Boiling Packaged Milk: പായ്ക്കറ്റ് പാൽ തിളപ്പിക്കാറുണ്ടോ? നിങ്ങൾ ചെയ്യുന്നത് വലിയ തെറ്റ്
Boil Packaged Milk Before Drinking: സാധാരണ പാൽ തിളപ്പിച്ച് കുടിക്കുന്ന ശീലമാണ് മലയാളികൾക്ക്. അതുകൊണ്ട് തന്നെ നമ്മളിൽ ഭൂരിപക്ഷവും പായ്ക്കറ്റ് പാൽ തിളപ്പിച്ച് തന്നെയാണ് ഉപയോഗി്കുന്നത്. വീടുകളിൽ നിന്ന് നേരിട്ട് വാങ്ങുന്ന പാലോ സൊസൈറ്റികളിൽ നിന്ന് വാങ്ങുന്ന പാലോ തിളപ്പിച്ച ശേഷം മാത്രം ഉപയോഗിക്കുക.
കടയിൽ നിന്ന് വാങ്ങുന്ന പായ്ക്കറ്റ് പാൽ തിളപ്പിച്ചാണോ നിങ്ങൾ ഉപയോഗിക്കാറുള്ളത്? സാധാരണ പാൽ തിളപ്പിച്ച് കുടിക്കുന്ന ശീലമാണ് മലയാളികൾക്ക്. അതുകൊണ്ട് തന്നെ നമ്മളിൽ ഭൂരിപക്ഷവും പായ്ക്കറ്റ് പാൽ തിളപ്പിച്ച് തന്നെയാണ് ഉപയോഗി്കുന്നത്. എന്നാൽ, പായ്ക്കറ്റ് പാൽ അങ്ങനെ തിളപ്പിക്കുന്നത് ശരിയല്ലെന്നാണ് ആരോഗ്യവിദഗ്ധർ പറയുന്നത്. ഇങ്ങനെ ചെയ്യുന്നതിലൂടെ പാലിലെ പോഷകഗുണങ്ങൾ നഷ്ടപ്പെടാൻ സാധ്യതയുണ്ടെന്നാണ് വിദഗ്ധരുടെ അഭിപ്രായം.
കടകളിൽ നിന്ന് ലഭിക്കുന്ന പാൽ മിക്കപ്പോഴും പാസ്ച്വറൈസ്ഡ് ആയിരിക്കും. അതായത് പായ്ക്കിംഗ് പ്രോസസിന് മുമ്പ് തന്നെ അവ അൾട്രാ-ഹൈ ടെമ്പറേച്ചർ (UHT) പ്രോസസ്സിംഗ് വഴി അണുവിമുക്തമാക്കിയിട്ടുണ്ട്. ആവശ്യത്തിന് ചൂടാക്കി ബാക്ടീരിയകളെയും ആരോഗ്യത്തിന് ഹാനികരമായ മറ്റ് ഘടകങ്ങളെയും ഇല്ലാതാക്കിയ ശേഷമാണ് ഇവ വിപണിയിലെത്തുന്നത്. അതുകൊണ്ടുതന്നെ ഈ പാൽ വീണ്ടും തിളപ്പിക്കേണ്ടതില്ല എന്നാണ് ആരോഗ്യ വിദഗ്ധർ ചൂണ്ടികാട്ടുന്നത്.
ALSO READ: ആരോഗ്യത്തിന് ഗുണകരം, പക്ഷേ കഴിക്കുന്നത് ഇങ്ങനെയെങ്കിൽ പണി ഉറപ്പ്!
വീണ്ടും തിളപ്പിക്കുന്നത് പോഷകമൂല്യം കുറയ്ക്കുകയും വിറ്റാമിൻ ബി-കോംപ്ലക്സ്, വിറ്റാമിൻ സി, പാലിലെ പ്രോട്ടീനുകൾ എന്നിവയെ ബാധിക്കുകയും ചെയ്യുന്നു. ശരിയായ രീതിയിൽ സൂക്ഷിച്ചാൽ നിങ്ങൾക്ക് പായ്ക്കറ്റ് പാൽ തിളപ്പിക്കാതെ തന്നെ ഉപയോഗിക്കാവുന്നതാണ്. റഫ്രിജറേറ്ററിൽ നിന്നെടുത്ത പാൽ മണിക്കൂറുകളോളം പുറത്തു വച്ചിരുന്നതാണെങ്കിൽ അത് ചെറുതായി ചൂടാക്കുന്നത് നല്ലതായിരിക്കും. പക്ഷേ തിളപ്പിക്കേണ്ട ആവശ്യമില്ല.
എന്നാൽ വീടുകളിൽ നിന്ന് നേരിട്ട് വാങ്ങുന്ന പാലോ സൊസൈറ്റികളിൽ നിന്ന് വാങ്ങുന്ന പാലോ തിളപ്പിച്ച ശേഷം മാത്രം ഉപയോഗിക്കുക. കുട്ടികൾക്കും, ഗർഭിണികൾക്കും, പ്രായമായവർക്കും, രോഗപ്രതിരോധശേഷി കുറഞ്ഞ വ്യക്തികൾക്കും അപകടസാധ്യത സൃഷ്ടിക്കുന്ന ദോഷകരമായ സൂക്ഷ്മാണുക്കൾ, വൈറസുകൾ അല്ലെങ്കിൽ ബാക്ടീരിയകൾ ഇവയിൽ കാണപ്പെടാനുള്ള സാധ്യത വളരെ കൂടുതലാണ്. കൂടാതെ മൃഗത്തിന്റെ അകിടിൽ അണുബാധയോ രോഗങ്ങളോ ഉണ്ടായോക്കാം. ഇതുമൂലം വീടുകളിൽനിന്ന് നേരിട്ട് വാങ്ങുന്നവ തിളപ്പിച്ച് ഉപയോഗിക്കാൻ ശ്രദ്ധിക്കുക.
