Gold Rate Forecast: സ്വർണം ആണ് താരം, ഇനിയൊരു തിരിച്ചുവരവില്ല, വില ഒരു ലക്ഷമെത്തുമോ?
Gold Rate Forecast for Next Week: വരുംദിവസങ്ങളിൽ കാര്യമായ വിലയിടിവ് പ്രതീക്ഷിക്കേണ്ടതില്ലെന്നാണ് സാമ്പത്തിക വിദഗ്ധർ അറിയിക്കുന്നത്. വിലക്കുറവ് സംഭവിച്ചാല് തന്നെ 88,000 രൂപയ്ക്ക് താഴേക്ക് പോകാൻ സാധ്യത കുറവാണ്.
റെക്കോർഡുകൾ തിരുത്തിക്കുറിച്ചുള്ള പ്രകടനമാണ് കഴിഞ്ഞ മാസങ്ങളിൽ സ്വർണം കാഴ്ചവച്ചത്. എന്നാൽ ഒക്ടോബർ അവസാനത്തോടെത്തിയപ്പോൾ ഗതി മാറി. ഒരു ലക്ഷമെത്തുമെന്ന് പ്രവചിക്കപ്പെട്ട സ്വർണവില വീണ്ടും 80,000 - 90,000നുമിടയിലെത്തി. (Image Credit: Getty Images)
നിലവിൽ ഒരു പവന് 91,720 രൂപയാണ് വില. ഒരു ഗ്രാമിന് 11,465 രൂപയാണ് നൽകേണ്ടത്. നവംബർ പതിമൂന്നിനായിരുന്നു ഈ മാസത്തെ ഏറ്റവും ഉയർന്ന വില. 94,320 രൂപയാണ് അന്ന് രേഖപ്പെടുത്തിയത്. നവംബർ 5ലെ 89,080 രൂപയാണ് മാസത്തെ ഏറ്റവും കുറഞ്ഞ വില. (Image Credit: Getty Images)
സ്വർണവില വരുംദിവസങ്ങളിൽ ഉയർന്നേക്കുമെന്നാണ് സൂചന. സെന്ട്രല് ബാങ്കുകളും നിക്ഷേപകരും സ്വര്ണത്തില് കണ്ണുംനട്ടിരിക്കുമ്പോള് വില ഇനിയും ഉയരാന് സാധ്യതയുണ്ടെന്നാണ് ലക്ഷ്മി ഡയമണ്ട്സിന്റെ ചെയര്മാനും മാനേജിങ് ഡയറക്ടറുമായ ചേതന് മേത്ത പറഞ്ഞു. (Image Credit: Getty Images)
ദീപാവലിയ്ക്ക് ശേഷം 15 ശതമാനം വരെയാണ് വില വര്ധനിച്ചത്. രണ്ട് മൂന്ന് മാസത്തിനുള്ളില് 10 മുതല് 20 ശതമാനം വരെ വില ഉയരാമെന്നും മേത്ത മുന്നറിയിപ്പ് നല്കിയിട്ടുണ്ട്. കൂടാതെ ഇന്ത്യയിൽ വീണ്ടും വിവാഹസീസൺ എത്തിയതോടെ സ്വർണാഭരണങ്ങളുടെ ഡിമാൻഡ് ഉയരും. (Image Credit: Getty Images)
വരുംദിവസങ്ങളിൽ കാര്യമായ വിലയിടിവ് പ്രതീക്ഷിക്കേണ്ടതില്ലെന്നാണ് സാമ്പത്തിക വിദഗ്ധർ അറിയിക്കുന്നത്. വിലക്കുറവ് സംഭവിച്ചാല് തന്നെ 88,000 രൂപയ്ക്ക് താഴേക്ക് പോകാൻ സാധ്യത കുറവാണ്. ഡിസംബറിൽ പവന് 1 ലക്ഷം കടക്കാനും സാധ്യതയുണ്ട്. (Image Credit: Getty Images)
