Nationwide SIR : ‘എസ്ഐആർ ജനാധിപത്യ പ്രക്രിയയോടുള്ള വെല്ലുവിളി’; വിമർശിച്ച് മുഖ്യമന്ത്രി
Pinarayi Vijayan about SIR: എസ് ഐ ആറിനെതിരെ നിയമസഭയില് യോജിച്ചു പ്രമേയം പാസ്സാക്കിയ സംസ്ഥാനമാണ് കേരളം. രണ്ടാം ഘട്ട എസ്ഐആര് പ്രക്രിയക്കെതിര ജനാധിപത്യം സംരക്ഷിക്കാന് താല്പര്യപ്പെടുന്ന എല്ലാവരും യോജിച്ച് പ്രതികരിക്കണമെന്നും മുഖ്യമന്ത്രി പറയുന്നു.
CM Pinarayi Vijayan
തിരുവനന്തപുരം: വോട്ടര് പട്ടിക പ്രത്യേക തീവ്ര പുനഃപരിശോധനയെ (എസ്ഐആര്) വിമർശിച്ച് മുഖ്യമന്ത്രി പിണറായി വിജയൻ. എസ്ഐആ രാജ്യമൊട്ടാകെ വോട്ടര് പട്ടിക പ്രത്യേക തീവ്ര പുനഃപരിശോധന (എസ്ഐആര്) നടപ്പാക്കുമെന്ന കേന്ദ്ര തെരഞ്ഞെടുപ്പ് കമ്മീഷന്റെ പ്രഖ്യാപനം ജനാധിപത്യ പ്രക്രിയയോടുള്ള വെല്ലുവിളിയാണെന്ന് അദ്ദേഹം ഫെയ്സ്ബുക്കിൽ കുറിച്ചു.
എസ് ഐ ആറിനെതിരെ നിയമസഭയില് യോജിച്ചു പ്രമേയം പാസ്സാക്കിയ സംസ്ഥാനമാണ് കേരളം. രണ്ടാം ഘട്ട എസ്ഐആര് പ്രക്രിയക്കെതിര ജനാധിപത്യം സംരക്ഷിക്കാന് താല്പര്യപ്പെടുന്ന എല്ലാവരും യോജിച്ച് പ്രതികരിക്കണമെന്നും മുഖ്യമന്ത്രി പറയുന്നു.
നിലവിലുള്ള വോട്ടര് പട്ടികയ്ക്കു പകരം 2002 – 2004 ഘട്ടത്തിലെ പട്ടികയുടെ അടിസ്ഥാനത്തിലാണ് തീവ്ര പരിഷ്കരണം നടത്താന് തെരഞ്ഞെടുപ്പ് കമ്മീഷന് തയ്യാറാകുന്നത്. 1950ലെ ജനപ്രാതിനിധ്യ നിയമവും 1960ലെ വോട്ടര് റജിസ്ട്രേഷന് ചട്ടവും പ്രകാരം നിലവിലുള്ള പട്ടിക അടിസ്ഥാനമാക്കിയാണ് വോട്ടര്പട്ടിക പുതുക്കേണ്ടത്.
കേരളത്തില് തദ്ദേശ തെരഞ്ഞെടുപ്പുകള് നടക്കാനിരിക്കെ പ്രത്യേക തീവ്ര പുനഃപരിശോധന അസാധ്യമാണെന്ന് സംസ്ഥാന തെരഞ്ഞെടുപ്പ് ഓഫീസര് തന്നെ അറിയിച്ചിട്ടും എസ് ഐ ആര് പ്രക്രിയ ഉടനടി നടപ്പാക്കിയേ തീരൂ എന്ന നിര്ബന്ധം തെരഞ്ഞെടുപ്പ് കമ്മീഷനെ സംശയത്തിന്റെ നിഴലിലാക്കുന്നതാണെന്നും മുഖ്യമന്ത്രി കുറിച്ചു.
ഫെയ്സ്ബുക്ക് പോസ്റ്റ്
തെരഞ്ഞെടുപ്പ് കമ്മീഷന്റെ വിശ്വാസ്യതയെ തന്നെ ബാധിക്കുന്ന ഇത്തരം തീരുമാനങ്ങളില് നിന്ന് കമ്മീഷന് പിന്തിരിയണം. കേന്ദ്രം ഭരിക്കുന്ന കക്ഷിയുടെ കളിപ്പാവയാകാന് തെരഞ്ഞെടുപ്പ് കമ്മീഷന് പോലുള്ള സ്ഥാപനങ്ങളെ അനുവദിച്ചു കൂടായെന്നും അദ്ദേഹം കൂട്ടിച്ചേർത്തു.
