Antony Raju: ശിക്ഷ നടപ്പാക്കുന്നത് തടയരുത് ; തൊണ്ടിമുതൽ കേസിൽ ആന്റണി രാജുവിന്റെ അപ്പീലിനെതിരെ പ്രോസിക്യൂഷൻ

Antony Raju

കൊച്ചി: തൊണ്ടിമുതലിൽ കൃത്രിമം കാട്ടി എന്ന കേസിൽ ‌‍‌ ശിക്ഷാവിധി മരവിപ്പിക്കണമെന്ന് ആവശ്യപ്പെട്ടുകൊണ്ട് ആന്റണി രാജു നൽകിയ അപ്പീലിനെതിരെ പ്രോസിക്യൂഷൻ. വാദത്തിനിടെ ഹൈക്കോടതി ഉയർത്തിയ ചോദ്യത്തിന് ആണ് പ്രോസിക്യൂഷൻ മറുപടി നൽകിയത്. അനധികൃതമായി കോടതിയിലെ അനുമതി ഇല്ലാതെയാണ് ഒന്നാം പ്രതിയിൽ നിന്നും ആന്റണി രാജു തൊണ്ടിമുതൽ കൈപ്പറ്റിയത്.

തൊണ്ടിമുതൽ കൈമാറുന്നതിന് മജിസ്ട്രേറ്റ് കോടതിയുടെ ഉത്തരവ് ഉണ്ടായിരുന്നില്ല.ആന്റണി രാജുവിന്റെ കൈവശമിരുന്നപ്പോഴാണ് തൊണ്ടിമുതലില്‍ കൃത്രിമം നടത്തിയത്. ഇതിനെ സാധൂകരിക്കുന്ന തെളിവുകളുണ്ടെന്നും വഞ്ചിയൂര്‍ പൊലീസ് ഹൈക്കോടതിയെ അറിയിച്ചു.

ആ കളയണവിൽ എന്തെല്ലാം ചെയ്തുവെന്ന് പ്രതിക്ക് മാത്രമാണ് അറിവുള്ളത് തൊണ്ടിമുതലിൽ കൃത്രിമത്വം നടന്നു എന്നത് ശാസ്ത്രീയമായി തെളിഞ്ഞ കാര്യമാണ് എന്നും പ്രോസിക്യൂഷൻ മറുപടി നൽകി. തെരഞ്ഞെടുപ്പിൽ മത്സരിക്കേണ്ടത് ആന്റണി രാജുവിന്റെ ആവശ്യമാണ്. അപൂർവങ്ങളിൽ അപൂർവമായ സാഹചര്യങ്ങളിൽ മാത്രമേ ശിക്ഷാവിധി മരവിപ്പിക്കാൻ ആകും എന്നും പ്രോസിക്യൂഷൻ വാദിച്ചു.