India vs Australia: ഈ കളി തോറ്റാൽ പരമ്പര തോൽക്കും; ഇന്ത്യ – ഓസ്ട്രേലിയ രണ്ടാം ഏകദിനം എവിടെ എങ്ങനെ കാണാം?
IND vs AUS Second ODI Streaming: ഇന്ത്യയും ഓസ്ട്രേലിയയും തമ്മിലുള്ള രണ്ടാം ഏകദിനം എവിടെ എങ്ങനെ കാണാമെന്ന് പരിശോധിക്കാം. നാളെയാണ് കളി നടക്കുക.
ഇന്ത്യയും ഓസ്ട്രേലിയയും തമ്മിലുള്ള രണ്ടാം ഏകദിന മത്സരം ഈ മാസം 23ന് ആരംഭിക്കുകയാണ്. ആദ്യ കളി പരാജയപ്പെട്ടതിനാൽ ഇന്നത്തെ കളി ഇന്ത്യക്ക് വളരെ നിർണായകമാണ്. ഈ കളി തോറ്റാൽ പരമ്പര തന്നെ നഷ്ടപ്പെടും. നിർണായകമായ ഈ മത്സരം എവിടെ എങ്ങനെ കാണാം? (Image Credits- PTI)
അഡലെയ്ഡിലെ അഡലെയ്ഡ് ഓവലിലാണ് മത്സരം. പ്രാദേശിക സമയം ഉച്ചകഴിഞ്ഞ് രണ്ട് മണിക്ക് മത്സരം ആരംഭിക്കും. കഴിഞ്ഞ മത്സരത്തിലെ അതേ ടീമിനെത്തന്നെ ഇന്ത്യ നിലനിർത്തുമെന്നാണ് വിവരം. ആദ്യ കളി നിരാശപ്പെടുത്തിയതിനാൽ കോലിയ്ക്കും രോഹിതിനും ഈ കളി വളരെ നിർണായകമാണ്.
ഇന്ത്യൻ സമയം രാവിലെ 9 മണിക്ക് മത്സരം ആരംഭിക്കും. സ്റ്റാർ ആണ് പരമ്പര സംപ്രേഷണം ചെയ്യുന്നത്. ടെലിവിഷൻ പ്രേക്ഷകർക്ക് സ്റ്റാർ സ്പോർട്സ് ചാനലിൽ മത്സരം കാണാം. ഒടിടി പ്രേക്ഷകർക്ക് ജിയോഹോട്ട്സ്റ്റാർ ആപ്പിലും വെബ്സൈറ്റിലും മത്സരം തത്സമയം കാണാനാവും.
പെർത്തിലെപ്പോലെയല്ലെങ്കിലും അഡലെയ്ഡിൽ മഴഭീഷണിയുണ്ട്. എന്നാൽ, മത്സരം തടസപ്പെടുത്തുന്ന തരത്തിൽ മഴ പെയ്യില്ലെന്നാണ് റിപ്പോർട്ടുകൾ. ഓസ്ട്രേലിയയിൽ ഇന്ത്യയ്ക്ക് ഏറ്റവും പ്രിയപ്പെട്ട വേദിയാണ് അഡലെയ്ഡ്. അതുകൊണ്ട് തന്നെ ഇന്ത്യ വലിയ പ്രതീക്ഷയിലാണ്.
രണ്ടാം മത്സരത്തിനുള്ള ഇന്ത്യയുടെ സാധ്യതാ ടീം: ശുഭ്മൻ ഗിൽ, രോഹിത് ശർമ്മ, വിരാട് കോലി, ശ്രേയാസ് അയ്യർ, അക്സർ പട്ടേൽ, കെഎൽ രാഹുൽ, നിതീഷ് കുമാർ റെഡ്ഡി, വാഷിംഗ്ടൺ സുന്ദർ, ഹർഷിത് റാണ, അർഷ്ദീപ് സിംഗ്, മുഹമ്മദ് സിറാജ്.
