IPL 2026 Auction: ഐപിഎൽ താരലേലം ഡിസംബറിൽ; വേദിയാവുക അബുദാബിയെന്ന് റിപ്പോർട്ടുകൾ
IPL 2026 Mini Auction Details: ഐപിഎൽ 2026 സീസണിലേക്കുള്ള താരലേലം ഡിസംബറിലെന്ന് സൂചന. ഡിസംബർ രണ്ടാം ആഴ്ച അബുദാബിയിൽ വച്ചാവും ലേലമെന്ന് റിപ്പോർട്ടുകൾ സൂചിപ്പിക്കുന്നു.
വരുന്ന സീസണിലേക്കുള്ള ഐപിഎൽ ലേലം ഡിസംബർ മാസത്തിൽ നടക്കും. ഡിസംബർ മൂന്നാം ആഴ്ചയാവും താരലേലം നടക്കുക എന്നാണ് റിപ്പോർട്ട്. ഐപിഎൽ ട്രേഡ് ഡീൽ അഭ്യൂഹങ്ങൾ ശക്തമാവുന്നതിനിടെയാണ് മിനി ലേലവുമായി ബന്ധപ്പെട്ട സൂചനകളും പുറത്തുവരുന്നത്. (Image Credits- Social Media)
ഡിസംബർ 15, 16 തീയതികളിലാവും ലേലം നടക്കുക. കഴിഞ്ഞ മൂന്ന് തവണയും വിദേശത്തായിരുന്നു ലേലം. ജിദ്ദ, സൗദി അറേബ്യ, ദുബായ് എന്നിവിടങ്ങളിലാണ് കഴിഞ്ഞ മൂന്ന് തവണ യഥാക്രമം ലേലം നടന്നത്. അതുപോലെ ഇക്കൊല്ലവും ലേലം കടൽ കടക്കുമെന്നാണ് റിപ്പോർട്ടുകൾ.
ഈ മാസം 15 ആണ് റിട്ടൻഷൻ പട്ടിക പുറത്തുവിടാൻ ഫ്രാഞ്ചൈസികൾക്കുള്ള അവസാന തീയതി. നാല് ദിവസങ്ങൾക്കുള്ളിൽ ഓരോ ഫ്രാഞ്ചൈസിയും പട്ടിക പുറത്തുവിടണം. റിട്ടൻഷന് പുറത്തുവന്നതിന് ശേഷം മിനി ലേലത്തിൻ്റെ വേദിയും തീയതികളും ബിസിസിഐ പുറത്തുവിടും.
സഞ്ജു സാംസൺ ആണ് 2026 ഐപിഎലുമായി ബന്ധപ്പെട്ട ഏറ്റവും പ്രധാന ടോപ്പിക്. രാജസ്ഥാൻ റോയൽസ് ക്യാപ്റ്റനായ സഞ്ജുവിനെ ചെന്നൈ സൂപ്പർ കിംഗ്സ് ടീമിലെത്തിച്ചു എന്നാണ് സൂചനകൾ. രവീന്ദ്ര ജഡേജ, സാം കറൻ എന്നിവരെ നൽകിയാണ് ചെന്നൈ സഞ്ജുവിനെ എത്തിച്ചത്.
രാജസ്ഥാൻ റോയൽസുമായും ചെന്നൈ സൂപ്പർ കിംഗ്സുമായും അടുത്ത ബന്ധമുള്ള പലരും ഈ ഡീൽ ഉറപ്പിച്ചെന്ന സൂചനകൾ പുറത്തുവിട്ടിട്ടുണ്ട്. തീരുമാനത്തിൽ രവീന്ദ്ര ജഡേജ തൃപ്തനല്ലെന്നും താരം തൻ്റെ ഇൻസ്റ്റഗ്രാം അക്കൗണ്ട് നീക്കം ചെയ്തു എന്നും റിപ്പോർട്ടുകളുണ്ട്.
