന. അതേസമയം കോൺഗ്രസ് ഓഫീസിൽ തീയിട്ടത് സിപിഎമ്മുകാർ ആണെന്നാണ് കോൺഗ്രസിന്റെ ആരോപണം. ഇതിനിടെ മന്ത്രി വീണാ ജോർജിനെതിരെ നടന്ന ആക്രമണം രാഷ്ട്രീയ ആയുധമാക്കി ഉയർത്തിക്കൊണ്ടുള്ള സിപിഎമ്മിന്റെ പ്രതിഷേധ പ്രകടനങ്ങൾ ഇന്നും നടക്കുമെന്ന് സൂചന.

ജില്ലയിലും നിയോജക മണ്ഡലം അടിസ്ഥാനത്തിലും സിപിഎമ്മും ഡിവൈഎഫ്ഐയും മാർച്ച് നടത്തി പ്രതിഷേധിക്കും. എന്നാൽ ആരോഗ്യ മേഖലയിലെ വീഴ്ചകൾ മറക്കുന്നതിന് വേണ്ടി ആരോഗ്യ മന്ത്രിയെ വെച്ച് സിപിഎം കളിച്ച ഒരു കള്ളക്കളിയാണ് ഇത് എന്നാണ് കോൺഗ്രസ് ആരോപിക്കുന്നത്. പാർട്ടി ഓഫീസുകൾക്ക് നേരെയുള്ള ആക്രമണവും പുതുയുഗ യാത്രയുടെ ബോർഡുകൾ നശിപ്പിച്ചതും കലാപം സൃഷ്ടിക്കാനുള്ള സിപിഎമ്മിന്റെ നീക്കം ആണ് എന്നാണ് കോൺഗ്രസിന്റെ ആക്ഷേപം. ജില്ലയെ കേന്ദ്രങ്ങളിലേക്ക് പ്രതിഷേധ മാർച്ച് ധർണ്ണയും സംഘടിപ്പിക്കാൻ ആണ് നീക്കം.