India vs Australia: അർഷ്ദീപിനോട് ഗംഭീറിന് വിരോധമുണ്ടോ?; ഇന്ത്യൻ പരിശീലകനെതിരെ വിമർശനവുമായി ആരാധകർ
Fans Against Gautam Gambhir: ഗൗതം ഗംഭീറിനെതിരെ രൂക്ഷവിമർശനവുമായി ആരാധകർ. അർഷ്ദീപ് സിംഗിന് ഇടം നൽകാത്തതിനാലാണ് വിമർശനം.
ഇന്ത്യൻ പരിശീലകൻ ഗൗതം ഗംഭീറിനെതിരെ വിമർശനവുമായി ആരാധകർ. ഓസ്ട്രേലിയക്കെതിരായ ആദ്യ ടി20യിൽ അർഷ്ദീപ് സിംഗിനെ തഴഞ്ഞ് ഹർഷിത് റാണയ്ക്ക് അവസരം നൽകിയതിലാണ് ആരാധകർ വിമർശനമുന്നയിക്കുന്നത്. മുൻപും ഹർഷിത് റാണയുടെ പേരിൽ ഗംഭീർ വിമർശിക്കപ്പെട്ടിട്ടുണ്ട്. (Image Credits- PTI)
ഗൗതം ഗംഭീർ ക്യാപ്റ്റനായതിന് ശേഷം അർഷ്ദീപിനെ തഴയുന്നു എന്നാണ് ആരോപണം. ഇംഗ്ലണ്ടിനെതിരായ വൈറ്റ് ബോൾ പരമ്പരകളിൽ താരത്തെ പരിഗണിച്ചില്ല. ചാമ്പ്യൻസ് ട്രോഫി, ഏഷ്യാ കപ്പ്, ഓസ്ട്രേലിയൻ പര്യടനം എന്നീ പരമ്പരകളിൽ അർഷ്ദീപിന് പകരം ഹർഷിത് കളിച്ചു.
ടി20യിൽ ഇന്ത്യയുടെ ഏറ്റവും ഉയർന്ന വിക്കറ്റ് ടേക്കറാണ് അർഷ്ദീപ് സിംഗ്. ബാറ്റ് ചെയ്യാനറിയാവുന്ന പേസർ എന്നത് പരിഗണിച്ചാണ് ഗംഭീർ ഹർഷിതിനെ മൂന്ന് ഫോർമാറ്റിലും പരിഗണിക്കുന്നത്. ഓസ്ട്രേലിയക്കെതിരായ ഏകദിന പരമ്പരയിൽ താരം നല്ല പ്രകടനം നടത്തുകയും ചെയ്തു.
ആദ്യ ടി20 മഴ മൂലം ഉപേക്ഷിച്ചിരുന്നു. ഇന്ത്യയുടെ ബാറ്റിംഗ് പുരോഗമിച്ചുകൊണ്ടിരിക്കെ മഴ എത്തുകയും കളി റദ്ദാക്കുകയുമായിരുന്നു. ആദ്യം ബാറ്റ് ചെയ്ത ഇന്ത്യയുടെ ഇന്നിംഗ്സ് 9.4 ഓവർ എത്തിയപ്പോൾ കനത്ത മഴ പെയ്തു. ഇതോടെ കളി ഉപേക്ഷിക്കാൻ തീരുമാനിക്കുകയായിരുന്നു.
മികച്ച രീതിയിലാണ് ഇന്ത്യ ബാറ്റ് ചെയ്തിരുന്നത്. ടോസ് നഷ്ടമായി ആദ്യം ബാറ്റിംഗിനിറങ്ങിയ ഇന്ത്യക്ക് അർഷ്ദീപ് സിംഗിനെ (19) വേഗത്തിൽ നഷ്ടമായിരുന്നു. എന്നാൽ, ശുഭ്മൻ ഗില്ലും (37), സൂര്യകുമാർ യാദവും (39) ചേർന്ന് ഓസീസ് ബൗളിംഗിനെ തകർത്തുകൊണ്ടിരിക്കെ മഴ പെയ്തു.
