Antony Raju MLA: ആൻറണി രാജു എംഎൽഎയുടെ മാതാവ് അന്തരിച്ചു

Antony Raju

തിരുവനന്തപുരം: ആന്റണി രാജു എംഎൽഎയുടെ മാതാവ് പൂന്തുറ സരോജാ മന്ദിരത്തിൽ ലൂർദ്ദമ്മ അന്തരിച്ചു. 98 വയസായിരുന്നു. ഇന്നലെ രാത്രിയോടെയാണ് അന്ത്യം. സംസ്കാരം ഇന്ന് വൈകുന്നേരം 4 മണിക്ക് പൂന്തുറ സെൻ്റ് തോമസ് ദേവാലയത്തിൽ നടക്കും. പരേതനായ എസ്. അൽഫോൻസ് ആണ് ഭർത്താവ്. അമ്മയുടെ വിയോ​ഗം ആന്റണി രാജു തന്നെ ഫേസ്ബുക്ക് പോസ്റ്റിലൂടെ പങ്കുവച്ചിട്ടുണ്ട്.

മറ്റു മക്കൾ സരോജഗോമസ്, എ ജെ വിജയൻ, പ്രസന്ന പീറ്റർ, എ ജെ സെൽവിൻ, വിമല സ്റ്റാൻലി, സതീഷ് അൽഫോൻസ്, സാം അൽഫോൻസ്. മരുമക്കൾ റിച്ചാർഡ് ഗോമസ്, ഏലിയാമ്മ വിജയൻ, ഗ്രേസി രാജു, പീറ്റർ ഐ എ, ലാലി സെൽവിൻ, അഡ്വക്കേറ്റ് ജോസ് സ്റ്റാൻലി, ജൂഡിറ്റ് സതീഷ്, ഷൈനി സാം.