Basil Joseph: ‘നിങ്ങളുടെ പേരെന്താണ്? മമ്മൂട്ടിയെന്ന് പുഞ്ചിരിച്ചുകൊണ്ട് അദ്ദേഹം പറഞ്ഞു’; മനോഹര നിമിഷം പങ്കുവെച്ച് ബേസിൽ ജോസഫ്
Basil Joseph Share About Mammootty: അദ്ദേഹം തന്റെ ക്യാമറയിൽ പകർത്തിയെന്നും മകൾ ഹോപ്പിനൊപ്പം നിരവധി സെൽഫികൾ പകർത്തിയെന്നും ബേസിൽ പറയുന്നു.
മകൾ മമ്മൂട്ടിയെ കണ്ട നിമിഷം പങ്കുവച്ച് നടനും സംവിധായകനുമായ ബേസിൽ ജോസഫ്. തന്റെ കുടുംബത്തിന് ഒരിക്കലും മറക്കാനാവാത്ത നിമിഷമായിരുന്നു ഇതെന്ന് കുറിച്ചുകൊണ്ടായിരുന്നു ബേസിൽ ഇൻസ്റ്റാഗ്രാമിൽ ചിത്രങ്ങൾ പങ്കുവച്ചത്. മകൾ ഹോപ്പുമായി മമ്മൂട്ടി നടത്തിയ രസകരമായ സംഭാഷണത്തെക്കുറിച്ചും ബേസിൽ കുറിപ്പിൽ പറയുന്നുണ്ട്. (Image Credits: Instagram)
ചിത്രത്തിനൊപ്പം ഒരു കുറിപ്പും താരം പങ്കുവച്ചിട്ടുണ്ട്. ഒരു ഇതിഹാസത്തോടൊപ്പം ഒരു വൈകുന്നേരം ചെലവഴിക്കാനുള്ള അപൂർവ ഭാഗ്യം ലഭിച്ചുവെന്ന് പറഞ്ഞുകൊണ്ടായിരുന്നു പോസ്റ്റ്. മമ്മൂട്ടിയോട് നിഷ്കളങ്കമായി മകൾ പേര് എന്താണെന്ന് ചോദിച്ചുവെന്നും അദ്ദേഹം പുഞ്ചിരിച്ചുകൊണ്ട് ‘മമ്മൂട്ടി’ എന്ന് മറുപടി നൽകിയെന്നുമാണ് ബേസിൽ പോസ്റ്റിൽ കുറിച്ചത്.
വിനയത്തോടെയുള്ള അദ്ദേഹത്തിൻ്റെ മറുപടി എക്കാലവും ഹൃദയത്തിലുണ്ടാകുമെന്നും പോസ്റ്റിൽ പറയുന്നു. അദ്ദേഹം തന്റെ ക്യാമറയിൽ പകർത്തിയെന്നും മകൾ ഹോപ്പിനൊപ്പം നിരവധി സെൽഫികൾ പകർത്തിയെന്നും ബേസിൽ പറയുന്നു.
ഒരു അടുത്ത സുഹൃത്തിനെ പോലെ അത്രയും നേരം അദ്ദേഹം തങ്ങളുടെ ഒപ്പമിരുന്നുവെന്നും അത്തരമൊരു പൂർണ്ണതയും, സൗമ്യതയും വാക്കുകളിൽ ഒതുക്കാൻ കഴിയില്ലെന്നും ഈ സ്നേഹത്തിനും സമയം ചെലവഴിച്ചതിനും നന്ദിയെന്നും ബേസിൽ കുറിച്ചു.ഹൈദരാബാദിൽ നിന്നാണ് ബേസിൽ ഭാര്യ എലിസബത്തിനും മകൾക്കുമൊപ്പം മമ്മൂട്ടിയെ കണ്ടത്.
അതേസമയം ഏഴ് മാസത്തെ ഇടവേളയ്ക്ക് ശേഷം സെപ്റ്റംബർ അവസാനമാണ് മമ്മൂട്ടി വീണ്ടും സിനിമയിലേക്ക് മടങ്ങിയെത്തിയത്. മഹേഷ് നാരായണന് സംവിധാനം ചെയ്യുന്ന പാട്രിയറ്റ് എന്ന സിനിമയുടെ ചിത്രീകരണത്തിലാണ് താരം.
