Healthy Exam Diet: ഭക്ഷണത്തില് ശ്രദ്ധിച്ചാല് പരീക്ഷയില് നല്ല മാര്ക്ക് വാങ്ങാം
Foods to Improve Concentration: കൃത്യമായി ഭക്ഷണം കഴിക്കാതെയും ഉറങ്ങാതെയും പഠിക്കുന്നതാണ് പലരുടെയും രീതി. ഇങ്ങനെ ചെയ്തത് കൊണ്ട് ശരീരത്തിന് ദോഷം മാത്രമേ വന്നുചേരാന് പോകുന്നുള്ളൂ.
ഇതാ മറ്റൊരു പരീക്ഷാകാലം വന്നെത്തിയിരിക്കുന്നു. വേനല്ചൂടിനോടൊപ്പം എത്തുന്ന പരീക്ഷാച്ചൂടിനെ മറികടക്കണമെങ്കില് നല്ല ഭക്ഷണം കഴിക്കേണ്ടത് അത്യാവശ്യമാണ്. എന്നാല് കൃത്യമായി ഭക്ഷണം കഴിക്കാതെയും ഉറങ്ങാതെയും പഠിക്കുന്നതാണ് പലരുടെയും രീതി. ഇങ്ങനെ ചെയ്തത് കൊണ്ട് ശരീരത്തിന് ദോഷം മാത്രമേ വന്നുചേരാന് പോകുന്നുള്ളൂ. (Image Credits: Getty Images)
പരീക്ഷയില് ഉയര്ന്ന മാര്ക്ക് വാങ്ങിക്കണമെങ്കില് ശരീരത്തിന് ഊര്ജം ആവശ്യമാണ്. ശരീരത്തിന് ആവശ്യമായ പോഷകങ്ങള് അടങ്ങിയ ഭക്ഷണങ്ങളാണ് പരീക്ഷാകാലത്ത് കഴിക്കേണ്ടത്. പ്രഭാത ഭക്ഷണമായി ആവിയില് വേവിച്ചെടുത്തവ കഴിക്കാം. ഇവയോടൊപ്പം പാല്, മുട്ട, പയറുവര്ഗങ്ങള് എന്നിവ കഴിക്കാവുന്നതാണ്.
വയറുനിറയെ ഭക്ഷണം കഴിക്കുന്നതിന് പകരം ഇടയ്ക്കിടെ ലഘുഭക്ഷണങ്ങള് കഴിക്കുന്നതാണ് നല്ലത്. ധാരാളം വെള്ളവും ഇതിനോടൊപ്പം കുടിക്കണം. തണ്ണിമത്തന്, ഓറഞ്ച്, മധുരനാരങ്ങ, മസ്ക്മെലന് എന്നിങ്ങനെയുള്ള പഴങ്ങള് ഡയറ്റില് ഉള്പ്പെടുത്താം. തിളപ്പിച്ചാറിയ വെള്ളം, നാരങ്ങാ വെള്ളം, കരിക്കിന് വെള്ളം തുടങ്ങിയവയും കുടിക്കാവുന്നതാണ്.
ആന്റി ഓക്സിഡന്റുകള് ധാരാളം അടങ്ങിയ പഴങ്ങള്, പച്ചക്കറികള്, ഇലക്കറികള്, ഫ്ളാക്സ് സീഡ്, സോയാബീന് എന്നിവ കഴിക്കുന്നത് നല്ലതാണ്. ഇത് തലച്ചോറിന്റെ പ്രവര്ത്തനം മെച്ചപ്പെടുത്താന് സഹായിക്കും.
അത്താഴത്തിന് വീട്ടില് തന്നെ തയാറാക്കുന്ന അത്തിപ്പഴ ഷെയ്ക്കാണ് ഉചിതം. കൊഴുപ്പ് കുറഞ്ഞ, നാരുകള് ഉയര്ന്ന അളവില് അടങ്ങിയ ഭക്ഷണം വേണം രാത്രിയില് കഴിക്കാന്. മധുരം, പുളി, എരിവ് എന്നിവ രാത്രിയില് കൂടുതലായി കഴിക്കരുത്.
