Scissors in Stomach: ഉഷ അമൃതയിലെത്തി; വയറ്റില് കത്രിക പേറി നടന്നത് നീണ്ട 5 വര്ഷങ്ങള്
Medical Negligence at Alappuzha Vandanam Medical College: വണ്ടാനം മെഡിക്കല് കോളേജില് നടന്ന ശസ്ത്രക്രിയ്ക്ക് ഇടയിലാണ് യുവതിയുടെ വയറ്റില് കത്രിക വറന്നുവെച്ചത്. അഞ്ച് വര്ഷങ്ങള്ക്ക് മുമ്പ് 2021 മെയ് 5നാണ് ഉഷ ആലപ്പുഴ മെഡിക്കല് കോളേജില് ഗര്ഭപാത്രത്തിലെ മുഴ നീക്കം ചെയ്യുന്ന ശസ്ത്രക്രിയക്ക് വിധേയായത്.
കൊച്ചി: വയറ്റില് കത്രിക കണ്ടെത്തിയ ആലപ്പുഴ പുന്നപ്ര സ്വദേശി ഉഷ ജോസഫിനെ കൊച്ചി അമൃത ആശുപത്രിയിലെത്തിച്ചു. യുവതിയെ അമൃതയിലെ അത്യാഹിത വിഭാഗത്തില് പ്രവേശിപ്പിച്ചിരിക്കുകയാണ്. പരിശോധനകള്ക്ക് ശേഷം തുടര്നടപടികള് തീരുമാനിക്കുമെന്ന് ഡോക്ടര്മാര് അറിയിച്ചു. ആവശ്യമെങ്കില് ശസ്ത്രക്രിയ ഉടന് തന്നെ ചെയ്യുമെന്നും വിവരം.
വണ്ടാനം മെഡിക്കല് കോളേജില് നടന്ന ശസ്ത്രക്രിയ്ക്ക് ഇടയിലാണ് യുവതിയുടെ വയറ്റില് കത്രിക വറന്നുവെച്ചത്. അഞ്ച് വര്ഷങ്ങള്ക്ക് മുമ്പ് 2021 മെയ് 5നാണ് ഉഷ ആലപ്പുഴ മെഡിക്കല് കോളേജില് ഗര്ഭപാത്രത്തിലെ മുഴ നീക്കം ചെയ്യുന്ന ശസ്ത്രക്രിയക്ക് വിധേയായത്. എന്നാല് ശസ്ത്രക്രിയ കഴിഞ്ഞെങ്കിലും ഇവര്ക്ക് നിരന്തരം വയറുവേദന അനഭവപ്പെടാന് തുടങ്ങി. വയറുവേദനയ്ക്കുള്ള മരുന്ന് കഴിച്ചായിരുന്നു പിന്നീടുള്ള ജീവിതം. എന്നാല് കഴിഞ്ഞ ബുധനാഴ്ച നടത്തിയ എക്സറേയിലാണ് വയറ്റില് കത്രിക കണ്ടെത്തിയത്.
വയറുവേദനയുടെ പേരില് നിരവധി തവണ വണ്ടാനം മെഡിക്കല് കോളേജില് ഉഷ പോയിരുന്നു. എന്നാല് മൂത്രത്തില് കല്ലാണ് കാരണമെന്ന് പറഞ്ഞ് മടക്കി അയക്കുകയായിരുന്നുവെന്ന് ഉഷ ആരോപിച്ചു. പിന്നീട് സ്വകാര്യ ലാബില് നടത്തിയ പരിശോധനയിലാണ് കത്രിക കണ്ടെത്തിയത്. തിങ്കളാഴ്ച ശസ്ത്രക്രിയ നടത്തി കത്രിക പുറത്തെടുക്കാമെന്നായി പിന്നീട് മെഡിക്കല് കോളേജ് അധികൃതരുടെ വാഗ്ദാനം. എന്നാല് തനിക്ക് വണ്ടാനത്തേക്ക് പോകാന് ഭയമാണെന്ന് ഉഷ പറയുന്നു.
Also Read: Doctors strike: ഡോക്ടർമാരുടെ സമരം: ഡയസ്നോൺ പ്രഖ്യാപിച്ച് സർക്കാർ; നടപടി കടുപ്പിച്ച് ആരോഗ്യവകുപ്പ്
സംഭവത്തില് മെഡിക്കല് കോളേജ് ഡോക്ടര്മാര്ക്കെതിരെ പരാതി നല്കാനൊരുങ്ങുകയാണ് ഉഷയുടെ കുടുംബം. ചികിത്സാപിഴവില് ഡിഎംഇ അന്വേഷണത്തിന് ഉത്തരവിട്ടിട്ടുമുണ്ട്.
