Railway Updates : മധുരൈ-പുനലൂർ ഡെയിലി എക്സ്പ്രസ് ഓഗസ്റ്റ് 27ന് ഈ സ്റ്റോപ്പിൽ നിർത്തും; അറിയിപ്പുമായി റെയിൽവെ
Madurai Junction Punalur Daily Express Stoppage : അമരവിള മരങ്ങാലി ശ്രീ കാശിലിംഗം ക്ഷേത്രത്തിലെ ഗുരുപൂജയോട് അനുബന്ധിച്ചാണ് ദക്ഷിണ റെയിൽവെ സ്റ്റോപ്പ് അനുവദിച്ചിരിക്കുന്നത്.
തിരുവനന്തപുരം : തമിഴ്നാട്ടിലെ മധുരൈയിൽ നിന്നും കൊല്ലം പുനലൂർ വരെ എല്ലാ ദിവസവും സർവീസ് നടത്തുന്ന മധുരൈ-പുനലൂർ ഡെയിലി എക്സ്പ്രസ് ട്രെയിന് താൽക്കാലികമായി ഒരു സ്റ്റോപ്പും കൂടി അനുവദിച്ചു. ഓഗസ്റ്റ് 27-ാം തീയതി തിരുവനന്തപുരം അമരവിളയിൽ മധുരൈ-പുനലൂർ ഡെയിലി എക്സ്പ്രസ് ട്രെയിൻ ഒരു മിനിറ്റ് നേരത്തേക്ക് സ്റ്റോപ്പ് അനുവദിച്ചിട്ടുണ്ടെന്ന് ദക്ഷിണ റെയിൽവെ തിരുവനന്തപുരം ഡിവിഷൻ അറിയിച്ചു.
അമരവിള മരങ്ങാലി ശ്രീ കാശിലിംഗം ക്ഷേത്രത്തിലെ പൂജയോട് അനുബന്ധിച്ചാണ് റെയിൽവെ അമരവിളയിൽ താൽക്കാലിക സ്റ്റോപ്പ് അനുവദിച്ചിരിക്കുന്നത്. ഓഗസ്റ്റ് 26-ാം തീയതി മധുരൈയിൽ നിന്നും പുറപ്പെടുന്ന 16729 എന്ന നമ്പർ ട്രെയിനാണ് അമരവിളയിൽ നിർത്തുക. ട്രെയിൻ പുലർച്ചെ 5.23ന് അമരവിളയിൽ എത്തും. ശേഷം 5.24ന് പുറപ്പെടുമെന്ന് ദക്ഷിണ റെയിൽവെ തിരുവനന്തപുരം ഡിവിഷ വാർത്ത കുറിപ്പിലൂടെ അറിയിച്ചു.
