Signs Of Diabetes: ശരീരഭാരം പെട്ടെന്ന് കൂടിയോ… ചർമ്മത്തിലും മാറ്റം; ശ്രദ്ധിക്കണം ലക്ഷണങ്ങൾക്ക് പിന്നിൽ
Early Signs Of Diabetes: ആരോഗ്യപ്രശ്നങ്ങൾ കൂടുതൽ വഷളാകുന്നതിന് മുമ്പ് ഇത്തരം ലക്ഷണങ്ങൾ തിരിച്ചറിയുന്നത് ഫലപ്രദമാണ്. ചിലപ്പോഴൊക്കെ ഈ ലക്ഷണങ്ങളെ നിസാരമായി അവഗണിക്കപ്പെടാറുണ്ട്. ക്ഷീണത്തിൻ്റെ ഭാഗമായും, ജീവിത ശൈലിയുമായും ഇവയെ കൂട്ടിമുട്ടിക്കും.
ലോകത്താകമാനം പ്രമേഹ രോഗികളുടെ എണ്ണം ദിനംപ്രതി വർദ്ധിച്ചുവരികയാണ്. ഇന്ത്യയിലെ അവസ്ഥയും മോശമല്ല. പെട്ടെന്ന് നമ്മളിലേക്ക് എത്തുന്ന ഒരു രോഗമല്ല പ്രമേഹം. മറിച്ച് നിശബ്ദമായിട്ടാണ് ഇത് നമ്മെ ആക്രമിക്കുന്നത്. പലപ്പോഴും രോഗം മൂർച്ഛിച്ച ശേഷമാകും തിരിച്ചറിയുന്നത്. എന്നാൽ അതിന് മുമ്പ് നമ്മൾ ശ്രദ്ധിക്കാതെ പോകുന്ന ചില ലക്ഷണങ്ങളുണ്ട്. (Image Credits: Getty Images)
ആരോഗ്യപ്രശ്നങ്ങൾ കൂടുതൽ വഷളാകുന്നതിന് മുമ്പ് ഇത്തരം ലക്ഷണങ്ങൾ തിരിച്ചറിയുന്നത് ഫലപ്രദമാണ്. ചിലപ്പോഴൊക്കെ ഈ ലക്ഷണങ്ങളെ നിസാരമായി അവഗണിക്കപ്പെടാറുണ്ട്. ക്ഷീണത്തിൻ്റെ ഭാഗമായും, ജീവിത ശൈലിയുമായും ഇവയെ കൂട്ടിമുട്ടിക്കും. അത്തരത്തിൽ നിങ്ങളുടെ ശരീരത്തിലുണ്ടാകുന്ന ചില മാറ്റങ്ങൾ എന്തെല്ലാമെന്ന് തിരിച്ചറിയാം. (Image Credits: Getty Images)
ശരീരഭാരം: പ്രത്യക്ഷമായ കാരണമില്ലാതെ ശരീരഭാരം കൂടുകയോ കുറയുകയോ ചെയ്യുന്നത് രക്തത്തിലെ പഞ്ചസാരയുടെ അളവ് ഉയരുന്നതിന്റെ ആദ്യ ലക്ഷണമാണ്. ഇൻസുലിൻ അളവ് അമിതമാകുന്നത് കൊഴുപ്പ് അടിഞ്ഞുകൂടുന്നതിന് കാരണമാകുന്നു, പ്രധാനമായും വയറിൻ്റെ ഭാഗത്ത്. മറ്റു ചിലരുടെ ശരീരത്തിൽ പേശികളുടെ അളവ് കുറയാൻ സാധ്യതയുണ്ട്. (Image Credits: Getty Images)
ചർമ്മത്തിലെ മാറ്റങ്ങൾ: കഴുത്ത്, കക്ഷം തുടങ്ങിയ ഭാഗങ്ങളിൽ ചർമ്മം ഇരുണ്ടതായി മാറുന്നത് ഒരു സൗന്ദര്യവർദ്ധക പ്രശ്നമായി മാത്രം കണക്കാക്കരുത്. രക്തത്തിലെ ഉയർന്ന അളവിലുള്ള ഇൻസുലിന്റെ ലക്ഷണം കൂടിയാണിത്. ചർമ്മത്തിലെ ഈ മാറ്റങ്ങൾ എത്രയും വേഗം ശ്രദ്ധിക്കുന്നത്, പ്രമേഹവുമായി ബന്ധപ്പെട്ട ചികിത്സ തേടുന്നതിന് വഴിയൊരുക്കും. (Image Credits: Getty Images)
വീർത്ത കാലുകൾ: പാദങ്ങൾക്കോ കണങ്കാലുകൾക്കോ ചുറ്റുമുള്ള ഭാഗത്തോ ഉണ്ടാകുന്ന മാറ്റങ്ങൾ ആദ്യം ശ്രദ്ധിക്കണമെന്നില്ല. പക്ഷേ വൈകുന്നേരങ്ങളിലോ ദീർഘനേരം ഇരുന്നതിനുശേഷമോ ഈ പ്രശ്നം കൂടുതൽ വഷളാകുന്നു. രക്തത്തിലെ പഞ്ചസാരയുടെ ഏറ്റക്കുറച്ചിലുകൾ രക്തചംക്രമണത്തെയും വൃക്കകളുടെ പ്രവർത്തനത്തെയും ദോഷകരമായി ബാധിക്കുന്നു. അങ്ങനെ രക്തയോട്ടം മന്ദഗതിയിലാക്കുകയും വീക്കം ഉണ്ടാകുകയും ചെയ്യുന്നു. (Image Credits: Getty Images)
