Broccoli Benefits: ബ്രോക്കോളി കഴിച്ചാൽ കാൻസർ അകലുമോ? യഥാർത്ഥത്തിൽ എന്താണ് സംഭവിക്കുന്നത്
Broccoli Health Benefits: ശരീരത്തിലുണ്ടാകുന്ന പലതരം വിട്ടുമാറാത്ത വീക്കങ്ങൾ പലപ്പോഴും കാൻസറിലേക്ക് നയിക്കാം. എന്നാൽ നിങ്ങൾ പതിവായി ബ്രോക്കോളി കഴിക്കുകയാണെങ്കിൽ ശരീരത്തിലെ ഇത്തരം വീക്കങ്ങൾ കുറയ്ക്കാൻ സഹായിക്കുന്നു. എന്നാൽ പാചകം ചെയ്യുമ്പോൾ ഒരിക്കലും ബ്രൊക്കോളി അമിതമായി വേവിക്കരുത്. ബ്രോക്കോളി വെള്ളത്തിലിട്ട് അധിക സമയം തിളപ്പിക്കുന്നത് അതിലെ കാൻസർ ഘടകങ്ങളെ നശിക്കുന്നു.
ബ്രോക്കോളിയെ വെറുമൊരു പച്ചക്കറിയായി മാത്രം കണ്ട് നിസാരമാക്കരുത്. നമ്മൾ കരുതുന്നതിലും അപ്പുറം ആരോഗ്യ ഗുണങ്ങളാണ് അതിൽ ഒളിച്ചിരിക്കുന്നത്. ബ്രോക്കോളി കഴിച്ചാൽ യഥാർത്ഥത്തിൽ നമ്മുടെ ശരീരത്തിനുള്ളിൽ എന്താണ് സംഭവിക്കുന്നത്? ചില റിപ്പോർട്ടുകൾ അനുസരിച്ച്, കാൻസറിനെ പ്രതിരോധിക്കാനുള്ള ശേഷിപോലുമുണ്ടെന്നാണ് പറയുന്നത്. (Image Credits: Getty Images)
ബ്രോക്കോളിയിൽ കാണപ്പെടുന്ന സൾഫോറാഫേൻ എന്ന സംയുക്തമാണ് കാൻസറിനെതിരെ പോരാടാൻ ശരീരത്തെ സഹായിക്കുന്നത്. നാം ബ്രോക്കോളി കഴിക്കുമ്പോൾ അതിലെ എൻസൈമുകൾ സജീവമാവുകയും അതിലൂടെ സൾഫോറാഫേൻ ഉത്പാദിപ്പിക്കപ്പെടുകയും ചെയ്യുന്നു. ശരീരത്തിലെ ആരോഗ്യകരമായ കോശങ്ങളെ നശിപ്പിക്കുന്നത് തടയാൻ സൾഫോറാഫേൻ സഹായിക്കുന്നു.
ശരീരത്തിലുണ്ടാകുന്ന പലതരം വിട്ടുമാറാത്ത വീക്കങ്ങൾ പലപ്പോഴും കാൻസറിലേക്ക് നയിക്കാം. എന്നാൽ നിങ്ങൾ പതിവായി ബ്രോക്കോളി കഴിക്കുകയാണെങ്കിൽ ശരീരത്തിലെ ഇത്തരം വീക്കങ്ങൾ കുറയ്ക്കാൻ സഹായിക്കുന്നു. എന്നാൽ പാചകം ചെയ്യുമ്പോൾ ഒരിക്കലും ബ്രൊക്കോളി അമിതമായി വേവിക്കരുത്. ബ്രോക്കോളി വെള്ളത്തിലിട്ട് അധിക സമയം തിളപ്പിക്കുന്നത് അതിലെ കാൻസർ ഘടകങ്ങളെ നശിക്കുന്നു.
മൂന്ന് മുതൽ നാല് മിനിറ്റ് വരെ മാത്രം ആവിയിൽ വേവിച്ച് കഴിക്കുന്നതാണ് ഏറ്റവും ഉത്തമം. ബ്രോക്കോളി പാകം ചെയ്യുന്നതിന് 30 മിനിറ്റ് മുൻപ് മുറിച്ചു വെക്കുന്നത് സൾഫോറാഫേൻ കൂടുതൽ സജീവമാകാൻ വളരെ നല്ലതാണ്. അതിലൂടെ നിങ്ങളുടെ ശരീരത്തിന് കിട്ടുന്ന ഗുണം ഇരട്ടിയാകുകയും ചെയ്യും.
പ്രധാനമായും സ്തനാർബുദം, പ്രോസ്റ്റേറ്റ് ക്യാൻസർ, കുടലിലെ ക്യാൻസർ എന്നിവയുടെ സാധ്യത കുറയ്ക്കാനാണ് ബ്രോക്കോളി ഗുണകരമാകുന്നത്. ബ്രോക്കോളി കഴിച്ചതുകൊണ്ട് മാത്രം കാൻസർ പൂർണ്ണമായും തടയാനാകുമെന്ന് എവിടെയും കണ്ടെത്തിയിട്ടില്ല. ഒരുപരിധി വരെ കാൻസറിനെ പ്രതിരോധിക്കാൻ ബ്രോക്കോളി നല്ലതാണെന്നാണ് പറയുന്നത്.
