Ishan Kishan: ഇഷാന് കിഷന്റെ ടൈം, ബെസ്റ്റ് ടൈം! സണ്റൈസേഴ്സിന്റെ ക്യാപ്റ്റന്സിയും കൈകളിലേക്ക്
Ishan Kishan likely to lead SRH: ഐപിഎല്ലില് സണ്റൈസേഴ്സ് ഹൈദരാബാദിനെ ഇഷാന് കിഷന് നയിച്ചേക്കുമെന്ന് റിപ്പോര്ട്ട്. കമ്മിന്സ് ഈ സീസണില് കളിക്കുമോയെന്നതില് അവ്യക്തത നിലനില്ക്കുന്നതാണ് ഇഷാന്റെ സാധ്യതകള് വര്ധിപ്പിക്കുന്നത്.
ഐപിഎല്ലില് സണ്റൈസേഴ്സ് ഹൈദരാബാദിനെ ഇഷാന് കിഷന് നയിച്ചേക്കുമെന്ന് റിപ്പോര്ട്ട്. ക്യാപ്റ്റനായിരുന്ന ഓസീസ് താരം പാറ്റ് കമ്മിന്സ് ഈ സീസണില് കളിക്കുമോയെന്നതില് അവ്യക്തത നിലനില്ക്കുന്നതാണ് ഇഷാന്റെ സാധ്യതകള് വര്ധിപ്പിക്കുന്നത്. ഈ സാഹചര്യത്തില് പുതിയ ക്യാപ്റ്റനായി എസ്ആര്ച്ച് ചര്ച്ചകള് നടത്തിയെന്ന് ടൈംസ് ഓഫ് ഇന്ത്യ റിപ്പോര്ട്ട് ചെയ്തു (Image Credits: PTI).
പരിഗണിക്കുന്ന പേരുകളില് ഇഷാന്റെ പേരിനാണ് മുന്ഗണന. ന്യൂസിലന്ഡിനെതിരായ ടി20 പരമ്പരയിലും, ലോകകപ്പിലും താരം മിന്നും ഫോമിലായിരുന്നു. ഫൈനലില് അര്ധ സെഞ്ചുറിയും നേടി (Image Credits: PTI).
ആഷസ് പരമ്പരയ്ക്കിടെയാണ് കമ്മിന്സിന് പരിക്കേറ്റത്. താരം തുടര്ന്ന് ക്രിക്കറ്റ് കളിച്ചിട്ടില്ല. താരം ഐപിഎല്ലില് കളിക്കുമോയെന്നും വ്യക്തമല്ല (Image Credits: PTI).
ഏറെ നാളായി ദേശീയ ടീമില് സ്ഥാനമില്ലാതിരുന്ന ഇഷാന് ന്യൂസിലന്ഡിനെതിരായ പരമ്പരയോടെയാണ് തിരിച്ചുവരവ് നടത്തിയത്. തിലക് വര്മയുടെ അസാന്നിധ്യമാണ് കീവിസിനെതിരായ പരമ്പരയില് താരത്തിന് പ്ലേയിങ് ഇലവനില് അവസരമൊരുക്കിയത്. കിട്ടിയ അവസരം ഇഷാന് പ്രയോജനപ്പെടുത്തുകയും ചെയ്തു (Image Credits: PTI).
ഇതിന് മുമ്പ് നടന്ന സയ്യിദ് മുഷ്താഖ് അലി ട്രോഫിയിലും താരം മികച്ച പ്രകടനം പുറത്തെടുത്തിരുന്നു. ജാര്ഖണ്ഡിനെ കിരീടനേട്ടത്തിലേക്കും നയിച്ചു. ഈ പ്രകടനമാണ് താരത്തിന് തിരിച്ചുവരവിന് വഴിയൊരുക്കിയത് (Image Credits: PTI).
