കണ്ണൂരിൽ നടിയുടെ വീട്ടിൽ പുടവയുമായി യുവാവ്; കല്ല്യാണം കഴിക്കണമെന്ന് ആവശ്യം

കണ്ണൂർ: പുതിയ സാരിയുമായി കല്യാണം കഴിക്കണമെന്ന് ആവശ്യപ്പെട്ട് നടിയുടെ വീടിന്റെ മുന്നിലെത്തി യുവാവ്. ബുധനാഴ്ച രാവിലെ 10 മണിയോടെയാണ് സംഭവം. പ്രതി നടിയുടെ വീടിന്റെ മുന്നിലെത്തി കയ്യിൽ കരുതിയിരുന്ന പുതിയ സാരി എടുത്തുയർത്തി കാണിച്ചുകൊണ്ട് തനിക്ക് നടിയെ വിവാഹം കഴിക്കണമെന്ന് ആവശ്യപ്പെടുകയായിരുന്നു.

ഭയന്നുപോയ നടിയും കുടുംബവും വീട്ടിൽ കയറി വാതിൽ അടയ്ക്കുകയും തുടർന്ന് പോലീസിൽ വിവരം അറിയിക്കുകയും ചെയ്തു. കഴിഞ്ഞ ഡിസംബർ മുതൽ ഈ യുവാവ് നടിയെ ഇൻസ്റ്റഗ്രാമിൽ പിന്തുടർന്ന് മെസ്സേജ് അയച്ച് ശല്യം ചെയ്യാറുണ്ടായിരുന്നു എന്നാണ് ആരോപിക്കുന്നത്.

ALSO READ:രമേശ് പിഷാരടിയെ മണ്ഡലത്തിൽ തടഞ്ഞവർക്കെതിരെ കേസ് ; ബിജെപി അംഗം ഒന്നാംപ്രതി

സംഭവത്തിൽ നടിയും കുടുംബവും യുവാവിനെതിരെ പരാതി നൽകി. പരാതിയുടെ പശ്ചാത്തലത്തിൽ തുടർ നടപടികൾ സ്വീകരിക്കുമെന്നാണ് റിപ്പോർട്ട്.