Dehydration: ഇടയ്ക്കിടെ ക്ഷീണം തോന്നുന്നുണ്ടോ? രോഗങ്ങളല്ല കാരണം… ചെയ്യേണ്ടത് ഇത്രമാത്രം
Dehydration Alert: കാപ്പി, ചായ എന്നിവയ്ക്ക് പകരം ശുദ്ധമായ വെള്ളം തന്നെയാണ് കുടിക്കേണ്ടത്. അതോടൊപ്പം, ഫ്രഷ് ജ്യൂസുകളും തണ്ണിമത്തൻ, ഓറഞ്ച് പോലുള്ള പഴങ്ങളും നിർജ്ജലീകരണം തടയാൻ സഹായിക്കും.
ശരീരത്തിന്റെ ശരിയായ പ്രവർത്തനങ്ങൾക്കും ദഹനം മെച്ചപ്പെടുത്തുന്നതിനും ചർമ്മത്തിന്റെ ആരോഗ്യത്തിനും ധാരാളം വെള്ളം കുടിക്കേണ്ടത് അത്യാവശ്യമാണ്. ഒരു ദിവസം ഏകദേശം രണ്ടര ലിറ്റർ വെള്ളമെങ്കിലും കുടിക്കണമെന്ന് വിദഗ്ദ്ധർ ശുപാർശ ചെയ്യുന്നു.
ശരീരത്തിൽ ആവശ്യത്തിന് ജലാംശമില്ലാതെ വരുമ്പോഴാണ് നിർജ്ജലീകരണം സംഭവിക്കുന്നത്. വിട്ടുമാറാത്ത ദാഹം, കടുംമഞ്ഞ നിറത്തിലുള്ള മൂത്രം, ചുണ്ടും ചർമ്മവും വരണ്ടുണങ്ങുക എന്നിവ പ്രധാന ലക്ഷണങ്ങളാണ്.
മറ്റൊരു അസുഖവുമില്ലാതെ തന്നെ ഇടയ്ക്കിടെ ക്ഷീണം തോന്നുന്നതും നിർജ്ജലീകരണത്തിന്റെ ലക്ഷണമാകാം. തലച്ചോറിലെ രക്തക്കുഴലുകൾ വലിഞ്ഞുമുറുകുന്നതു കാരണം തലവേദന ഉണ്ടാകാനും സാധ്യതയുണ്ട്. ശരിയായ ഉറക്കവും വിശ്രമവും ലഭിച്ചിട്ടും ക്ഷീണം തോന്നിയാൽ വെള്ളം കുടിക്കുന്നുണ്ടെന്ന് ഉറപ്പാക്കുക.
ദാഹം തോന്നിയില്ലെങ്കിൽ പോലും ഇടയ്ക്കിടെ വെള്ളം കുടിക്കുന്ന ശീലം വളർത്തുക. ഇതിനായി ഒരു ബോട്ടിലിൽ വെള്ളം നിറച്ച് അടുത്ത് വെക്കുന്നത് സഹായിക്കും.
കാപ്പി, ചായ എന്നിവയ്ക്ക് പകരം ശുദ്ധമായ വെള്ളം തന്നെയാണ് കുടിക്കേണ്ടത്. അതോടൊപ്പം, ഫ്രഷ് ജ്യൂസുകളും തണ്ണിമത്തൻ, ഓറഞ്ച് പോലുള്ള പഴങ്ങളും നിർജ്ജലീകരണം തടയാൻ സഹായിക്കും.
