Bengaluru High Speed Rail: ബെംഗളൂരു ഹൈ സ്പീഡ് ട്രെയിനിന് 8 സ്റ്റോപ്പ്; മലയാളികള്ക്കും ഗുണം
Bengaluru Chennai Bullet Train: മുംബൈ-പൂനെ, പൂനെ-ഹൈദരാബാദ്, ഹൈദരാബാദ്-ബെംഗളൂരു, ഹൈദരാബാദ്-ചെന്നൈ, ചെന്നൈ-ബെംഗളൂരു, ഡല്ഹി-വാരണാസി, വാരണാസി-സിലിഗുരി എന്നിങ്ങനെ ഏഴ് ഇടനാഴികളാണ് പുതുതായി വരാന് പോകുന്നത്.
ട്രെയിന് ഗതാഗതത്തില് രാജ്യം മറ്റൊരു ഘട്ടത്തിലേക്ക് കടക്കുകയാണ്. വിദേശരാജ്യങ്ങളിലേതിന് സമാനമായി നിരവധി അതിവേഗ ട്രെയിനുകള് ഇന്ത്യയില് ഇതിനോടകം അവതരിപ്പിച്ച് കഴിഞ്ഞു. രാജ്യത്തെ പൗരന്മാര് നിലവില് കാത്തിരിക്കുന്നത് കേന്ദ്ര ബജറ്റില് പ്രഖ്യാപിച്ച അതിവേഗ റെയില് പദ്ധതിക്കായാണ്. ഏഴ് പുതിയ ഹൈ സ്പീഡ് റെയില് റൂട്ടുകളാണ് കേന്ദ്ര ധനമന്ത്രി നിര്മല സീതാരാമന് ബജറ്റില് പ്രഖ്യാപിച്ചത്. (Image Credits: TV9 Network)
മുംബൈ-പൂനെ, പൂനെ-ഹൈദരാബാദ്, ഹൈദരാബാദ്-ബെംഗളൂരു, ഹൈദരാബാദ്-ചെന്നൈ, ചെന്നൈ-ബെംഗളൂരു, ഡല്ഹി-വാരണാസി, വാരണാസി-സിലിഗുരി എന്നിങ്ങനെ ഏഴ് ഇടനാഴികളാണ് പുതുതായി വരാന് പോകുന്നത്.
അതിവേഗ റെയിലുകളുടെ വരവ് യാത്രക്കാര്ക്ക് ഏറെ ഗുണകരമാകും. അതിവേഗ റെയിലിന്റെ പരമാവധി വേഗത 350 കിലോമീറ്ററും, പ്രവര്ത്തന വേഗത മണിക്കൂറില് 320 കിലോമീറ്ററും ശരാശരി വേഗത മണിക്കൂറില് 250 കിലോമീറ്ററുമാണ്.
ബെംഗളൂരു, ചെന്നൈ, ഹൈദരാബാദ് പാതയില് എട്ട് സ്റ്റേഷനുകള് ഉണ്ടായിരിക്കാനാണ് സാധ്യത. വൈറ്റ്ഫീല്ഡ്, ഇലക്ട്രോണിക്സ് സിറ്റി എന്നിവ പ്രധാന സ്റ്റോപ്പുകളായിരിക്കും. 313 നഗരങ്ങളിലൂടെയും ഗ്രാമങ്ങളിലൂടെയും കടന്നുപോകുന്ന ഈ അലൈന്മെന്റിന് 1,162 ഹെക്ടര് ഭൂമി ആവശ്യമാണ്. ബെംഗളൂരു നഗരപരിധിക്കുള്ളില് 14 കിലോമീറ്റര് ഉള്പ്പെടെ 38 കിലോമീറ്റര് തുരങ്കങ്ങളും പദ്ധതിയില് ഉള്പ്പെടുന്നു.
ചെന്നൈയ്ക്കും ബെംഗളൂരുവിനും ഇടയിലുള്ള യാത്രാ സമയം അതിവേഗ റെയിലിന് 1 മണിക്കൂറും 13 മിനിറ്റുമായി കുറയ്ക്കാന് സാധിക്കും. നിലവില്, ഏറ്റവും വേഗതയേറിയ ബെംഗളൂരു-ഹൈദരാബാദ് വന്ദേ ഭാരത് എക്സ്പ്രസ് 4.5 മണിക്കൂര് എടുത്താണ് യാത്ര പൂര്ത്തിയാക്കുന്നത്. അതേസമയം മറ്റ് ട്രെയിനുകള് 8.5 മണിക്കൂര് വരെ സമയമെടുക്കും.
