Kerala Rain Alert: വടക്കന് കേരളത്തില് ശക്തമായ മഴ; രണ്ട് ജില്ലകളില് യെല്ലോ അലര്ട്ട്
Kerala Weather Update: ബുധനാഴ്ച മുതല് കേരളത്തില് മഴ ശക്തിപ്രാപിക്കും. ഇതിന്റെ പശ്ചാത്തലത്തില് വിവിധ ജില്ലകളില് ഓറഞ്ച്, യെല്ലോ അലര്ട്ടുകള് പ്രഖ്യാപിച്ചു. ഇന്ന് കണ്ണൂര്, കാസര്ഗോഡ് എന്നീ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
മഴ മുന്നറിയിപ്പ്
തിരുവനന്തപുരം: സംസ്ഥാനത്ത് ശക്തമായ മഴ തുരുന്നു. വടക്കന് ജില്ലകളില് ശക്തമായ മഴയ്ക്ക് സാധ്യതയുള്ളതായി കേന്ദ്ര കാലാവസ്ഥാ വകുപ്പിന്റെ മുന്നറിയിപ്പില് പറയുന്നു. വടക്കുപടിഞ്ഞാറന് ബംഗാള് ഉള്ക്കടലില് വീണ്ടും ചക്രവാതച്ചുഴി രൂപപ്പെട്ടു. ഇത് നാളെയോടെ ബംഗാള് ഉള്ക്കടല്, പശ്ചിമ ബംഗാള്, ഒഡീഷ എന്നിവയ്ക്ക് മുകളിലായി ന്യൂനമര്ദമായി ശക്തിപ്രാപിക്കാന് സാധ്യതയുണ്ട്.
ബുധനാഴ്ച മുതല് കേരളത്തില് മഴ ശക്തിപ്രാപിക്കും. ഇതിന്റെ പശ്ചാത്തലത്തില് വിവിധ ജില്ലകളില് ഓറഞ്ച്, യെല്ലോ അലര്ട്ടുകള് പ്രഖ്യാപിച്ചു. ഇന്ന് കണ്ണൂര്, കാസര്ഗോഡ് എന്നീ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
യെല്ലോ അലേര്ട്ട്
- ജൂലൈ 14 തിങ്കള്- കണ്ണൂര്, കാസര്കോട്
- ജൂലൈ 15 ചൊവ്വ- മലപ്പുറം, കോഴിക്കോട്, വയനാട്, കണ്ണൂര്, കാസര്കോട്
- ജൂലൈ 16 ബുധന്- എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്
- ജൂലൈ 17 വ്യാഴം- ആലപ്പുഴ, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്
ഓറഞ്ച് അലര്ട്ട്
- ജൂലൈ 16 ബുധന്- കണ്ണൂര്, കാസറഗോഡ്
- ജൂലൈ 17 വ്യാഴം- ഇടുക്കി, കണ്ണൂര്, കാസറഗോഡ്
മത്സ്യത്തൊഴിലാളികള്ക്ക് ജാഗ്രതാ നിര്ദേശം
കേരള-ലക്ഷദ്വീപ്-കര്ണാടക തീരങ്ങളില് ജൂലൈ 17 വ്യാഴം വരെ മത്സ്യബന്ധത്തിന് പോകുന്നതിന് വിലക്കേര്പ്പെടുത്തിയിട്ടുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. മണിക്കൂറില് 40 മുതല് 50 കിലോമീറ്റര് വരെയും ചിലപ്പോള് 60 കിലോമീറ്റര് വരെയും വേഗത്തില് ശക്തമായ കാറ്റിന് സാധ്യതയുണ്ട്.
മധ്യ കഴിക്കന് അറബിക്കടല്, മധ്യ പടിഞ്ഞാറന് അറബിക്കടല്, തെക്കന് അറബിക്കടല്, ഗുജറാത്ത്, കൊങ്കണ്, ഗോവ, തെക്കുപടിഞ്ഞാറന് ബംഗാള് ഉള്ക്കടല്, മധ്യ പടിഞ്ഞാറന് ബംഗാള് ഉള്ക്കടല്, തെക്കന് ബാംഗാള് ഉള്ക്കടലിന്റെ തെക്ക് ഭാഗങ്ങള് എന്നിവിടങ്ങളില് ജൂലൈ 14 തിങ്കളാഴ്ച മണിക്കൂറില് 40 മുതല് 50 കിലോമീറ്റര് വരെയോ അല്ലെങ്കില് 60 കിലോമീറ്റര് വരെയോ വേഗത്തില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും മുന്നറിയിപ്പുണ്ട്.
ബുധനാഴ്ച വരെ മധ്യ പടിഞ്ഞാറന് അറബിക്കടല്, മധ്യ കിഴക്കന് അറബിക്കടല്, തെക്കുപടിഞ്ഞാറന് അറബിക്കടലിന്റെ വടക്കന് ഭാഗങ്ങള്, തെക്കന് തമിഴ്നാട് തീരം, ഗള്ഫ് ഓഫ് മന്നാര്, കന്യാകുമാരി തീരം എന്നിവിടങ്ങളില് 45 മുതല് 55 കിലോമീറ്റര് വരെയും ചിലപ്പോള് 65 കിലോമീറ്റര് വരെയും കാറ്റിന് സാധ്യതയുണ്ട്.
Also Read: Kerala Weather Updates: കേരളത്തിൽ അതിശക്തമായ മഴ, വിവിധ ജില്ലകളിൽ ഓറഞ്ച്, യെലോ അലർട്ട്
ജൂലൈ 15ന് ചൊവ്വാഴ്ച മധ്യ-കിഴക്കന് അറബിക്കടല്, മധ്യ-പടിഞ്ഞാറന് അറബിക്കടല്, തെക്കന് അറബിക്കടല്, ഗുജറാത്ത് തീരം, വടക്ക് കിഴക്കന് അറബിക്കടല്, തെക്ക് പടിഞ്ഞാറന് ബംഗാള് ഉള്ക്കടല്, മധ്യ പടിഞ്ഞാറന് ബംഗാള് ഉള്ക്കടല്, തെക്കന് ബംഗാള് ഉള്ക്കടലിന്റെ തെക്ക് ഭാഗങ്ങള് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വരെയും ചിലപ്പോള് 60 കിലോമീറ്റര് വരെയും വേഗത്തില് കാറ്റിന് സാധ്യതയുണ്ട്.
