President Droupadi Murmu Visit: തിരുവനന്തപുരത്ത് 2 ദിവസം ഗതാഗത നിയന്ത്രണം, മാറ്റങ്ങൾ ഇത്
President Droupadi Murmu Visit: ഇന്ന് വൈകുന്നേരം 4 മണി മുതൽ രാത്രി 9 മണി വരെ നഗരത്തിലെ വിവിധ മേഖലകളിൽ റോഡിൻ്റെ ഇരുവശങ്ങളിലും വാഹനങ്ങൾ പാർക്ക് ചെയ്യാൻ പാടുള്ളതല്ല....
Droupadi Murmu
തിരുവനന്തപുരം: രാഷ്ട്രപതി ദ്രൗപതി മുർമുവിന്റെ സന്ദർശനത്തോടനുബന്ധിച്ച് തലസ്ഥാന നഗരത്തിൽ ഇന്നും(December 3) നാളെയും (December 4) ഗതാഗത നിയന്ത്രണം. ജില്ലയിൽ ഈ ദിവസങ്ങളിൽ ഗതാഗത നിയന്ത്രണം ഏർപ്പെടുത്തിയതായി അസിസ്റ്റന്റ് സിറ്റി പോലീസ് കമ്മീഷണർ അനിൽകുമാർ അറിയിച്ചു. ഇന്ന് ഉച്ചയ്ക്ക് രണ്ടു മണി മുതൽ രാത്രി 9 മണി വരെയും നാളെ രാവിലെ ആറു മുതൽ പതിനൊന്നു മണി വരെയുമാണ് നിയന്ത്രണം. ഗതാഗത നിയന്ത്രണം ഏർപ്പെടുത്തിയതിന്റെ ഭാഗമായി ഇന്ന് വൈകുന്നേരം 4 മണി മുതൽ രാത്രി 9 മണി വരെ നഗരത്തിലെ വിവിധ മേഖലകളിൽ റോഡിൻ്റെ ഇരുവശങ്ങളിലും വാഹനങ്ങൾ പാർക്ക് ചെയ്യാൻ പാടുള്ളതല്ല.
ശംഖുംമുഖം – ഡൊമസ്റ്റിക് എയർ പോർട്ട് വരെയുള്ള റോഡിലും എയർ പോർട്ട് ആറാട്ട് ഗേറ്റ്- -വള്ളകടവ് -ഈഞ്ചയ്ക്കൽ – മിത്രാനന്ദപുരം – എസ് പി ഫോർട്ട് -ശ്രീകണ്ഠേശ്വരം പാർക്ക്- തകരപ്പറമ്പ് മേൽപ്പാലം- ചൂരക്കാട്ടുപാളയം – തമ്പാനൂർ ഫ്ലൈഓവർ – തൈയ്ക്കാട് -വഴുതയ്ക്കാട് -വെള്ളയമ്പലം -കവടിയാർ എന്നീ റോഡുകളിലെ ഇരുവശങ്ങളിലും വാഹനങ്ങൾ പാർക്ക് ചെയ്യുന്നതിലാണ് നിയന്ത്രണം ഏർപ്പെടുത്തിയിരിക്കുന്നത്.
നാളെ രാവിലെ ആറു മുതൽ 11മണി വരെയാണ് നിയന്ത്രണം ഏർപ്പെടുത്തിയിരിക്കുന്നത്. കവടിയാർ- വെള്ളയമ്പലം- മ്യൂസിയം-വേൾഡ്വാർ-വിജെറ്റി-ആശാൻ സ്ക്വയർ- ജനറൽ ആശുപത്രി-പാറ്റൂർ-പേട്ട-ചാക്ക – ആൾസെയിന്റ്സ്–ശംഖുംമുഖം റോഡിന്റെ ഇരുവശങ്ങളിലും പാർക്കിംഗ് നിരോധിച്ചു. കൂടാതെ ഇന്ന് ശംഖുംമുഖം – വലിയതുറ- പൊന്നറ-കല്ലുംമൂട് – ഈഞ്ചയ്ക്കൽ വരേയും നാളെ വെള്ളയമ്പലം – വഴുതക്കാട് -തൈക്കാട്- തമ്പാനൂർ ഫ്ലൈഓവർ- ചൂരക്കാട്ട് പാളയം -തകരപറമ്പ് മേൽ പാലം – ശ്രീകണ്ഠേശ്വരം പാർക്ക്- എസ് പി ഫോർട്ട് മിത്രാനന്ദപുരം -ഈഞ്ചക്കൽ -കല്ലുംമൂട്- പൊന്നറ പാലം – വലിയതുറ- ഡൊമസ്റ്റിക് എയർപോർട്ട് റോഡിലും ഇരുവശങ്ങളിലും വാഹനങ്ങൾ പാർക്ക് ചെയ്യുവാൻ പാടുള്ളതല്ല.
ഗതാഗത നിയന്ത്രണം ഏർപ്പെടുത്തിയിട്ടുള്ള മേൽപ്പറഞ്ഞ പ്രധാന റോഡുകളിലും സമീപമുള്ള ഇടറോടുകളിലും വാഹനങ്ങൾ പാർക്ക് ചെയ്യുവാൻ അനുവാദമില്ല. അതീവ സുരക്ഷാ പ്രാധാന്യമുള്ള റൂട്ടിൽ പാർക്ക് ചെയ്യുന്ന വാഹനങ്ങൾ റിക്കവറി വാഹനം ഉപയോഗിച്ച് നീക്കം ചെയ്ത് നിയമനടപടികൾ സ്വീകരിക്കുമെന്നും എ സി പി വ്യക്തമാക്കി. രാഷ്ട്രപതി ദ്രൗപതി മുർമുവിന്റെ റൂട്ട് സമയത്ത് പ്രധാന റോഡിൽ വന്നുചേരുന്ന ഇടറോഡുകളിലെ വാഹനഗതാഗത്തിന് നിയന്ത്രണം ഏർപ്പെടുത്തുന്നതും ഗതാഗതം വഴി തിരിച്ചു വിടുന്നതും ആയിരിക്കും. അതിനാൽ വിമാനത്താവളത്തിലേക്ക് റെയിൽവേ സ്റ്റേഷനുകളിലേക്കും പോകുന്ന യാത്രക്കാർ മുൻകൂട്ടി യാത്രകൾ ക്രമീകരിക്കേണ്ടതാണ്. ഗതാഗത ക്രമീകരണങ്ങളുടെ വിവരങ്ങൾക്ക് 9497930055, 04712558731 എന്നീ നമ്പറുകളിൽ ബന്ധപ്പെടാവുന്നതാണ്.
