Kerala Rain Alert: ഇടിമിന്നലോടു കൂടിയ മഴ സാധ്യത! വിവിധ ജില്ലകളിൽ യെല്ലോ അലർട്ട്
Kerala Weather Update:വരുന്ന അഞ്ചു ദിവസവും മഴ സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം. ഒറ്റപ്പെട്ട ശക്തമായ മഴക്കുള്ള സാധ്യതയാണ് പ്രവചിച്ചിരിക്കുന്നത്. വിവിധ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്.
Kerala Rain Alert
തിരുവനന്തപുരം: ഇടവേളയ്ക്ക് ശേഷം മഴ വീണ്ടും സജീവമായിരിക്കുകയാണ്. കഴിഞ്ഞദിവസം മുതൽ വിവിധ ജില്ലകളിൽ നല്ല മഴ ലഭിക്കുന്നുണ്ട്. വരുന്ന അഞ്ചു ദിവസവും മഴ സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം. ഒറ്റപ്പെട്ട ശക്തമായ മഴക്കുള്ള സാധ്യതയാണ് പ്രവചിച്ചിരിക്കുന്നത്. വിവിധ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. എന്നാൽ ഇന്ന് ഒരു ജില്ലകളിലും പ്രത്യേക മഴ മുന്നറിയിപ്പില്ല. മണിക്കൂറുകൾ ഇടവിട്ട് നേരിയതോ ഇടത്തരം ആയതോ ആയ മഴയ്ക്ക് സാധ്യതയാണ്.
അത്തരത്തിൽ മണിക്കൂറുകളിൽ മഴപെയ്യാൻ സാധ്യതയുള്ള ജില്ലകളുടെ വിവരം കേന്ദ്ര കാലാവസ്ഥ വകുപ്പിന്റെ വെബ്സൈറ്റുകളിൽ ലഭ്യമാണ്. കൂടാതെ ഇടിമിന്നൽ ജാഗ്രത നിർദ്ദേശവും നൽകിയിട്ടുണ്ട്.ശനിയാഴ്ച രണ്ടു ദിവസങ്ങളിൽ യെല്ലോ അലർട്ട് ഉണ്ട്. പത്തനംതിട്ട ഇടുക്കി ജില്ലകളിലാണ്. കൂടാതെ ഞായറാഴ്ച തിരുവനന്തപുരം കൊല്ലം ആലപ്പുഴ ജില്ലകൾക്കും മുന്നറിയിപ്പുണ്ട്. കേരളത്തിൽ ഇന്ന് മുതൽ 10/11/2025 വരെ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ALSO READ: മൂന്നാമൂഴത്തിനും സാധ്യത? ജനമനസ്സറിയാൻ പോലീസ് രഹസ്യാന്വേഷണ വിഭാഗത്തിന്റെ സർവ്വേ
കേന്ദ്ര കാലാവസ്ഥ വകുപ്പിന്റെ അടുത്ത 5 ദിവസത്തേക്കുള്ള മഴ സാധ്യത പ്രവചനം. വിവിധ ജില്ലകളിൽ കേന്ദ്ര കാലാവസ്ഥ വകുപ്പ് യെല്ലോ അലർട്ട് പ്രഖ്യാപിച്ചിരിക്കുന്നു.
നവംബർ 8: പത്തനംതിട്ട, ഇടുക്കി
നവംബർ 9 : തിരുവനന്തപുരം, കൊല്ലം, പത്തനംതിട്ട
നവംബർ 10 : തിരുവനന്തപുരം, കൊല്ലം, ആലപ്പുഴ
എന്നീ ജില്ലകളിലാണ് മഞ്ഞ അലർട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് കേന്ദ്ര കാലാവസ്ഥ വകുപ്പ് ശക്തമായ മഴ എന്നത് കൊണ്ട് അർത്ഥമാക്കുന്നത്.
