Secret of himalayan milk: ഹിമാലയൻ യാത്രയിൽ കഴിച്ച ആ തൈരിന്റെ രുചി…. എന്താകും അവിടുത്തെ പാലിന്റെ രഹസ്യം
Himalayan Curd and Yoghurt Secret: ബദ്രി പശുക്കൾ സാധാരണയായി എ2 പാൽ ആണ് നൽകുന്നത്. ഇത് എളുപ്പത്തിൽ ദഹിക്കുന്നതും പോഷകസമൃദ്ധവുമാണ്.
കൈലാസ് മാനസരോവർ യാത്ര... ചാർത്ഥാം യാത്രകൾ തുടങ്ങിയവ സംബന്ധിച്ചുള്ള പുസ്തകങ്ങൾ മറിച്ചു നോക്കുമ്പോൾ അതിൽ പൊതുവെ കാണുന്ന ഒരു രുചിയോർമ്മ ഉണ്ട്. ഹിമാലയസാനുക്കളിലെ കുഞ്ഞു ചായക്കടകളിൽ നിന്ന് കഴിച്ച റൊട്ടിയുടേയും സബ്ജിയുടേയും ചായയുടേയും തൈരിന്റേയും കഥ.
അതിൽ തൈരിനും ചായക്കും നമ്മുടെ നാട്ടിലേതിൽ നിന്ന് വ്യത്യസ്തമായ വളരെ നല്ലൊരു രുചിയുണ്ടെന്നും വീണ്ടും കഴിക്കാൻ തോന്നുന്ന എന്തോ പ്രത്യേകത അതിനുണ്ടെന്നും പലരും എഴുതിയതായി കാണാം. അതിനു പിന്നിൽ വലിയ റോക്കറ്റ് സയൻസ് ഒന്നുമില്ല. ഹിമാലയം തന്നെയാണ് അതിനുള്ള ഉത്തരം.
ഈ പശുക്കൾ ഹിമാലയൻ മലനിരകളിലെ പ്രകൃതിദത്തമായ പുൽമേടുകളിൽ മേയുന്നവയാണ്. ഇവയുടെ ആഹാരത്തിൽ ധാരാളം ഔഷധഗുണമുള്ള ചെടികളും സസ്യങ്ങളും ഉൾപ്പെടുന്നു.
ഈ ഔഷധസസ്യങ്ങളുടെ ഗുണങ്ങൾ പാലിലൂടെ തൈരിലേക്ക് എത്തുന്നു. ഇത് സാധാരണ തൈരിനെ അപേക്ഷിച്ച് ഇതിന് പ്രത്യേകമായ സുഗന്ധവും തനത് രുചിയും നൽകുന്നു. ഹിമാലയത്തിലെ പ്രധാന പാൽ ശ്രോതസ് ബദ്രി പശുക്കളാണ്.
ബദ്രി പശുക്കൾ സാധാരണയായി എ2 പാൽ ആണ് നൽകുന്നത്. ഇത് എളുപ്പത്തിൽ ദഹിക്കുന്നതും പോഷകസമൃദ്ധവുമാണ്. ഇതിൽ നിന്നുണ്ടാക്കുന്ന തൈരിൽ സാധാരണ തൈരിനെക്കാൾ കൂടുതൽ ധാതുക്കളും , ആന്റിഓക്സിഡന്റുകളും അടങ്ങിയിരിക്കാൻ സാധ്യതയുണ്ട് എന്നാണ് കരുതുന്നത്. ബദ്രി പശുവിന്റെ നെയ്യും വളരെ പ്രശസ്തമാണ്.
