Meghamalhar: മധുവന്തിയോ യെമൻ കല്യാണിയോ അതൊന്നും മേഘമൽഹാർ അല്ല… സിനിമയെ മറ്റൊരു തലത്തിലെത്തിച്ച രാഗം
Importance of Rag Meghamalhar: മനസ്സിൽ എന്നും നല്ലകാലത്തിന്റെ ഭൂതലാവണ്യം സൂക്ഷിക്കുന്ന മലയാളിയുടെ ഇഷ്ടങ്ങൾ ചേർത്തുവച്ച രൂപങ്ങളും രൂപകങ്ങളും ആണ് മേഘമൽഹാർ എന്ന ചിത്രത്തിലുള്ളതെന്ന് നിസ്സംശയം പറയാം.
പലപ്പോഴും പലരുടേയും സ്റ്റാറ്റസുകളിൽ നിറയുന്ന ഒന്നാണ് മേഘമൽഹാർ എന്ന സിനിമയും ഈ വരികളും. വിവാഹത്തിനു ശേഷം തങ്ങൾ പോലും അറിയാതെ തിരിച്ചറിയുന്ന ബാല്യകാല സൗഹൃദത്തിലൊളിഞ്ഞിരുന്ന പ്രേമമെന്നു വിളിച്ചു മാറ്റി നിർത്താനാവാത്ത ഒരു സുന്ദരമായ വികാരം. അതാണ് ഈ സിനിമയ്ക്ക് ആധാരം. ആവർത്തിച്ചു കണ്ടിട്ടും പലർക്കും ഇന്നും ആ ചിത്രം പുതുമയുള്ളത് തന്നെയാണ്. (ഫോട്ടോ - facebook)
സാഹിത്യത്തോടും സംഗീതത്തോടുമുള്ള മനുഷ്യന്റെ ഉൾമനസ്സിൽ ഉറച്ചുപോയ അഭിനിവേശത്തെ ഉപയോഗിച്ച സിനിമകൾ വളരെ ചുരുക്കമേ ഉണ്ടാകൂ. വായനയും സംഗീതവും ഒരു തലമുറയുടെ ലഹരിയായിരുന്ന കാലത്ത് ജീവിച്ചിരുന്ന ചിലർക്ക് ഇതിലെ കഥാപാത്രങ്ങൾ സമ്മാനിക്കുന്നത് ഒരു ഗൃഹാതുരതയാണ്. അന്നത്തെ തലമുറയിൽ ജനിച്ചു ജീവിച്ച, സാമ്പത്തികമായി ഞെരുക്കങ്ങൾ അനുഭവിക്കാത്ത സമൂഹത്തിലെ ഉന്നത തലത്തിലുള്ള ഏതൊരു വ്യക്തിക്കും നന്ദിതയോടും രാജീവനോടും പെട്ടെന്ന് താതാത്മ്യം പ്രാപിക്കാൻ കഴിയും. (ഫോട്ടോ - facebook)
താൻസെൻ എന്ന ഹിന്ദുസ്ഥാനി സംഗീതജ്ഞൻ പാടി മഴപെയ്യിച്ച രാഗമാണ് മേഘമൽഹാർ. പ്രകൃതിയുടെ വിവിധ തലങ്ങളിൽ കമ്പനങ്ങൾ സൃഷിടിക്കുന്ന പ്രതിഭാസം ഇതിന് സാധ്യമെന്നാണ് വിശ്വസിക്കുന്നത്. മേഘമൽഹാറിന്റെ വിവിധ രൂപങ്ങളായി ധൂളികാ മൽഹാർ, മിയാൻ കി മൽഹാർ എന്നിങ്ങനെ നിരവധി ഭാവങ്ങൾ ഉണ്ട്. (ഫോട്ടോ - facebook)
ഇവയിൽ ചിട്ടപ്പെടുത്തിയ ഏത് സംഗീത രൂപങ്ങൾക്കും പ്രകൃതിയെ മാത്രമല്ല മനുഷ്യനെയും സ്വാധീനിക്കാൻ കഴിയുമെന്ന് വ്യക്തിപരമായി തോന്നിയിട്ടുണ്ട്. ആ രാഗത്തിലുള്ള ബിജിഎം ആണ് ചിത്രത്തിന്റെ പശ്ചാത്തലത്തിൽ പ്രക്ഷകർ അറിഞ്ഞോ അറിയാതെയോ മുഴുനീളം കേൾക്കുന്നത്. ഇത് വൈകാരികമായി മനസ്സിലുണ്ടാക്കുന്ന ചലനം ആ ചിത്രത്തോടുള്ള അഭിനിവേശമായി തോന്നിയേക്കാം ചിലർക്ക്. (ഫോട്ടോ - facebook)
മനസ്സിൽ എന്നും നല്ലകാലത്തിന്റെ ഭൂതലാവണ്യം സൂക്ഷിക്കുന്ന മലയാളിയുടെ ഇഷ്ടങ്ങൾ ചേർത്തുവച്ച രൂപങ്ങളും രൂപകങ്ങളും ആണ് മേഘമൽഹാർ എന്ന ചിത്രത്തിലുള്ളതെന്ന് നിസ്സംശയം പറയാം. മനസ്സുതൊട്ടറിഞ്ഞ സംഗീതവും ഭാഷയും ഒപ്പം മനസ്സിലൊളിപ്പിച്ച നൊമ്പരവുമായി മേഘമൽഹാർ ഇനിയും കാലങ്ങൾ കടന്നും പെയ്തുകൊണ്ടേയിരിക്കും. (ഫോട്ടോ - facebook)
