Hair Fall From Helmet: ഹെല്മെറ്റ് ധരിക്കുമ്പോള് ഇക്കാര്യങ്ങള് ശ്രദ്ധിക്കൂ; മുടി കൊഴിച്ചില് തടയാം
Helmet Hair Fall Prevention: സ്ഥിരമായ ഹെൽമറ്റ് ഉപയോഗം മുടി കൊഴിച്ചിലിന് കാരണമാകും. പലരും നേരിടുന്നൊരു പ്രശ്നമാണിത്. ഇതിനുള്ള പരിഹാരമെന്തെന്ന് നോക്കാം.
ഇരുചക്ര വാഹനങ്ങൾ ഓടിക്കുന്നവർക്ക് ഹെൽമറ്റ് ഒഴിവാക്കാൻ കഴിയില്ല. എന്നാൽ, സ്ഥിരമായ ഹെൽമറ്റ് ഉപയോഗം മുടി കൊഴിച്ചിലിന് കാരണമാകും. പലരും നേരിടുന്നൊരു പ്രശ്നമാണിത്. ഇപ്പോഴിതാ, ഇതിനുള്ള പരിഹാരമെന്തെന്ന് പറയുകയാണ് സെലിബ്രിറ്റി ഹെയർസ്റ്റൈലിസ്റ്റ് ആയ ജാവേദ് ഹബീബ്. (Image Credits: Pexels)
ഹെൽമറ്റ് ധരിക്കുമ്പോൾ തല വിയർക്കുന്നു. ഇത് മുടിയുടെ വേരുകളെ ദുർബലപ്പെടുത്തും. ഇത്തരത്തിൽ വിയർപ്പ് മുടിയിൽ തങ്ങിനിന്നാൽ താരൻ അടിഞ്ഞുകൂടാനും മുടി പെട്ടെന്ന് പൊട്ടിപ്പോകാനും കാരണമാകും. ഇത് മുടികൊഴിച്ചിലിലേക്ക് നയിക്കും. (Image Credits: Pexels)
പതിവായി ഹെൽമെറ്റ് ധരിക്കുന്നവർ ദിവസവും മുടി കഴുകി വൃത്തിയാക്കി സൂക്ഷിക്കാൻ ശ്രദ്ധിക്കണം. ഇത് വിയർപ്പ് അടിഞ്ഞുകൂടുന്നത് തടയാൻ സഹായിക്കുന്നു. ഹെൽമെറ്റ് വൃത്തിയായി സൂക്ഷിക്കാനും പ്രത്യേകം ശ്രദ്ധിക്കണം. (Image Credits: Pexels)
അതുപോലെ തന്നെ, ഒരു കോട്ടൺ തുണിയോ മറ്റോ കൊണ്ട് മുടി മൂടിയ ശേഷം മാത്രം ഹെൽമറ്റ് വയ്ക്കുക. മറ്റൊരാളുടെ ഹെൽമെറ്റ് ഉപയോഗിക്കുന്നത് പൂർണമായും ഒഴിവാക്കുന്നതാണ് നല്ലത്. (Image Credits: Pexels)
ആഴ്ചയിൽ ഒരിക്കൽ എങ്കിലും കറ്റാർവാഴ ജെൽ നല്ലപോലെ തലയോട്ടിയിൽ തേച്ചുപിടിപ്പിച്ച ശേഷം അൽപ നേരം കഴിഞ്ഞ് കഴുകി കളയുന്നത് മുടിയുടെ ആരോഗ്യത്തിന് വളരെ നല്ലതാണ്. (Image Credits: Pexels)
