Kannur Accident: കണ്ണൂര് ഏഴിമലയിൽ നിയന്ത്രണം വിട്ട പിക്കപ്പ് ലോറി തൊഴിലുറപ്പ് തൊഴിലാളികൾക്കിടയിലേക്ക് പാഞ്ഞുകയറി; മൂന്ന് പേർ മരിച്ചു
Kannur Accident: തിങ്കളാഴ്ച രാവിലെ 9.30 ഓടെയായിരുന്നു സംഭവം. രാമന്തളി പഞ്ചായത്ത് അഞ്ചാം വാര്ഡിലെ തൊഴിലാളികളാണ് അപകടത്തില്പ്പെട്ടത്.
കണ്ണൂർ: ഏഴിമലയിൽ പിക്കപ്പ് ലോറിയിടിച്ച് പരിക്കേറ്റ് മൂന്ന് തൊഴിലുറപ്പ് തൊഴിലാളികൾ മരിച്ചു. കല്ലേറ്റുംകടവിലെ പി. വി. ശോഭ (53), ടി.വി. യശോദ (68) ബി. പി. ശ്രീലേഖ (49) എന്നിവരാണ് മരിച്ചത്. തിങ്കളാഴ്ച രാവിലെ 9.30 ഓടെയായിരുന്നു സംഭവം. രാമന്തളി പഞ്ചായത്ത് അഞ്ചാം വാര്ഡിലെ തൊഴിലാളികളാണ് അപകടത്തില്പ്പെട്ടത്.
20 പേരടങ്ങിയ തൊഴിലാളികളുടെ സംഘത്തില് നിന്നും മൂന്ന് പേര് കുരിശുമുക്കില് നിന്നും രാമന്തളി റോഡില് കഴിഞ്ഞ ദിവസം ബാക്കിയായ പണി തീര്ക്കുന്നതിനായി പോകുമ്പോഴാണ് അപകടം സംഭവിച്ചത്.നിയന്ത്രണം വിട്ട പിക്കപ്പ് ലോറി മരത്തിലിടിച്ച് ഇവരുടെ ദേഹത്തേക്ക് മറിയുകയായിരുന്നു. കുരിശുമുക്ക് – ഏഴിമല ടോപ് റോഡില് നിന്നും ഇറങ്ങി രാമന്തളി ഭാഗത്തേക്ക് ജില്ലിപൊടിയുമായി പോവുകയായിരുന്ന ഗുഡ്സ് ഓട്ടോയാണ് മറഞ്ഞത്. അപകടത്തിൽ സാരമായി പരിക്കേറ്റ ശോഭ സംഭവ സ്ഥലത്തും യശോദ ആശുപത്രിയിലേക്കുള്ള യാത്രാമധ്യേയും മരിച്ചു. ഗുരുതരമായി പരിക്കേറ്റ് ചികിത്സയിലിരിക്കെയായിരുന്നു ശ്രീലേഖ മരിച്ചത്. മൃതദേഹം ആശുപത്രിയിലേക്ക് മാറ്റി.
Also read-Kollam Murder: കൊല്ലത്ത് വഴിതടഞ്ഞത് ചോദിക്കാനെത്തിയ യുവാവിനെ കുത്തികൊന്നു
അതേസമയം കൊച്ചിയില് ഓടിക്കൊണ്ടിരുന്ന ലോ ഫ്ലോർ ബസ് കത്തി നശിച്ചു. എറണാകുളം ചിറ്റൂര് റോഡില് വെച്ചായിരുന്നു സംഭവം. എറണാകുളം – തൊടുപുഴ ബസിനാണ് തീ പിടിച്ചത്. 21 യാത്രക്കാരാണ് ഈ സമയം ബസിൽ ഉണ്ടായിരുന്നതെന്നാണ് വിവരം. അപകടത്തിൽ ആളപായമില്ല. ഫയര്ഫോഴ്സ് സംഘം എത്തി തീയണക്കുകയായിരുന്നു.
